ഹ​ത്ത വി​ക​സ​ന​പ​ദ്ധ​തി ര​ണ്ടാം ഘ​ട്ട​ത്തി​ന്​ അം​ഗീ​കാ​രം

ദു​ബൈ: ഹ​ത്ത പ്ര​ദേ​ശ​ത്തി​ന്‍റെ സ​മ​ഗ്ര വി​ക​സ​ന​ത്തി​ന്​ രൂ​പ​പ്പെ​ടു​ത്തി​യ പ​ദ്ധ​തി​യു​ടെ ര​ണ്ടാം ഘ​ട്ട​ത്തി​ന്​ യു.​എ.​ഇ വൈ​സ്​ പ്ര​സി​ഡ​ൻ​റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂം അം​ഗീ​കാ​രം ന​ൽ​കി. പ​ദ്ധ​തി​യു​ടെ ഒ​ന്നാം​ഘ​ട്ട പ്ര​വൃ​ത്തി​ക​ളു​ടെ പു​രോ​ഗ​തി ഹ​ത്ത​യി​ലെ​ത്തി വി​ല​യി​രു​ത്തി​യ ശേ​ഷ​മാ​ണ്​ അ​ടു​ത്ത​ഘ​ട്ട​ത്തി​ന്​ അം​ഗീ​കാ​രം ന​ൽ​കി​യ​ത്. പ​ദ്ധ​തി​യു​ടെ ഒ​ന്നാം​ഘ​ട്ട​ത്തി​ൽ 14 പ​ദ്ധ​തി​ക​ളാ​ണ്​ ഉ​ൾ​പ്പെ​ട്ടി​രു​ന്ന​ത്. എ​ന്നാ​ൽ, ര​ണ്ടാ​മ​ത്തെ ഘ​ട്ട​ത്തി​ൽ കൂ​ടു​ത​ൽ വി​പു​ല​മാ​യ 22 പ​ദ്ധ​തി​ക​ൾ ഉ​ൾ​പ്പെ​ടു​ത്തി​യി​ട്ടു​ണ്ട്.

താ​മ​സ​ക്കാ​ർ​ക്കും സ​ന്ദ​ർ​ശ​ക​ർ​ക്കും ഒ​രു​പോ​ലെ ഉ​പ​കാ​ര​പ്പെ​ടു​ന്ന ടൂ​റി​സ്റ്റ് സ്പോ​ട്ടാ​ക്കി ഹ​ത്ത ബീ​ച്ചി​നെ മാ​റ്റു​ക​യെ​ന്ന​താ​ണ്​ ര​ണ്ടാം ഘ​ട്ട​ത്തി​ലെ ഒ​രു പ​ദ്ധ​തി. ഇ​തു​വ​ഴി വി​നോ​ദ സ​ഞ്ചാ​രി​ക​ളു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​വു​ണ്ടാ​കും. എ​ല്ലാ സീ​സ​ണി​ലും സ​ജീ​വ​മാ​യ ടൂ​റി​സ്റ്റ്​ സ്​​പോ​ട്ടാ​ക്കാ​നാ​ണ്​ ല​ക്ഷ്യ​മി​ടു​ന്ന​ത്. ഹ​ത്ത ഡാ​മി​ന്‍റെ പ​രി​സ​ര​ത്ത്​ വെ​ള്ള​ച്ചാ​ട്ടം നി​ർ​മി​ക്കു​ന്ന​തും ര​ണ്ടാം ഘ​ട്ട​ത്തി​ൽ പൂ​ർ​ത്തി​യാ​ക്കും. അ​ണ​ക്കെ​ട്ടി​ൽ​നി​ന്ന് ദു​ബൈ​യി​ലെ ഏ​റ്റ​വും ഉ​യ​രം കൂ​ടി​യ കൊ​ടു​മു​ടി​യാ​യ ഉ​മ്മു​ൽ നു​സൂ​റി​ന്‍റെ മു​ക​ളി​ലേ​ക്ക് സ​ന്ദ​ർ​ശ​ക​രെ എ​ത്തി​ക്കു​ന്ന 5.4 കി​ലോ​മീ​റ്റ​ർ കേ​ബി​ൾ കാ​ർ സ്ഥാ​പി​ക്കു​ന്ന​തും പൂ​ർ​ത്തി​യാ​ക്കും.

ഒ​ന്നാം ഘ​ട്ട​ത്തി​ൽ ഹ​ത്ത സൂ​ഖ്, ഹ​ത്ത ഹെ​റി​റ്റേ​ജ്​ വി​ല്ലേ​ജ്​ എ​ന്നി​വ​യ​ട​ക്കം ആ​ദ്യ​ഘ​ട്ട​ത്തി​ൽ ഉ​ൾ​പ്പെ​ട്ട മി​ക്ക പ​ദ്ധ​തി​ക​ളും പൂ​ർ​ത്തി​യാ​യി​ട്ടു​ണ്ട്. പ്ര​ദേ​ശ​ത്തി​ന്‍റെ സ​മ്പ​ന്ന​മാ​യ സം​സ്കാ​രം, ച​രി​ത്രം, ആ​ചാ​ര​ങ്ങ​ൾ എ​ന്നി​വ​യെ പ​രി​ച​യ​പ്പെ​ടു​ത്തു​ന്ന കേ​ന്ദ്ര​ങ്ങ​ൾ വ​ഴി സാം​സ്കാ​രി​ക​വും ച​രി​ത്ര​പ​ര​വു​മാ​യ സാ​ധ്യ​ത​ക​ൾ വി​നോ​ദ​സ​ഞ്ചാ​ര​ത്തി​ന്​ ഉ​പ​യോ​ഗ​പ്പെ​ടു​ത്തു​ക​യാ​ണ്​ പ​ദ്ധ​തി​ക​ൾ ല​ക്ഷ്യ​മി​ടു​ന്ന​ത്. ഹ​ത്ത ഹെ​റി​റ്റേ​ജ്​ വി​ല്ലേ​ജ്​ പ​ദ്ധ​തി 40 സ്വ​ദേ​ശി കു​ടും​ബ​ങ്ങ​ൾ​ക്ക്​ ഉ​പ​കാ​ര​പ്പെ​ടും. സൈ​ക്കി​ളു​ക​ൾ​ക്കും മൗ​ണ്ട​ൻ ബൈ​ക്കു​ക​ൾ​ക്കു​മാ​യി 11.5 കി​ലോ​മീ​റ്റ​ർ ട്രാ​ക്ക് പ്രാ​രം​ഭ ഘ​ട്ട​ത്തി​ൽ നി​ർ​മി​ച്ചി​ട്ടു​ണ്ട്. വി​നോ​ദ​സ​ഞ്ചാ​ര സ്ഥ​ല​ങ്ങ​ളി​ലേ​ക്ക്​ യാ​ത്ര​ക്കാ​വ​ശ്യ​മാ​യ റോ​ഡ്​ സൗ​ക​ര്യ​ങ്ങ​ളും പാ​ർ​ക്കി​ങ്​ ഏ​രി​യ​ക​ളും ഒ​രു​ക്കി​യി​ട്ടു​മു​ണ്ട്. സം​രം​ഭ​ക​ർ​ക്കും യു​വ​ജ​ന പ​ദ്ധ​തി​ക​ൾ​ക്കും സ​ഹാ​യം ന​ൽ​കു​ന്ന​തി​നാ​യി ചെ​റു​കി​ട-​ഇ​ട​ത്ത​രം വ്യ​വ​സാ​യ ഹ​ബും സ്ഥാ​പി​ച്ചു.