ശൈഖ് ഹംദാൻ സ്പെഷൽ ഒളിമ്പിക്സ് മിന ഗെയിംസ് സന്ദർശിച്ചു
text_fields
അബൂദബി: ദുബൈ കിരീടാവകാശി ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്തൂം അബൂദബി നാഷനൽ എക്സിബിഷൻ സെൻററിൽ (അഡ്നെക്) സ്പെഷൽ ഒളിമ്പിക്സ് മിന ഗെയിംസ് സന്ദർശിച്ചു. ബാസ്കറ്റ് ബാൾ, ടേബിൾ ടെന്നീസ്, വോളിബാൾ തുടങ്ങി നിരവധി കായിക ഇനങ്ങൾ അദ്ദേഹം വീക്ഷിച്ചു. യുവജന കാര്യ സഹമന്ത്രി ശമ്മ ബിൻത് സുഹൈൽ ഫാരിസ് അൽ മസ്റൂഇ, മുതിർന്ന ഉദ്യോഗസ്ഥർ തുടങ്ങിയവരും ശൈഖ് ഹംദാനോടൊപ്പമുണ്ടായിരുന്നു.
31 രാജ്യങ്ങളിൽനിന്നുള്ള ആയിരത്തിലധികം കായിക താരങ്ങളാണ് സ്പെഷൽ ഒളിമ്പിക്സ് മിന ഗെയിംസിൽ മത്സരിക്കുന്നത്. എട്ട് വ്യത്യസ്ത വേദികളിലായി 16 ഇനങ്ങളിലാണ് മത്സരം. അഡ്നെകിന് പുറമെ സായിദ് സ്പോർട്സ് സിറ്റി, യാസ് മറീന സർക്യൂട്ട്, ന്യൂയോർക് സർവകലാശാല അബൂദബി, ഒാഫിസേഴ്സ് ക്ലബ്, മുബാദല െഎ.പി.സി അരേന, അൽ ജസീറ സ്പോർട്സ് ക്ലബ്, അൽ ഫോർസാൻ ക്ലബ് എന്നിവയും മത്സര വേദികളാണ്.