എമിറേറ്റ്​സിൽ ഒറ്റക്ക്​ പറന്ന്​ ദുബൈ വ്യവസായി

ദുബൈ/മുംബൈ: മുംബൈയിൽനിന്ന്​ ദുബൈയിലേക്ക്​ എമിറേറ്റ്​സ്​ വിമാനത്തിൽ ഒറ്റക്ക്​ പറന്ന്​​ യു.എ.ഇയിലെ വ്യവസായി.ഇന്ത്യക്കാർക്ക്​ ​യു.എ.ഇ യാത്രവിലക്കേർപ്പെടുത്തിയ പശ്ചാത്തലത്തിലാണ്​ ഗോൾഡൻ വിസക്കാരനായ സ്​റ്റാർ ജെംസ്​ ഗ്രൂപ്​ സി.ഇ.ഒ ഭാവേഷ്​ ജവേരിക്ക്​ എമിറേറ്റ്​സിൽ യാത്രയൊരുക്കിയത്​.

ദുബൈ നൽകുന്ന ദീർഘകാല വിസയായ ഗോൾഡൻ വിസയുള്ളവർക്ക്​ യു.എ.ഇയിലേക്ക്​ യാത്രചെയ്യാൻ​ തടസ്സമില്ല. ദുബൈയിൽനിന്നുള്ള യാത്രക്കാരുമായെത്തിയ എമിറേറ്റ്​സ്​ വിമാനം തിരിച്ചുപോയപ്പോഴാണ്​ ജവേരിയെയും ഉൾപ്പെടുത്തിയത്​.

360 സീറ്റുള്ള വിമാനത്തിലായിരുന്നു​ ജവേരിയുടെ ഒറ്റയാൻ യാത്ര. 17 ടൺ കാർഗോയും ഈ വിമാനത്തിലുണ്ടായിരുന്നു. സാധാരണ നിരക്കിനേക്കാൾ കുറവാണ്​ ജവേരിയിൽനിന്ന്​ എമിറേറ്റ്​സ്​ ഈടാക്കിയത്. യാത്രക്ക്​ ചെലവായത്​ 909 ദിർഹം മാത്രം (18000 രൂപ). ര​ണ്ട്​ പ​തി​റ്റാ​ണ്ടാ​യി ദു​ബൈ​ക്കും മും​ബൈ​ക്കു​മി​ട​യി​ൽ പ​റ​ക്കു​ന്നു. 240 ഒാ​ളം വി​മാ​ന​ങ്ങ​ളി​ൽ ക​യ​റി. എ​ന്നാ​ൽ, ഇ​ങ്ങ​നൊ​രു യാ​ത്ര സ്വ​പ്​​ന​ത്തി​ൽ​പോ​ലും പ്ര​തീ​ക്ഷി​ച്ച​ത​ല്ല –ഭാ​വേ​ഷ്​ പ​റ​യു​ന്നു.

യു.എ.ഇയിലേക്ക്​ ബിസിനസുകാർക്ക്​ ചെറുവിമാനങ്ങളിൽ യാത്രചെയ്യാൻ അനുമതിയുണ്ടെങ്കിലും നാല്​ ലക്ഷത്തോളം രൂപ ചെലവാണ്​. കഴിഞ്ഞദിവസം കൂടുതൽ നിബന്ധനകൾ ഏർപ്പെടുത്തുകയും ചെയ്​തിട്ടുണ്ട്​. ഈ സാഹചര്യത്തിലാണ്​ കുറഞ്ഞ നിരക്കിൽ എമിറേറ്റ്​സ്​ വിമാനത്തിൽ ജവേരിയുടെ യാത്ര. വിമാന ജീവനക്കാർ കൈയടിയോടെയാണ്​ ജവേരിയെ സ്വീകരിച്ചതും യാത്രയാക്കിയതും.വിമാനം മുഴുവൻ ചുറ്റിക്കറങ്ങിയതിന്​ പുറമെ ഭാഗ്യ നമ്പറായ 18ാം നമ്പർ സീറ്റ്​ ലഭിക്കുകയും ചെയ്​തു.

ആ ​ഭാ​ഗ്യ ക​ഥ ഭാ​വേ​ഷ്​ പ​റ​യു​ന്ന​തി​ങ്ങ​നെ:

ക​ഴി​ഞ്ഞ ബു​ധ​നാ​ഴ്​​ച ദു​ബൈ​യി​ലേ​ക്ക്​ പോ​കാ​ൻ തീ​യ​തി ഇ​ല്ലാ​ത്ത ടി​ക്ക​റ്റു​മാ​യി മും​ബൈ വി​മാ​ന​ത്താ​വ​ള​ത്തി​ൽ എ​ത്തി​യ​താ​യി​രു​ന്നു. തീ​യ​തി​യി​ല്ലാ​ത്ത​തി​നാ​ൽ സി.െ​എ.​എ​സ്.​എ​ഫ്​ ഉ​ദ്യോ​ഗ​സ്​​ഥ​ർ ക​വാ​ട​ത്തി​ൽ ത​ട​ഞ്ഞു. എ​മി​റേ​റ്റ്​​സ്​ ന​മ്പ​റി​ലേ​ക്ക്​ വി​ളി​ച്ച​പ്പോ​ഴാ​ണ്​ ഞെ​ട്ടി​യ​ത്. താ​ങ്ക​ൾ​മാ​ത്ര​മാ​ണ്​ ഇ​ന്ന്​ ഞ​ങ്ങ​ളു​ടെ യാ​ത്ര​ക്കാ​ര​ൻ. അ​തി​നാ​ൽ താ​ങ്ക​ളെ കാ​ത്ത്​ ക​വാ​ട​ത്തി​ൽ ആ​ള്​ നി​ൽ​പു​ണ്ട്​ എ​ന്ന്​ അ​വ​ർ. തു​ട​ർ​ന്ന്​ ന​ട​പ​ടി​ക​ൾ ക​ഴി​ഞ്ഞ്​ വി​മാ​ന​ത്തി​ലേ​ക്ക്. എ​യ​ർ​ഹോ​സ്​​റ്റ​സു​മാ​ർ കൈ​യ​ടി​ച്ച്​ സ്വാ​ഗ​തം ചെ​യ്​​തു. മി​സ്​​റ്റ​ർ ജ​വേ​രി എ​ന്ന സം​ബോ​ധ​ന​യോ​ടെ​യാ​യി​രു​ന്നു ബെ​ൽ​ട്ട്​ മു​റു​ക്കാ​നും മ​റ്റു​മു​ള്ള അ​നൗ​ൺ​സ്​​മെൻറു​ക​ളും വി​മാ​നം ഇ​റ​ങ്ങാ​ൻ ത​യാ​റെ​ടു​ക്കു​ന്ന​തി‍െൻറ അ​റി​യി​പ്പും.