മ​ഞ്ഞി​നെ മ​റി​ക​ട​ക്കാ​ൻ ഹ​സാ​ർ​ഡ്​ ലൈ​റ്റ് ഇ​ട​രു​തേ...

ദു​ബൈ: വാ​ഹ​ന​ങ്ങ​ളി​ലെ ഹ​സാ​ർ​ഡ്​ ലൈ​റ്റി​നെ​ക്കു​റി​ച്ച്​ ഡ്രൈ​വ​ർ​മാ​ർ​ക്ക്​ ഇ​പ്പോ​ഴും തെ​റ്റി​ദ്ധാ​ര​ണ മാ​റി​യി​ട്ടി​ല്ല. നാ​ലും കൂ​ടി​യ ജ​ങ്​​ഷ​നി​ൽ വാ​ഹ​നം നേ​രെ ഓ​ടി​ക്കാ​നാ​ണ്​ ഹ​സാ​ർ​ഡ്​ ലൈ​റ്റെ​ന്നാ​ണ്​ ചി​ല​രു​ടെ ധാ​ര​ണ. മൂ​ട​ൽ​മ​ഞ്ഞും മ​ഴ​യു​മു​ള്ള​പ്പോ​ൾ മ​റ്റു​ വാ​ഹ​ന​ങ്ങ​ൾ​ക്ക്​ കാ​ണാ​ൻ വേ​ണ്ടി​യാ​ണ്​ ചി​ല​ർ ഈ ​ലൈ​റ്റ്​ ഉ​പ​യോ​ഗി​ക്കു​ന്ന​ത്. സ്​​റ്റൈ​ലി​നു​വേ​ണ്ടി ഹ​സാ​ർ​ഡ്​ ലൈ​റ്റ്​ തെ​ളി​യി​ച്ച്​ വാ​ഹ​ന​മോ​ടി​ക്കു​ന്ന​വ​രു​മു​ണ്ട്. ഇ​ത്​ വ​ലി​യ അ​പ​ക​ട​ത്തി​ലേ​ക്ക്​ ന​യി​ക്കു​മെ​ന്നും നി​യ​മ​ലം​ഘ​ന​മാ​ണെ​ന്നും ധാ​ര​ണ​യി​ല്ലാ​ത്ത​വ​രാ​ണ്​ ഇ​ത്ത​രം ചെ​യ്​​തി​ക​ൾ തു​ട​രു​ന്ന​ത്.

യു.​എ.​ഇ​യി​ൽ ഇ​പ്പോ​ൾ പു​ല​ർ​ച്ചെ ന​ല്ല മ​ഞ്ഞാ​ണ്. പ​ല​രും ഹ​സാ​ർ​ഡ്​ ലൈ​റ്റി​ട്ടാ​ണ്​ വാ​ഹ​ന​മോ​ടി​ക്കു​ന്ന​ത്. ഇ​ത്​ പൊ​ലീ​സി​െൻറ ശ്ര​ദ്ധ​യി​ൽ​പെ​ട്ടാ​ൽ പി​ഴ​യ​ടി​ക്കും എ​ന്ന്​ മാ​ത്ര​മ​ല്ല, പി​ന്നി​ൽ വ​രു​ന്ന വാ​ഹ​ന​ങ്ങ​ൾ​ക്ക്​ ആ​ശ​യ​ക്കു​ഴ​പ്പ​മു​ണ്ടാ​ക്കു​ക​യും ചെ​യ്യു​ന്നു. ജ​ങ്​​ഷ​നു​ക​ളി​ൽ നി​ന്ന്​ തി​രി​ഞ്ഞു​പോ​കു​േ​മ്പാ​ഴും ലൈ​നു​ക​ൾ മാ​റു​േ​മ്പാ​ഴും ഇ​ൻ​റി​ക്കേ​റ്റ​ർ ഇ​ട്ടാ​ലും പി​ന്നി​ൽ വ​രു​ന്ന വാ​ഹ​ന​ങ്ങ​ൾ​ക്ക്​ ഇ​ത്​ മ​ന​സ്സി​ലാ​ക്കാ​ൻ ക​ഴി​യി​ല്ല. ഇ​ത്​ വ​ലി​യ അ​പ​ക​ട​​ത്തി​ലേ​ക്ക്​ ന​യി​ക്കു​ന്നു. 500 ദി​ർ​ഹ​മും നാ​ല്​ ബ്ലാ​ക്ക്​ പോ​യ​ൻ​റു​ക​ളു​മാ​ണ്​ പി​ഴ.

വാ​ഹ​നം അ​പ​ക​ട​ത്തി​ൽ​പെ​ടു​ക​യോ കേ​ടു​വ​ന്ന്​ റോ​ഡി​ൽ നി​ർ​ത്തി​യി​ടു​ക​യോ ചെ​യ്യു​േ​മ്പാ​ൾ ഉ​പ​യോ​ഗി​ക്കാ​നു​ള്ള സം​വി​ധാ​ന​മാ​ണ്​ ​ഹ​സാ​ർ​ഡ്​ ലൈ​റ്റ്.