ആ​രോ​ഗ്യ ഭീ​ഷ​ണി; എ​മി​റേ​റ്റ്‌​സ് ലെ​സി ക​ഫേ പൂ​ട്ടി

അ​ബൂ​ദ​ബി: പൊ​തു​ജ​നാ​രോ​ഗ്യ​ത്തി​ന് ഭീ​ഷ​ണി​യാ​വു​ന്ന വി​ധം പ്ര​വ​ര്‍ത്തി​ച്ച അ​ബൂ​ദ​ബി ഹം​ദാ​ന്‍ സ്ട്രീ​റ്റി​ലെ എ​മി​റേ​റ്റ്‌​സ് ലെ​സി ക​ഫേ അ​ധി​കൃ​ത​ര്‍ അ​ട​പ്പി​ച്ചു. അ​ബൂ​ദ​ബി കാ​ര്‍ഷി​ക, ഭ​ക്ഷ്യ​സു​ര​ക്ഷ അ​തോ​റി​റ്റി (അ​ഡാ​ഫ്‌​സ)​യു​ടേ​താ​ണ് ന​ട​പ​ടി. വ്യാ​ഴാ​ഴ്ച ന​ട​ത്തി​യ പ​രി​ശോ​ധ​ന​യി​ലാ​ണ് നി​യ​മ​ലം​ഘ​നം ക​ണ്ടെ​ത്തി​യ​തെ​ന്ന് അ​ധി​കൃ​ത​ര്‍ അ​റി​യി​ച്ചു. എ​ന്തു നി​യ​മ​ലം​ഘ​ന​മാ​ണ് സ്ഥാ​പ​ന​ത്തി​ല്‍ ക​ണ്ടെ​ത്തി​യ​തെ​ന്നു വ്യ​ക്ത​മ​ല്ല.

ഫെ​ബ്രു​വ​രി 15ന് ​ന​ട​ത്തി​യ പ​രി​ശോ​ധ​ന​യി​ല്‍ നി​യ​മ​ലം​ഘ​നം ക​ണ്ടെ​ത്തി​യ​തി​നെ​ത്തു​ട​ര്‍ന്ന് അ​ബൂ​ദ​ബി​യി​ലെ സൂ​പ്പ​ര്‍മാ​ര്‍ക്ക​റ്റും അ​ഡാ​ഫ്‌​സ പൂ​ട്ടി​ച്ചി​രു​ന്നു. അ​ഡാ​ഫ്‌​സ ഉ​ദ്യോ​ഗ​സ്ഥ​ര്‍ എ​മി​റേ​റ്റി​ലു​ട​നീ​ള​മു​ള്ള സ്ഥാ​പ​ന​ങ്ങ​ളി​ല്‍ പ​രി​ശോ​ധ​ന​ക​ള്‍ ന​ട​ത്തി ഭ​ക്ഷ്യ​വ​സ്തു​ക്ക​ളു​ടെ നി​ല​വാ​ര​വും സ്ഥാ​പ​ന​ങ്ങ​ളി​ലെ ശു​ചി​ത്വ​വും ജീ​വ​ന​ക്കാ​രു​ടെ വൃ​ത്തി​യു​മൊ​ക്കെ ഉ​റ​പ്പു​വ​രു​ത്തു​ന്നു​ണ്ട്. നി​യ​മ​ലം​ഘ​നം ന​ട​ത്തു​ന്ന സ്ഥാ​പ​ന​ങ്ങ​ള്‍ക്കെ​തി​രെ ഉ​ട​ന​ടി ന​ട​പ​ടി സ്വീ​ക​രി​ക്കു​ന്നു​മു​ണ്ട്. നി​യ​മ​ലം​ഘ​നം പ​രി​ഹ​രി​ച്ച് ഇ​ക്കാ​ര്യം ബോ​ധ്യ​പ്പെ​ടു​ത്തി​യാ​ല്‍ മാ​ത്ര​മാ​ണ് ഇ​ത്ത​രം സ്ഥാ​പ​ന​ങ്ങ​ള്‍ക്ക് വീ​ണ്ടും പ്ര​വ​ര്‍ത്ത​നാ​നു​മ​തി ന​ല്‍കു​ക.