ര​ണ്ടാ​മ​ത്​ ഹ​ത്ത ഫാ​മി​ങ്​ ഫെ​സ്റ്റി​വ​ലി​ന്​ തു​ട​ക്കം

ദു​ബൈ: നി​വാ​സി​ക​ൾ​ക്കും സ​ന്ദ​ർ​ശ​ക​ർ​ക്കും യു.​എ.​ഇ​യി​ലെ പ്രാ​ദേ​ശി​ക ക​ർ​ഷ​ക​രു​ടെ ഉ​ൽ​പ​ന്ന​ങ്ങ​ൾ പ​രി​ച​യ​പ്പെ​ടാ​ൻ അ​വ​സ​രം ന​ൽ​കു​ന്ന ര​ണ്ടാ​മ​ത്​ ഹ​ത്ത ഫാ​മി​ങ്​ ഫെ​സ്റ്റി​വ​ലി​ന്​ തു​ട​ക്ക​മി​ട്ട്​ ദു​ബൈ മു​നി​സി​പ്പാ​ലി​റ്റി. ദു​ബൈ ഫാം ​പ്രോ​ഗ്രാ​മി​ന്‍റെ ഭാ​ഗ​മാ​യി ഒ​രു​ക്കു​ന്ന ഫെ​സ്റ്റി​വ​ലി​ന്​ ദു​ബൈ കി​രീ​ടാ​വ​കാ​ശി​യും ഉ​പ​പ്ര​ധാ​ന​മ​ന്ത്രി​യും പ്ര​തി​രോ​ധ മ​ന്ത്രി​യു​മാ​യ ശൈ​ഖ്​ ഹം​ദാ​ൻ ബി​ൻ മു​ഹ​മ്മ​ദ് ബി​ൻ റാ​ശി​ദ് ആ​ൽ മ​ക്തൂ​മാ​ണ് നേ​തൃ​ത്വം ന​ൽ​കു​ന്ന​ത്.

പ്രാ​ദേ​ശി​ക ക​ർ​ഷ​ക​രെ പ്രോ​ത്സാ​ഹി​പ്പി​ക്കു​ക​യും ഇ​വ​രു​ടെ ഉ​ൽ​പ​ന്ന​ങ്ങ​ൾ​ക്ക്​ മി​ക​ച്ച വി​പ​ണി ക​ണ്ടെ​ത്താ​ൻ സ​ഹാ​യി​ക്കു​ക​യു​മാ​ണ്​ ല​ക്ഷ്യം. ജ​നു​വ​രി 22 വ​രെ തു​ട​രു​ന്ന ഫെ​സ്​​റ്റി​വ​ലി​ൽ 25 ഇ​മാ​റാ​ത്തി ക​ർ​ഷ​ക​ർ, കാ​ർ​ഷി​ക മേ​ഖ​ല​യി​ൽ പ്ര​വ​ർ​ത്തി​ക്കു​ന്ന ക​മ്പ​നി​ക​ൾ, വീ​ട്ടു ക​ർ​ഷ​ക​ർ തു​ട​ങ്ങി​യ​വ​ർ പ​​ങ്കെ​ടു​ക്കും.

ദു​ബൈ ര​ണ്ടാം ഭ​ര​ണാ​ധി​കാ​രി​യും ദു​ബൈ മീ​ഡി​യ കൗ​ൺ​സി​ൽ ചെ​യ​ർ​മാ​നു​മാ​യ ശൈ​ഖ്​ അ​ഹ്മ​ദ്​ ബി​ൻ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മി​ന്‍റെ ര​ക്ഷാ​ക​ർ​തൃ​ത്വ​ത്തി​ൽ ആ​രം​ഭി​ച്ച ഹ​ത്ത​ ശൈ​ത്യ​കാ​ല സം​രം​ഭ​ത്തി​ന്​ കീ​ഴി​ലാ​ണ്​ ഹ​ത്ത ഫാ​മി​ങ്​ ഫെ​സ്​​റ്റി​വ​ൽ ന​ട​ക്കു​ന്ന​ത്.

ശൈ​ത്യ​കാ​ല​ത്ത്​ താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും ഹ​ത്ത മ​ല​ക​മു​ക​ളി​ൽ വി​ത്യ​സ്ത​മാ​യ അ​നു​ഭ​വം സ​മ്മാ​നി​ക്കു​ന്ന രീ​തി​യി​ലാ​ണ്​ ഹ​ത്ത ഫാ​മി​ങ്​ ഫെ​സ്റ്റി​വ​ൽ ഒ​രു​ക്കി​യി​രി​ക്കു​ന്ന​ത്. പ്ര​വേ​ശ​നം സൗ​ജ​ന്യ​മാ​ണ്. മു​നി​സി​പ്പാ​ലി​റ്റി​യു​ടെ ഹ​ത്ത സ​മ​ഗ്ര വി​ക​സ​ന​പ​ദ്ധ​തി​ക​ളെ​യും​ ഫാ​മി​ങ്​ ഫെ​സ്റ്റി​വ​ൽ പി​ന്തു​ണ​​ക്കു​ന്നു​ണ്ട്. ദേ​ശീ​യ ഭ​ക്ഷ്യ​സു​ര​ക്ഷ​യു​ടെ ഭാ​ഗ​മാ​യി ഹ​ത്ത​യി​ലെ ക​ർ​ഷ​ക​രെ സ​ഹാ​യി​ക്കാ​നാ​യി ക​ഴി​ഞ്ഞ വ​ർ​ഷം ദു​ബൈ മു​നി​സി​പ്പാ​ലി​റ്റി പ്ര​ത്യേ​ക പ​രി​ശീ​ല​ന​വും സം​ഘ​ടി​പ്പി​ച്ചി​രു​ന്നു.

24,550 ബാ​ഗ്​ ജൈ​വ, രാ​സ​വ​ള​ങ്ങ​ൾ, 2,440 ബാ​ഗ്​ വി​ത്തു​ക​ൾ, 1350 ലൈ​റ്റു​ക​ൾ, ഫെ​റോ​മോ​ൺ ട്രാ​പ്പു​ക​ൾ എ​ന്നി​വ​യും ക​ർ​ഷ​ക​ർ​ക്ക്​ സൗ​ജ​ന്യ​മാ​യി വി​ത​ര​ണം ചെ​യ്തി​രു​ന്നു.