ഫണ്ട്​ സ്വരൂപിക്കാൻ പൊരിവെയിലത്ത് ഓടിയത്​​ 21 കിലോമീറ്റർ

ദുബൈ: യു.എ.ഇയിൽ ഇപ്പോൾ കനത്ത ചൂടാണ്​. ഉച്ചക്ക്​ പുറത്തിറങ്ങാൻ പോലും മടിക്കുന്ന ഈ പൊരിഞ്ഞ ചൂടിൽ മുൻ ഇംഗ്ലീഷ്​ ക്രിക്കറ്റ്​ താരവും യു.എ.ഇ ദേശീയ ടീം പരിശീലകനുമായിരുന്ന ഡൂഗി ബ്രെയിൻ ഓടിയത്​ 21 കിലോമീറ്റർ.

ദുരിതകാലത്ത്​ തനിക്ക്​ തുണയായ പ്രഫഷനൽ ക്രിക്കറ്റ്​ ​അസോസിയേഷന്​ (പി.സി.എ) ഫണ്ട്​ സ്വരൂപിക്കാനാണ ്​42 ഡിഗ്രി ചൂടിൽ 51 വയസുകാരനായ ഡൂഗി ദുബൈ നഗരത്തിലൂടെ ഓടിയത്​.

5298 ഡോളർ സ്വരൂപിക്കാനായിരുന്നു അദ്ദേഹത്തി​െൻറ ഹാഫ്​ മാരത്തൺ. വെള്ളിയാഴ്​ച ഉച്ചക്ക്​ തുടങ്ങിയ ഓട്ടം വൈകുന്നേരം 3:27നാണ്​ സമാപിച്ചത്​. ഡൂഗിയുടെ കുട്ടിയുണ്ടായപ്പോൾ പലവിധ ആരോഗ്യ പ്രശ്​നങ്ങളുണ്ടായിരുന്നു. ഈ സമയത്ത്​ സഹായിച്ചത്​ പി.സി.എ ആയിരുന്നു. ഇ​പ്പോൾ സാധാരണ ജീവിതത്തിലേക്ക്​ കുട്ടി തിരികെയെത്തി. ക്രിക്കറ്റർമാരുടെ ഫണ്ടാണ്​ ത​െൻറ കുഞ്ഞി​െൻറ ജീവൻ രക്ഷിച്ചതെന്നും ഇതിന്​ നന്ദിയായി അവരെ തിരിച്ച്​ സഹായിക്കാനാണ്​ ഫണ്ട്​ സ്വരൂപിച്ചതെന്നും അദ്ദേഹം പറഞ്ഞു.

ട്രസ്​റ്റി​െൻറ ധനസമാഹരണത്തിന്​ ചാലഞ്ച്​ നടത്താനും തീരുമാനിച്ചിട്ടുണ്ട്​. 42 ഡിഗ്രി ചൂടായിരുന്നെങ്കിലും 53 ഡിഗ്രിയുടെ കാഠിന്യമുണ്ടായിരുന്നു. 25 തവണ താൻ ഹാഫ്​ മാരത്തൺ പൂർത്തീകരിച്ചിട്ടുണ്ട്​. ഒരു തവണ ഫുൾ മാരത്തണും പൂർത്തീകരിച്ചു. എന്നാൽ, അതെല്ലാം യു.കെയിലായിരുന്നു. ആദ്യമായാണ്​ ഇത്രവലിയ ചൂടിൽ 21 കിലോമീറ്റർ ഓടുന്നത്​. ഇത്​ വലിയൊരു വെല്ലുവിളിയായിരുന്നു. സാധാരണ സമയത്തേക്കാൾ കൂടുതൽ സമയമെടുത്താണ്​ ഓട്ടം പൂർത്തിയാക്കിയതെന്നും അദ്ദേഹം പറഞ്ഞു. മൂന്ന്​ മണിക്കൂർ 27 മിനിറ്റ്​ കൊണ്ടാണ്​ ഓട്ടം പൂർത്തിയാക്കിയത്​. ഇടക്കിടെ കൂളിങ്​ ബ്രേക്ക്​ എടുത്തിരുന്നു. ഭാര്യ അമേലിയ ബ്രൗണും മക്കളായ ആറ്​ വയസ്സു​കാരി ഫ്രാങ്കിയും ആറ്​ മാസം പ്രായമുള്ള ​േഫ്ലാറൻസും കാറിൽ അനുഗമിച്ചിരുന്നു. ഇടക്ക്​ പിതാവിനൊപ്പം ഓടാൻ ഫ്രാങ്കിയും പുറത്തിറങ്ങി.

1997-98ൽ ഇംഗ്ലണ്ടിനായി കളിച്ചിട്ടുണ്ട്​. 2017ൽ യു.എ.ഇ ദേശീയ ടീമി​െൻറ ഹെഡ്​ കോച്ചായി നിയമിച്ചിരുന്നു. അതിന്​ മുമ്പ്​​ നമീബിയ ടീമിനെയും പരിശീലിപ്പിച്ചിട്ടുണ്ട്​.