വി​വി​ധ​യി​ട​ങ്ങ​ളി​ൽ ക​ന​ത്ത മ​ഴ; ജാ​ഗ്ര​ത നി​ർ​ദേ​ശ​വു​മാ​യി അ​ധി​കൃ​ത​ർ

ദു​ബൈ: യു.​എ.​ഇ​യു​ടെ വി​വി​ധ ഭാ​ഗ​ങ്ങ​ളി​ൽ തി​ങ്ക​ളാ​ഴ്ച ഉ​ച്ച​യോ​ടെ ശ​ക്ത​മാ​യ മ​ഴ ല​ഭി​ച്ചു. ദു​ബൈ ദേ​ര​യി​ലും ഷാ​ർ​ജ​യി​ലെ വി​വി​ധ ഭാ​ഗ​ങ്ങ​ളി​ലു​മാ​ണ്​ ശ​ക്ത​മാ​യ മ​ഴ പെ​യ്ത​ത്. റോ​ഡു​ക​ളി​ലെ കാ​ഴ്ച മ​ങ്ങു​ന്ന രീ​തി​യി​ൽ മ​ഴ പെ​യ്ത സാ​ഹ​ച​ര്യ​ത്തി​ൽ ഡ്രൈ​വ​ർ​മാ​ർ ജാ​ഗ്ര​ത പാ​ലി​ക്ക​ണ​മെ​ന്ന്​ അ​ധി​കൃ​ത​ർ മു​ന്ന​റി​യി​പ്പ്​ ന​ൽ​കി. മ​ഴ ശ​ക്ത​മാ​യ​തോ​ടെ ദു​ബൈ ന​ഗ​ര​പ്ര​ദേ​ശ​ങ്ങ​ളി​ലെ താ​പ​നി​ല 22 ഡി​ഗ്രി​യും മ​ല​യോ​ര​ങ്ങ​ളി​ൽ നാ​ലു ഡി​ഗ്രി വ​രെ​യും കു​റ​ഞ്ഞി​ട്ടു​ണ്ട്. ദു​ബൈ​യി​ലെ അ​ൽ​വ​ർ​ഖ, അ​ന്താ​രാ​ഷ്ട്ര വി​മാ​ന​ത്താ​വ​ളം, അ​ൽ​അ​വീ​ർ, അ​ൽ ഖ​വാ​നീ​ജ്, ന​ദ്ദ് അ​ൽ​ഹ​മ​ർ, അ​ൽ റാ​ശി​ദി​യ, റാ​സ​ൽ ഖോ​ർ മേ​ഖ​ല​ക​ളി​ൽ ശ​ക്ത​മാ​യ മ​ഴ പെ​യ്ത​തോ​ടെ പ​ല ഭാ​ഗ​ങ്ങ​ളി​ലും വെ​ള്ളം നി​റ​ഞ്ഞു. അ​ബൂ​ദ​ബി​യി​ലെ അ​ൽ​ഐ​നി​ൽ ജ​ബ​ൽ ഹ​ഫീ​ത്, അ​ൽ ബ​ദ മേ​ഖ​ല​ക​ളി​ൽ സാ​മാ​ന്യം മ​ഴ ല​ഭി​ച്ച​താ​യും കാ​ലാ​വ​സ്ഥ നി​രീ​ക്ഷ​ണ കേ​ന്ദ്രം അ​റി​യി​ച്ചു.

വ​രും​ദി​വ​സ​ങ്ങ​ളി​ലും രാ​ജ്യ​ത്തി​ന്‍റെ കി​ഴ​ക്ക​ൻ, തീ​ര​ദേ​ശ, പ​ടി​ഞ്ഞാ​റ​ൻ പ്ര​ദേ​ശ​ങ്ങ​ളി​ൽ മ​ഴ​ക്ക്​ സാ​ധ്യ​ത​യു​ണ്ടെ​ന്നും ഈ ​സ്ഥ​ല​ങ്ങ​ളി​ൽ പ​ക​ൽ ഭാ​ഗി​ക​മാ​യി മേ​ഘാ​വൃ​ത​മാ​യി​രി​ക്കു​മെ​ന്നും അ​ധി​കൃ​ത​ർ അ​റി​യി​ച്ചു. രാ​ജ്യ​ത്ത്​ ഈ ​ആ​ഴ്ച സാ​മാ​ന്യം ഭേ​ദ​പ്പെ​ട്ട മ​ഴ ല​ഭി​ക്കു​മെ​ന്ന്​ ദേ​ശീ​യ കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം ക​ഴി​ഞ്ഞ ദി​വ​സം അ​റി​യി​ച്ചി​രു​ന്നു. ബു​ധ​ൻ, വ്യാ​ഴം, വെ​ള്ളി ദി​വ​സ​ങ്ങ​ളി​ലാ​ണ്​ കൂ​ടു​ത​ലും മ​ഴ ല​ഭി​ക്കു​ക. ദു​ബൈ​യി​ലും അ​ബൂ​ദ​ബി​യി​ലും ഇ​ടി​മി​ന്ന​ലി​നും സാ​ധ്യ​ത​യു​ണ്ട്.

എ​ന്നാ​ൽ, ശ​നി​യാ​ഴ്ച​​യോ​ടെ അ​ന്ത​രീ​ക്ഷം തെ​ളി​യു​മെ​ന്നും അ​ധി​കൃ​ത​ർ വ്യ​ക്ത​മാ​ക്കി. അ​ന്ത​രീ​ക്ഷ താ​പ​നി​ല വി​വി​ധ​യി​ട​ങ്ങ​ളി​ൽ കു​റ​യാ​നും മ​ണി​ക്കൂ​റി​ൽ 40 കി.​മീ. വേ​ഗ​ത​യി​ൽ കാ​റ്റു​വീ​ശാ​നും സാ​ധ്യ​ത​യു​ണ്ട്. ക​ട​ൽ പ്ര​ക്ഷു​ബ്​​ധ​മാ​യി​രി​ക്കു​മെ​ന്ന​തി​നാ​ൽ ക​ട​ലി​ൽ ഇ​റ​ങ്ങു​ന്ന​വ​ർ ജാ​ഗ്ര​ത പാ​ലി​ക്ക​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടി​ട്ടു​ണ്ട്.