റാസ് അൽ ഖൈമയിൽ വാഹനാപകടം; മലയാളി യുവാവ് മരിച്ചു

റാസ് അൽ ഖൈമ: വാഹനപകടത്തിൽ മലയാളി യുവാവ് മരിച്ചു.കണ്ണൂർ കതിരൂർ സ്വദേശി കുഞ്ഞിപ്പറമ്പത്ത് ചാക്യാർത് പരേതനായ സു ധാകരൻെറ മകൻ സുശാന്ത് (36) ആണ് മരിച്ചത്.

റാസ് അൽ ഖൈമ ഖോർ ഖൊയിറിലെ ക്വാറിയിൽ ഡമ്പർ ട്രക് ഡ്രൈവറായിരുന്നു. പുലർച്ചെ ജോലി കഴിഞ്ഞു താമസ സ്ഥലത്തേക്ക് മടങ്ങുന്നതിനിടെ മറ്റൊരു വാഹനം വന്നിടിച്ചാണ് അപകടം സംഭവിച്ചത്.

നടപടികൾ പൂർത്തിയാക്കി മൃതദേഹം നാട്ടിലേക്ക് കൊണ്ട് പോകും. മാതാവ് ശോഭ, സഹോദരങ്ങൾ: സൂരജ്, സുനയ്യ. അവിവാഹിതനാണ്.