ഹത്താ ഡാമി​ന്​ പുതുഭംഗി പകർന്ന്​  രാഷ്​ട്രശിൽപികളുടെ ചിത്രം

ദുബൈ: രാജ്യത്തി​​െൻറ മുന്നേറ്റങ്ങൾക്ക്​ നിലക്കാത്ത ഉൗർജപ്രവാഹം പകരുന്ന രാഷ്​ട്രശിൽപികളുടെ ചിത്രമണിഞ്ഞ്​ ഹത്താ അണക്കെട്ട്​. ശൈഖ്​ സായിദ്​ ബിൻ സുൽത്താൻ ആൽ നഹ്​യാൻ, ശൈഖ്​ റാശിദ്​ ബിൻ സഇൗദ്​ ആൽ മക്​തൂം എന്നിവരുടെ 80 x 30 മീറ്റർ വലിപ്പമുള്ള ചുമർചിത്രമാണ്​ തയ്യാറാക്കിയിരിക്കുന്നത്​. ദുബൈ സ്​​ട്രീറ്റ്​ മ്യൂസിയം പദ്ധതിയുടെ ഭാഗമായി ദുബൈ മീഡിയാ ഒഫീസി​നു കീഴിലെ ​ബ്രാൻറ്​ ദുബൈ ദുബൈ നഗരസഭയുമായി ചേർന്നാണ്​ ഇതു സാധ്യമാക്കിയത്​. 
യു.എ.ഇ വൈസ്​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽ മക്​തൂം പ്രഖ്യാപിച്ച 1.3 ബില്യൻ ദിർഹത്തി​​െൻറ ഹത്ത സമഗ്ര വികസന പദ്ധതിയുടെ ഭാഗമായാണ്​ ലോകത്തിലെ ഏറ്റവും വലിയ ചുമർചിത്രങ്ങളിലൊന്ന്​ ഇവിടെ സ്​ഥാപിച്ചത്​. വിനോദസഞ്ചാരം, സാംസ്​കാരികം, കായിക മേഖല, വിദ്യാഭ്യാസം, ആതിഥ്യമേഖല എന്നീ രംഗങ്ങളിൽ മികച്ച ​ഒ​േട്ടറെ പദ്ധതികളൊരുക്കാൻ ദുബൈ സർക്കാർ സ്​ഥാപനങ്ങൾ പ്രവർത്തിച്ചു വരികയാണ്​. 

ഹത്തയുടെ സാംസ്​കാരിക^വിനോദ സഞ്ചാര മികവുകളെ ഉയർത്തിക്കാണിക്കുന്നതി​​െൻറ ഭാഗമായാണ്​ സ്​​ട്രീറ്റ്​ മ്യൂസിയം പദ്ധതിക്ക്​ ഇവിടം ​തിരഞ്ഞെടുത്തതെന്ന്​ ബ്രാൻറ്​ ദുബൈ ഡയറക്​ടർ മൈത ബു ഹുമൈദ്​ പറഞ്ഞു. രാഷ്​ട്രം എക്കാലവും ഒാർക്കുന്ന സ്​ഥാപക പിതാക്കളു​െട ചിത്രം പ്രകാശനം ചെയ്യുന്നത്​ 46ാം ദേശീയ ദിനവുമായി ഒത്തുവന്നത്​ ആകസ്​മികമായെന്ന്​ നഗരസഭ ഹത്ത സ​െൻറർ മേധാവി ഉമർ സഇൗദ്​ അൽ മുതൈവീ പറഞ്ഞു. ​േകയ്​സ്​ എന്നറിയപ്പെടുന്ന ജർമൻ ചിത്രകാരൻ ആൻഡ്രിയാസ്​ വോൺ സനോവ്​സ്​കിയാണ്​ ചിത്രം തയ്യാറാക്കിയത്​.