ആ​രോ​ഗ്യ​ത്തി​ന്​ ഹാ​നി​ക​രം;41 ഉ​ൽ​പ​ന്ന​ങ്ങ​ൾ​ക്കു​കൂ​ടി വി​ല​ക്ക്​

അ​ബൂ​ദ​ബി: ഭാ​രം കു​റ​ക്ക​ല്‍, ലൈം​ഗി​ക​ശേ​ഷി വ​ര്‍ധി​പ്പി​ക്ക​ല്‍, സൗ​ന്ദ​ര്യ​വ​ര്‍ധ​ക വ​സ്തു​ക്ക​ള്‍ തു​ട​ങ്ങി വി​പ​ണി​യി​ലു​ള്ള 41 ഉ​ല്‍പ​ന്ന​ങ്ങ​ൾ ആ​രോ​ഗ്യ​ത്തി​ന്​ ഹാ​നി​ക​ര​വും സു​ര​ക്ഷി​ത​വു​മ​ല്ലെ​ന്ന്​ ​അ​ബൂ​ദ​ബി ആ​രോ​ഗ്യ വ​കു​പ്പ് അ​റി​യി​ച്ചു. ഈ ​ഉ​ൽ​പ​ന്ന​ങ്ങ​ളെ ക​രി​മ്പ​ട്ടി​ക​യി​ൽ ഉ​ൾ​പ്പെ​ടു​ത്തു​ക​യും ചെ​യ്തു. ജ​നു​വ​രി മു​ത​ല്‍ മാ​ര്‍ച്ച് 27 വ​രെ​യു​ള്ള കാ​ല​യ​ള​വി​ലാ​ണ് ആ​രോ​ഗ്യ​വ​കു​പ്പ് ഇ​ത്ര​യ​ധി​കം ഉ​ല്‍പ​ന്ന​ങ്ങ​ള്‍ പൊ​തു​ജ​നാ​രോ​ഗ്യ​ത്തി​ന് ഹാ​നി​ക​ര​മെ​ന്ന് ക​ണ്ടെ​ത്തി വി​ല​ക്കി​യ​ത്.

ബോ​ഡി ബി​ല്‍ഡി​ങ്, ലൈം​ഗി​ക ശേ​ഷി വ​ര്‍ധി​പ്പി​ക്ക​ല്‍, ഭാ​രം കു​റ​ക്ക​ല്‍, സൗ​ന്ദ​ര്യ​വ​ര്‍ധ​ക ഉ​ല്‍പ​ന്ന​ങ്ങ​ള്‍ തു​ട​ങ്ങി വി​വി​ധോ​ദ്ദേ​ശ്യ ഉ​ല്‍പ​ന്ന​ങ്ങ​ളാ​ണ് മാ​യം ചേ​ര്‍ത്ത​തി​നെ തു​ട​ര്‍ന്ന് ഗു​രു​ത​ര ആ​രോ​ഗ്യ​പ്ര​ശ്‌​ന​ങ്ങ​ള്‍ ഉ​ണ്ടാ​ക്കു​ന്ന​വ​യെ​ന്ന് അ​ധി​കൃ​ത​ര്‍ ക​ണ്ടെ​ത്തി​യ​ത്. വൃ​ത്തി​ഹീ​ന​മാ​യ അ​ന്ത​രീ​ക്ഷ​ത്തി​ല്‍ നി​ര്‍മി​ക്കു​ക​യും ശേ​ഖ​രി​ക്കു​ക​യും ചെ​യ്ത ഇ​വ മി​ക​ച്ച ഉ​ല്‍പാ​ദ​ന രീ​തി​ക​ള്‍ പാ​ലി​ക്കാ​തെ​യാ​ണ് ത​യാ​റാ​ക്കി​യി​രി​ക്കു​ന്ന​തെ​ന്നും ആ​രോ​ഗ്യ​വ​കു​പ്പ് പ​റ​ഞ്ഞു. പി​ടി​ച്ചെ​ടു​ത്ത ചി​ല ഉ​ല്‍പ​ന്ന​ങ്ങ​ളി​ല്‍ യീ​സ്റ്റ്, പൂ​പ്പ​ല്‍, ബാ​ക്ടീ​രി​യ തു​ട​ങ്ങി​യ​വ ക​ണ്ടെ​ത്തു​ക​യു​ണ്ടാ​യി. മ​റ്റു ചി​ല​വ​യി​ല്‍ പ്ര​ഖ്യാ​പി​ക്കാ​ത്ത മ​രു​ന്നു​ക​ള്‍ ഉ​ള്‍പ്പെ​ടു​ത്തി​യി​ട്ടു​ണ്ടെ​ന്നും ആ​രോ​ഗ്യ​വ​കു​പ്പ് ക​ണ്ടെ​ത്തി.

മാ​യം ചേ​ര്‍ത്ത ഇ​ത്ത​രം ഉ​ല്‍പ​ന്ന​ങ്ങ​ള്‍ സു​ര​ക്ഷി​ത​മെ​ന്നു ക​രു​തി​യാ​ണ് ജ​നം ഉ​പ​യോ​ഗി​ക്കു​ന്ന​തെ​ന്നും ഇ​തി​ന്‍റെ അ​പ​ക​ടം തി​രി​ച്ച​റി​യു​ന്നി​ല്ലെ​ന്നും വ്യ​ക്ത​മാ​ക്കി​യ അ​ധി​കൃ​ത​ര്‍ ഇ​വ ഗു​രു​ത​ര ആ​രോ​ഗ്യ പ്ര​ശ്‌​ന​ങ്ങ​ള്‍ക്കു കാ​ര​ണ​മാ​വു​മെ​ന്നും മു​ന്ന​റി​യി​പ്പ് ന​ല്‍കി.

വ്യാ​ജ​മോ മാ​യം ചേ​ര്‍ത്ത​തോ ആ​യ ഉ​ല്‍പ​ന്ന​ങ്ങ​ളു​ടെ നി​ര്‍മാ​ണം ര​ണ്ടു​വ​ര്‍ഷം വ​രെ ത​ട​വും 5000 മു​ത​ല്‍ 10 ല​ക്ഷം വ​രെ ദി​ര്‍ഹം പി​ഴ​യോ ല​ഭി​ക്കാ​വു​ന്ന കു​റ്റ​മാ​ണ്. ഗു​രു​ത​ര​മാ​യ കു​റ്റ​കൃ​ത്യ​ങ്ങ​ള്‍ക്ക് ത​ട​വും ഒ​രു ല​ക്ഷം മു​ത​ല്‍ 20 ല​ക്ഷം വ​രെ ദി​ര്‍ഹം പി​ഴ​യും ല​ഭി​ക്കു​ക​യും കൂ​ടാ​തെ നി​യ​മ​വി​രു​ദ്ധ വ​സ്തു​ക്ക​ള്‍ പി​ടി​ച്ചെ​ടു​ക്കു​ക​യോ ന​ശി​പ്പി​ക്കു​ക​യോ ചെ​യ്യും.

തു​ട​ര്‍ നി​യ​മ​ലം​ഘ​ന​ങ്ങ​ള്‍ക്ക് പി​ഴ ഇ​ര​ട്ടി​യാ​യി​രി​ക്കും. സ്ഥാ​പ​നം ഒ​രു വ​ര്‍ഷ​ത്തേ​ക്ക് വ​രെ അ​ട​ച്ചു​പൂ​ട്ടു​ക​യും ചെ​യ്യും. ഇ​ത്ത​രം പ്ര​വ​ര്‍ത്ത​ന​ങ്ങ​ളെ​ക്കു​റി​ച്ച് അ​റി​വി​ല്ലാ​തി​രി​ക്കു​ക​യും എ​ന്നാ​ല്‍ അ​വ ത​ട​യു​ന്ന​തി​ല്‍ പ​രാ​ജ​യ​പ്പെ​ടു​ക​യും ചെ​യ്യു​ന്ന മാ​നേ​ജ​ര്‍മാ​ര്‍ക്കും ത​ട​വ് അ​ട​ക്ക​മു​ള്ള ശി​ക്ഷ ല​ഭി​ച്ചേ​ക്കാം.