ഹസീന ഫുട്ബാൾ ഫെസ്റ്റ് മേയ് എട്ടിന്

അബൂദബി: കാസർകോട് ജില്ലയിലെ ചിത്താരി കേന്ദ്രീകരിച്ച് പ്രവർത്തിക്കുന്ന ഹസീന ആർട്സ് ആൻഡ് സ്പോർട്സ് ക്ലബിന്‍റെ മിഡിലീസ്റ്റ് കമ്മിറ്റി സംഘടിപ്പിക്കുന്ന മെട്രോ മുഹമ്മദ് ഹാജി മെമ്മോറിയൽ ഓൾ ഇന്ത്യ സെവൻസ് ഫുട്ബാൾ ടൂർണമെന്‍റും കുടുംബസംഗമവും മേയ് എട്ടിന് ദുബൈ ഖിസൈസിലെ വുഡ്‌ലേം പാർക്ക് സ്കൂൾ ഗ്രൗണ്ടിൽ നടക്കുമെന്ന് സംഘാടകർ അറിയിച്ചു. വിന്നേഴ്‌സിന് രണ്ടുലക്ഷം രൂപയും രണ്ടാം സ്ഥാനക്കാർക്ക് ഒരു ലക്ഷം രൂപയുമാണ് സമ്മാനം. ചടങ്ങിൽ യു.എ.ഇയിലെ കലാ-കായിക പ്രേമികളായ വ്യവസായ പ്രമുഖരെ ആദരിക്കുന്നതിന് പുറമെ വിവിധ കലാകായിക പരിപാടികളും അരങ്ങേറും.