സ്വ​ദേ​ശി വ​നി​ത സം​രം​ഭ​ക​രു​ടെ ബി​സി​ന​സി​ൽ വ​ള​ർ​ച്ച​യെ​ന്ന്​ സ​ർ​വേ

ദു​ബൈ: യു.​എ.​ഇ സ്വ​ദേ​ശി വ​നി​ത​ക​ളു​ടെ നേ​തൃ​ത്വ​ത്തി​ലു​ള്ള വി​വി​ധ സം​രം​ഭ​ങ്ങ​ൾ വ​ള​ർ​ച്ച കൈ​വ​രി​ക്കു​ന്ന​താ​യി സ​ർ​വേ റി​പ്പോ​ർ​ട്ട്. കാ​ൽ ല​ക്ഷ​ത്തോ​ളം ഇ​മാ​റാ​ത്തി വ​നി​ത സം​രം​ഭ​ക​ർ ക​ഴി​ഞ്ഞ​വ​ർ​ഷം മാ​ത്രം 60​ ശ​ത​കോ​ടി ദി​ർ​ഹം മൂ​ല്യ​മു​ള്ള 50,000 ബി​സി​ന​സു​ക​ൾ സ്വ​ന്ത​മാ​ക്കി​യെ​ന്ന്​ പ​ഠ​ന​ത്തി​ൽ പ​റ​യു​ന്നു. ഷാ​ർ​ജ ആ​സ്ഥാ​ന​മാ​യു​ള്ള സ്ഥാ​പ​ന​മാ​യ ‘നാ​മ’ വി​മ​ൻ അ​ഡ്വാ​ൻ​സ്‌​മെൻറ്​ പു​റ​ത്തു​വി​ട്ട ഏ​റ്റ​വും പു​തി​യ ക​ണ​ക്കു​ക​ളി​ലാ​ണ്​ ഇ​ക്കാ​ര്യം വെ​ളി​പ്പെ​ടു​ത്തി​യ​ത്.

ക​ഴി​ഞ്ഞ 11 വ​ർ​ഷ​ത്തി​നു​ള്ളി​ൽ മാ​​ത്രം സ്ത്രീ​ക​ളു​ടെ ഉ​ട​മ​സ്ഥ​ത​യി​ലു​ള്ള ബി​സി​ന​സു​ക​ളു​ടെ മൂ​ല്യം അ​ഞ്ചി​ര​ട്ടി​യാ​യാ​ണ്​ വ​ർ​ധി​ച്ച​ത്. 2010ൽ 12 ​ശ​ത​കോ​ടി ദി​ർ​ഹം മൂ​ല്യ​മു​ള്ള 11,000 ബി​സി​ന​സു​ക​ളാ​ണ്​ വ​നി​ത​ക​ളു​ടെ ഉ​ട​മ​സ്ഥ​ത​യി​ൽ ഉ​ണ്ടാ​യി​രു​ന്ന​തെ​ങ്കി​ൽ 2019ൽ ​ഇ​ത്​ 23,000 സ്ത്രീ​ക​ൾ 50 ശ​ത​കോ​ടി ദി​ർ​ഹം മൂ​ല്യ​മു​ള്ള ബി​സി​ന​സി​ലേ​ക്ക്​ വ​ർ​ധി​ച്ചു. യു.​എ.​ഇ​യി​ലെ പു​തി​യ ബി​സി​ന​സ്​ മേ​ഖ​ല​ക​ളി​ലേ​ക്ക്​ സ്ത്രീ​ക​ൾ കൂ​ടു​ത​ലാ​യി ക​ട​ന്നു വ​രു​ന്ന​താ​യും സം​രം​ഭ​ങ്ങ​ൾ വി​ജ​യി​പ്പി​ച്ചെ​ടു​ക്കു​ന്ന​തു​മാ​യാ​ണ്​ പ​ഠ​ന​ത്തി​ൽ വെ​ളി​പ്പെ​ടു​ന്ന​ത്.

ക​ഴി​ഞ്ഞ ദ​ശ​ക​ത്തി​ൽ സ്വീ​ക​രി​ച്ച നി​യ​മ​പ​ര​വും ന​യ​പ​ര​വു​മാ​യ ന​ട​പ​ടി​ക​ൾ ന​ട​പ്പാ​ക്കി​യ​തോ​ടെ ലിം​ഗ​സ​മ​ത്വം മെ​ച്ച​പ്പെ​ട്ട​താ​യും ഇ​ത്​ വ്യ​ക്​​ത​മാ​ക്കു​ന്നു. മൈ​ക്രോ​ബി​സി​ന​സ്​ സം​രം​ഭ​ക​ത്വ​ത്തി​ൽ സ്ത്രീ​ക​ളു​ടെ പ​ങ്കാ​ളി​ത്തം പ്രോ​ത്സാ​ഹി​പ്പി​ക്കു​ന്ന​ത്​ ബി​സി​ന​സ്​ വു​മ​ൺ കൗ​ൺ​സി​ലു​ക​ളാ​ണ്. സ്ത്രീ​ക​ളെ കേ​ന്ദ്രീ​ക​രി​ച്ചു​ള്ള ചെ​റു​കി​ട-​ഇ​ട​ത്ത​രം സം​രം​ഭ​ങ്ങ​ളും ഗൃ​ഹാ​ധി​ഷ്ഠി​ത പ്ര​വ​ർ​ത്ത​ന​ങ്ങ​ളും ആ​യി​ര​ക്ക​ണ​ക്കി​ന് വ​നി​ത സം​രം​ഭ​ക​ർ​ക്ക് അ​വ​രു​ടെ സ്വ​ന്തം ബി​സി​ന​സു​ക​ൾ തു​ട​ങ്ങാ​നു​ള്ള അ​വ​സ​രം ന​ൽ​കി​യെ​ന്ന് റി​പ്പോ​ർ​ട്ട് ഊ​ന്നി​പ്പ​റ​യു​ന്നു. യു.​എ.​ഇ​യി​ലെ 77.6 ശ​ത​മാ​നം സ്ത്രീ ​ഉ​ട​മ​സ്ഥ​ത​യി​ലു​ള്ള ബി​സി​ന​സു​ക​ളും ന​യി​ക്കു​ന്ന​ത് 40 വ​യ​സ്സി​ന് താ​ഴെ​യു​ള്ള​വ​രാ​ണെ​ന്നും റി​പ്പോ​ർ​ട്ട്​ ചൂ​ണ്ടി​ക്കാ​ണി​ക്കു​ന്നു.