ഗൾഫ്​ ന്യൂസ്​ അസിസ്​റ്റൻറ്​ എഡിറ്റർ സന്തോഷ്​ കുമാർ ദുബൈയിൽ നി​ര്യാതനായി

ദുബൈ: ഗൾഫ്​ ന്യൂസ്​ അസിസ്​റ്റൻറ്​ എഡിറ്റർ തിരുവനന്തപുരം പട്ടം ആദർശ്​ നഗർ പദ്​മ വിലാസത്തിൽ സന്തോഷ്​ കുമാർ (55) ദുബൈയിൽ നിര്യാതനായി. കോവിഡ്​ ബാധിതനായി ചികിത്സയിലായിരുന്നു. പരിശോധനയിൽ നെഗറ്റീവായി​ര​ുന്നെങ്കിലും ​സ്​ഥിതി​ മെച്ചപ്പെടാത്തതിനെ തുടർന്ന്​ വെൻറിലേറ്ററിൽ തുടരുകയായിരുന്നു. ബുധനാഴ്​ച രാവിലെ 11.30ന്​ ആസ്​റ്റർ ഹോസ്​പിറ്റലിലാണ്​ മരണം.

20 വർഷമായി ഗൾഫ്​ ന്യൂസിലുണ്ട്​. ഖത്തറിലെ ദ പെനിൻസുല, ഇന്ത്യയിൽ ഡെക്കാൻ ഹെറാൾഡ്​, ഇക്കണോമിക്​ ടൈംസ്​ എന്നീ പത്രങ്ങളിലും ജോലി ചെയ്​തിരുന്നു. പിതാവ്​: പരേതനായ കെ. സുന്ദരേശ്വരൻ നായർ. മാതാവ്​: ടി. പദ്​മ കുമാരി. ഭാര്യ: മായാ മേരി തോമസ്​ (ദുബൈ). മക്കൾ: ശ്രുതി, പല്ലവി. സഹോദരങ്ങൾ. എസ്​. വിനോദ്​ കുമാർ (സൗദി), ആർ രജനി. സംസ്​കാരം ജബൽ അലിയിൽ.