ധ്യാന സംഗീതത്തിൻ മഞ്ഞുപെയ്യിക്കാൻ ഹരി ആല​േങ്കാട്​ യു.എ.ഇയിൽ 

ദുബൈ:  ആയിരക്കണക്കിന്​ ശിഷ്യർക്ക്​ അറിവു പകർന്നു നൽകിയിട്ടുണ്ട്​ മലപ്പുറം എടപ്പാൾ സ്​കൂളിലെ രസതന്ത്രം അധ്യാപകനും പ്രധാനാധ്യാപകനുമായിരുന്ന ഹരി ആ​ല​േങ്കാട്​. എന്നാലും അദ്ദേഹത്തിനിഷ്​ടം താനൊരു ശിഷ്യനാണ്​ എന്ന്​ പരിചയപ്പെടുത്താനാണ്​. കശ്​മീരി ഗോത്ര സംഗീത വട്ടങ്ങളിലൊതുങ്ങിയിരുന്ന സന്ദൂറിനെ ജനകീയവും ഹിന്ദുസ്​ഥാനി സംഗീതത്തി​​െൻറ അവിഭാജ്യ ഭാഗവുമാക്കിത്തീർത്ത  ലോക പ്രശസ്​ത  ആചാര്യൻ പണ്ഡിറ്റ്​ ശിവകുമാർ ശർമയുടെ ഏക മലയാളി ശിഷ്യനെന്ന്​ അഭിമാനപൂർവം പറയാൻ. 

നൂറു തന്ത്രികളുള്ള സന്തൂറിൽ നിന്ന്​ കാലത്തേയും പ്രകൃതിയേയും മനുഷ്യവികാരങ്ങളെയും ഉൾപ്പെടെ ഒരേ കോണിലേക്ക്​ നയിക്കുന്ന ധ്യാനാത്​മക സംഗീതത്തി​​െൻറ ഇൗ  പ്രചാരകൻ    ഇന്നു മുതൽ ഒരു മാസക്കാലം യു.എ.ഇയിലെ വിവിധ സദസ്സുകളിലായി സൂഫിയാനാ സംഗീതത്തി​​െൻറ ആനന്ദം പൊഴിക്കും.
ആദ്യ കാഴ്​ചയിൽ അനുരാഗം എന്നു പറയും പോലെയാണ്​ ഹരി മാഷ്​ സന്ദൂറിലേക്ക്​ എത്തിപ്പെടുന്നത്​. കുറ്റിപ്പുറം സംഗീത ക്ലബിൽ വെച്ച്​ യാദൃശ്​ചികമായി സന്ദൂർ വാദന കാസറ്റ്​ കേട്ട  മാത്രയിൽ കാലമത്രയും ഹിന്ദുസ്​ഥാനി വയലിൻ അഭ്യസിച്ചു പോന്ന ഇദ്ദേഹം​ സന്ദൂറി​​െൻറ ഉപാസകനായി മാറുകയായിരുന്നു.  
ശിവകുമാർ ശർമയും ഹരിപ്രസാദ്​ ചൗരസ്യയും ​ബ്രജ്​ഭൂഷൻ ലാലും ചേർന്നവതരിപ്പിച്ച കാൾ ഒഫ്​ വാലി എന്ന ആൽബമാണ്​ ആദ്യമായി കേട്ടത്​. 

പിന്നീട്​ ടി.വിയിൽ ശിവ കുമാർ ശർമയുടെ കച്ചേരി കൂടി കേട്ടതോടെ ഹൃദയ താളം പോലും  സന്ദൂർനാദം പോലായി. ഡൽഹിയിലെ  സംഗീതോപകരണ ശാലയിൽ നിന്ന്​ സന്ദൂർ വരുത്തി സ്വയം പരിശീലിച്ച്​ കഥാകൃത്ത്​ പി. സുരേന്ദ്ര​​െൻറ ഗൃഹപ്രവേശന ചടങ്ങിലാണ്​ ആദ്യമായി അവതരിപ്പിച്ചത്​. 1992ൽ കവി ആ​ല​​േങ്കാട്​ ലീലാ കൃഷ്​ണനൊപ്പം കോട്ടക്കലിൽ വെച്ച്​ ശിവ കുമാർ ശർമയെ സന്ദർ​ശിച്ച്​ ശിഷ്യനാക്കണമെന്ന അഭ്യർഥന നടത്തി. സ്വയം പഠിച്ച പാഠങ്ങൾ കേട്ടതോടെ മഹാഗുരുവിനു സന്തോഷ സമ്മതം.പിന്നെയുമേറെ പണിപ്പെട്ടും കാലമെടുത്തുമാണ്​ മുഖദാവിൽ നിന്ന്​ പാഠങ്ങൾ ലഭിച്ചത്​. പിന്നീട്​ ശിവ കുമാർ ശർമയുടെ കച്ചേരിയിൽ ഒപ്പം ചേരാൻ അവസരവും അനുമതിയും ലഭിച്ചു. വൈകാതെ അദ്ദേഹത്തി​​െൻറ ലോകമൊട്ടുക്കും പടർന്നു കിടക്കുന്ന ശിഷ്യഗണങ്ങളിൽ എണ്ണം പറഞ്ഞ കലാകാരനായി മാറി​. ദുബൈയിൽ ജോലി ചെയ്യുന്ന മകൻ ശ്രീരാഗും കലാകാരനാണ്​. ഇരുവരും ചേർന്ന്​ തീർക്കുന്ന ഹരി^ശ്രീ ജുഗൽബന്ദി ഇന്ന്​ ​ൈവകീട്ട്​ എട്ടിന്​ ശക്​തി തീയറ്റേഴ്​സി​​െൻറ ആഭിമുഖ്യത്തിൽ അബൂദബി കേരള സോഷ്യൽ സ​െൻററിൽ നടക്കും.  സംഗീതം അതിരുകളെയും കാലുഷ്യങ്ങളെയും  മായ്​ച്ചുകളയുമെന്ന്​ വരും തലമുറക്ക്​ പറഞ്ഞു കൊടുക്കുകയാണ്​ ഇൗ യാത്രയുടെ ലക്ഷ്യമെന്ന്​ ഹരി ആല​​േങ്കാട്​ ‘ഗൾഫ്​ മാധ്യമ’ത്തോടു പറഞ്ഞു. പൊതു പരിപാടികൾക്കു പുറമെ അൽ​െഎനിലും അബൂദബിയിലും സ്​കൂളുകളിൽ കുട്ടികളുമായി സംവദിക്കാനും തീരുമാനിച്ചിട്ടുണ്ട്​. ഫോൺ: 0524164216