കുട്ടികൾക്ക്​ ആവേശമായി മധുരം മലയാളം ക്യാമ്പ്​

അൽ​െഎൻ: ഇന്ത്യൻ സോഷ്യൽ സ​െൻററിൽ അൽ​െഎൻ മലയാളി സമാജം നടത്തിവരുന്ന ‘മധുരം മലയാളം’ അവധിക്കാല ക്യാമ്പ്​ കൈകാര്യം ചെയ്യുന്ന വിഷയങ്ങളുടെ വൈവിധ്യം കൊണ്ട്​ ​​ശ്രദ്ധേയമാവുന്നു. അവധിക്കാലത്തുപോലും  കേരളത്തിൽ നിന്ന്​ വിട്ടു നിൽക്കേണ്ടി വന്ന കുട്ടികൾക്ക്​ നാടി​​െൻറ സംസ്​കാരവും കലാരൂപങ്ങളും മറ്റും സംബന്ധിച്ച്​ മികച്ച ചിത്രം ലഭിക്കുന്ന രീതിയിലാണ്​ ക്ലാസുകൾ ഒരുക്കിയിരിക്കുന്നത്​. അൽ​െഎനിലെ വിവിധ ഇന്ത്യൻ സ്​കൂളുകളിൽ നിന്നുള്ള കുട്ടികൾ നാട്ടിൽ പഠിച്ചു വളരുന്ന കുട്ടികളെക്കാൾ ശുദ്ധവും വ്യക്​തവുമായി മലയാളത്തിൽ സംസാരിക്കുന്നതും കവിത ചൊല്ലുന്നതും ക്യാമ്പിന്​ ആവേശമാവുന്നു.

കേരള സംസ്​കാരത്തെക്കുറിച്ച്​ ജിതേഷ്​ പുരുഷോത്തമൻ, തൊഴിലിനോടുള്ള പ്രിയം എന്ന വിഷയത്തിൽ ഡോ. ഷാജഹാൻ, റസൽ മുഹമ്മദ്​ സാലി എന്നിവരും കുട്ടികളുമായി സംസാരിച്ചു. നാടൻ കളികളും നാട്ടറിവും എന്ന വിഷയത്തിൽ മധു പറവൂരും ജാഫർ കുറ്റിപ്പുറവും അവതരിപ്പിച്ച വിഷയവും ഹരം പകർന്നു. ജലീൽ വല്ലപ്പുഴ, യൂസഫ്​, ജിയാസ്​, സലീം ബാബു, മണി, ഷംസു, മുഹമ്മദലി എന്നിവരാണ്​ നിയന്ത്രിക്കുന്നത്​. ക്യാമ്പ്​ 28ന്​ സമാപിക്കും.