ലോക സന്തോഷ ദിനം:  ദുബൈ വിമാനത്താവളത്തിൽ യാത്രക്കാരുടെ പാസ്പോർട്ടിൽ പതിപ്പിച്ചത് ഹാപ്പിനസ് സ്​റ്റാമ്പ്

ദുബൈ: ദുബൈ രാജ്യന്തര വിമാനത്താവളത്തിൽ ലോക സന്തോഷ ദിനത്തിൽ യാത്രക്കാരുടെ പാസ്​പോർട്ടിൽ എമിഗ്രേഷന്‍ നടപടികളുടെ ഭാഗമായി പതിപ്പിച്ചത് പുഞ്ചിരിയുടെ മുഖമണിഞ്ഞ ഹാപ്പിനെസ് സ്​റ്റാമ്പുകൾ. ദിനാചരണത്തോടനുബന്ധിച്ച്​ ദുബൈ എയര്‍പോര്‍ട്ടിലും ഹത്ത അതിർത്തിയിലും വിപുലമായ പരിപാടികൾ ജിഡിആര്‍എഫ്എ ദുബൈ( ദുബൈ എമിഗ്രേഷന്‍) ഒരുക്കിയിരുന്നു. വകുപ്പി​​​െൻറ ഹാപ്പിനെസ് സന്ദേശ കാർഡും, മധുരപലഹാരങ്ങളും, സമ്മാനങ്ങളും യാത്രികർക്ക നൽകി. വിമാനത്താവളത്തി​െല ഒരോ പാസ്‌പോർട്ട് ചെക്കിംഗ് കൗണ്ടറിലും സന്തോഷ മുദ്രകളും പതിപ്പിച്ചിരുന്നു.  വകുപ്പി​​​െൻറ വിവിധ കസ്​റ്റമർ ഹാപ്പിനെസ് സ​​െൻററുകളിൽ വൈവിധ്യമാർന്ന ചടങ്ങുകൾ സംഘടിപ്പിച്ചിരുന്നു. വകുപ്പി​​​െൻറ  ഓഫീസിൽ എത്തിയ ഉപയോക്താക്കൾക്ക് നിരവധി സമ്മാനങ്ങളും ചോക്ലേറ്റുകളും നൽകി. വകുപ്പി​​​െൻറ മുഖ്യകാര്യാലയമായ ജാഫ്‌ലിയയിലെ ഓഫീസിലും വിവിധ പരിപാടികൾ സംഘടിപ്പിച്ചിരുന്നു.

ജീവനക്കാർക്ക് ജോലിയിൽ പ്രവേശിക്കാനുള്ള വിരൽ പഞ്ചിംഗ് ഇന്നലെ ഇല്ലായിരുന്നു. സന്തോഷ ദിനത്തി​​​െൻറ പ്രസക്തി ഉളവാക്കുന്ന സന്ദേശ ഫ്ലക്​സിൽ ജീവനക്കാർ തങ്ങളുടെ ഹാപ്പിനെസ് മുദ്ര ആലേഖനം ചെയ്​തു.. ഓഫീസുകൾ തോറും വിവിധ സമ്മാനങ്ങളും മറ്റും നൽകി കൊണ്ട് എല്ലാം മേഖലയിലും സന്തോഷകരമായ അന്തരീക്ഷം സൃഷ്‌ടിച്ചു. 200 ഒാളം രാജ്യക്കാർ സൗഹൃദത്തോടെയും സന്തോഷത്തോടെയും കഴിയുന്നയിടമാണ് യു.എ.ഇ. എല്ലാവർക്കും സന്തോഷ ജീവിതത്തി​​​െൻറ മഹത്തായ മാത​ൃക നൽകാനാണ് രാജ്യത്തെ  ഭരണാധികാരികൾ എപ്പോഴും ആഗ്രഹിക്കുന്നത്. യു.എ.ഇ വൈസ് പ്രസിഡണ്ടും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിൻ റാശിദ് ആൽ മക്തൂമി​​​െൻറ ഈ രംഗത്തെ കാഴ്ചപ്പാടുകൾ ഏറെ പ്രസക്തമാണെന്ന് ജനറൽ ഡയറക്ടറേറ്റ് ഓഫ് റെസിഡൻസി ആൻറ്​ ഫോറിനേഴ്സ് അഫയേഴ്സ് മേധാവി മേജര്‍ ജനറല്‍ മുഹമ്മദ്‌ അഹമ്മദ് അല്‍ മറി ഹാപ്പിനെസ് സന്ദേശത്തില്‍ അറിയിച്ചു.