ഷാർജ പൊലീസിന്​ 127 ഹരിത വാഹനങ്ങൾ കൂടി

ദുബൈ: ഷാർജ പൊലീസി​​െൻറ വാഹന വ്യൂഹത്തിലേക്ക്​ 127 കാറുകൾ കൂടി. ഉൗർജക്ഷമത വർധിച്ചതും പരിസ്​ഥിതി സൗഹൃദവുമായ വാഹനങ്ങളാണ്​ പുതുതായി ഉൾകൊള്ളിച്ചത്. കാർബൺ ബഹിർഗമനം ഇല്ലാത്ത ഫ്യൂവൽ സെൽ സാ​േങ്കതിക ഉപയോഗിച്ചുള്ള കാറുകളാണ്​ ഇവ. പരിസ്​ഥിതി സൗഹാർദ നടപടികൾ വ്യാപിപ്പിക്കുക എന്ന യു.എ.ഇ 2021 ദർശനത്തി​​െൻറ ഭാഗമായി അൽ ഫുത്തൈം മോ​േട്ടാഴ്​സി​​െൻറ പിന്തുണയോടെയാണ്​ ടെ​േയാ​ട്ടാ മിറാറി കാറുകൾ പട്രോളിങ്ങിനായി തെരഞ്ഞെടുത്തത്​. അത്യാധുനിക ഉപകരണളോടെ  അൻജാദ്​ പട്രോൾ വിഭാഗത്തിലേക്കാണ്​ ഇവ ഉപയോഗിക്കുക. 

പുനരുപയോഗ സാധ്യമായ ഉൗർജ ഉപയോഗത്തിനും കാർബൺ ബഹിർഗമനം കുറക്കാനുമുള്ള നിശ്​ചയദാർഢ്യത്തി​​െൻറ ഭാഗമാണ്​ ഇൗ നടപടിയെന്ന്​ ഷാർജാ പൊലീസ്​ കമാൻഡർ ഇൻ ചീഫ്​ ​ബ്രിഗേഡിയർ സൈഫ്​ അൽ സിരി അൽ ശംസി പറഞ്ഞു. ഹരിത ഗതാഗത സംവിധാനങ്ങളുടെ ഉപയോഗം പ്രചരിപ്പിക്കുക എന്ന ദൗത്യം കൂടി ഇതു വഴി നിർവഹിക്കപ്പെടുന്നതായി അദ്ദേഹം കൂട്ടിച്ചേർത്തു.