ആ​രോ​ഗ്യ മേ​ഖ​ല​യി​ൽ കു​തി​പ്പ്

ദു​ബൈ: ആ​രോ​ഗ്യ മേ​ഖ​ല​യി​ൽ കൂ​ടു​ത​ൽ കു​തി​പ്പി​നൊ​രു​ങ്ങി യു.​എ.​ഇ. മെ​ഡി​ക്ക​ൽ ടൂ​റി​സം ഉ​ൾ​പെ​ടെ സ​ക​ല ആ​രോ​ഗ്യ മേ​ഖ​ല​യി​ലും വ​മ്പ​ൻ പ​ദ്ധ​തി​ക​ളാ​ണ്​ യു.​എ.​ഇ ആ​വി​ഷ്ക​രി​ച്ചി​രി​ക്കു​ന്ന​ത്. ഈ ​വ​ർ​ഷം അ​വ​സാ​ന​ത്തോ​ടെ യു.​എ.​ഇ​യി​ലെ മെ​ഡി​ക്ക​ൽ ടൂ​റി​സം വ​രു​മാ​നം 19 ശ​ത​കോ​ടി ദി​ർ​ഹ​മി​ലെ​ത്തു​മെ​ന്നാ​ണ്​ ക​ണ​ക്കാ​ക്ക​പ്പെ​ടു​ന്ന​ത്. ഇ​തി​ന്​ ക​രു​ത്ത്​ പ​ക​രു​ന്ന​താ​യി​രു​ന്നു ക​ഴി​ഞ്ഞ ദി​വ​സം സ​മാ​പി​ച്ച അ​റ​ബ്​ ഹെ​ൽ​ത്ത്. പു​ത്ത​ൻ സാ​​ങ്കേ​തി​ക വി​ദ്യ​ക​ൾ പി​റ​വി​യെ​ടു​ത്ത മേ​ള​യി​ൽ യു.​എ.​ഇ​യി​ലെ വി​വി​ധ ആ​രോ​ഗ്യ കേ​ന്ദ്ര​ങ്ങ​ൾ ഒ​പ്പു​വെ​ച്ച​ത്​ കോ​ടി​ക്ക​ണ​ക്കി​ന്​ ദി​ർ​ഹ​മി​ന്‍റെ പു​തി​യ പ​ദ്ധ​തി​ക​ളാ​ണ്.

ലോ​ക​ത്തി​ലെ ഏ​റ്റ​വും വേ​ഗ​ത്തി​ല്‍ വ​ള​രു​ന്ന മെ​ഡി​ക്ക​ല്‍ ടൂ​റി​സം ഹ​ബ്ബാ​ണ് യു.​എ.​ഇ. ആ​രോ​ഗ്യ പ​രി​ച​ര​ണ വി​ത​ര​ണ മേ​ഖ​ല ശ​ക്തി​പ്പെ​ടു​ത്തു​ക, സ്‌​പെ​ഷ്യ​ലി​സ്റ്റ് കെ​യ​ര്‍ സെ​ന്‍റ​റു​ക​ള്‍ സ്ഥാ​പി​ക്കു​ക, ആ​രോ​ഗ്യ മേ​ഖ​ല​യി​ൽ സ്വ​കാ​ര്യ, പൊ​തു​മേ​ഖ​ല​ക​ള്‍ ചേ​ര്‍ന്ന് പ്ര​വ​ര്‍ത്തി​ക്കു​ക തു​ട​ങ്ങി​യ​വ യു.​എ.​ഇ​യു​ടെ പ്ര​ഖ്യാ​പി​ത ല​ക്ഷ്യ​ങ്ങ​ളാ​ണ്. ആ​രോ​ഗ്യ മേ​ഖ​ല​യി​ൽ വി​ദ​ഗ്ദ​രെ ഇ​വി​ടേ​ക്ക്​ ആ​ക​ർ​ഷി​ക്കു​ന്ന​തും ഇ​തി​ന്‍റെ ഭാ​ഗ​മാ​ണ്. യു.​എ.​ഇ ഗോ​ൾ​ഡ​ൻ വി​സ ന​ൽ​കാ​ൻ പ​രി​ഗ​ണി​ച്ച ആ​ദ്യ വി​ഭാ​ഗ​ങ്ങ​ളി​ൽ ഒ​ന്നാ​യി​രു​ന്നു ഡോ​ക്ട​ർ​മാ​ർ. പി​ന്നീ​ട്​ ന​ഴ്​​സു​മാ​ർ അ​ട​ക്ക​മു​ള്ള ആ​രോ​ഗ്യ​പ്ര​വ​ർ​ത്ത​ക​രെ​യും ഗോ​ൾ​ഡ​ൻ വി​സ ന​ൽ​കി ആ​ദ​രി​ച്ചി​രു​ന്നു. ഇ​തോ​ടെ വി​ദ​ഗ്ദ​രാ​യ ആ​രോ​ഗ്യ​പ്ര​വ​ർ​ത്ത​ക​രെ യു.​എ.​ഇ​യി​ൽ ത​ന്നെ നി​ല​നി​ർ​ത്താ​ൻ രാ​ജ്യ​ത്തി​ന്​ ക​ഴി​ഞ്ഞു.

അ​ഞ്ച്​ വ​ർ​ഷ​ത്തി​നി​ടെ ദു​ബൈ​യി​ൽ ലൈ​സ​ൻ​സു​ള്ള ആ​രോ​ഗ്യ​പ്ര​വ​ർ​ത്ത​ക​രു​ടെ എ​ണ്ണം 61 ശ​ത​മാ​നം ഉ​യ​ർ​ന്ന​താ​യാ​ണ്​ ക​ണ​ക്ക്. സ്വ​കാ​ര്യ മേ​ഖ​ല​യി​ൽ മാ​ത്രം 41 ശ​ത​മാ​നം വ​ർ​ധ​ന​വാ​ണ്​ കാ​ണി​ക്കു​ന്ന​ത്. ഇ​തി​ൽ ന​ല്ലൊ​രു ശ​ത​മാ​ന​വും ഇ​ന്ത്യ​യി​ൽ നി​ന്നെ​ത്തി​യ ആ​രോ​ഗ്യ പ്ര​വ​ർ​ത്ത​ക​രാ​ണ്. ദു​ബൈ ഹെ​ൽ​ത്ത്​ അ​തോ​റി​റ്റി പു​റ​ത്തി​റ​ക്കി​യ ക​ണ​ക്ക്​ പ്ര​കാ​രം ദു​ബൈ​യി​ൽ 4482 സ്വ​കാ​ര്യ മെ​ഡി​ക്ക​ൽ സ്ഥാ​പ​ന​ങ്ങ​ളും 55,208 ലൈ​സ​ൻ​സ്​​ഡ്​ ആ​രോ​ഗ്യ പ്ര​വ​ർ​ത്ത​ക​രു​മു​ണ്ട്. ഈ ​വ​ർ​ഷം മെ​ഡി​ക്ക​ൽ സ്ഥാ​പ​ന​ങ്ങ​ളു​ടെ എ​ണ്ണ​ത്തി​ൽ 3-6 ശ​ത​മാ​ന​വും ആ​രോ​ഗ്യ​പ്ര​വ​ർ​ത്ത​ക​രു​ടെ എ​ണ്ണ​ത്തി​ൽ 10-15 ശ​ത​മാ​ന​വും വ​ർ​ധ​ന​വാ​ണ്​ പ്ര​തീ​ക്ഷി​ക്കു​ന്ന​ത്. ഇ​തി​ൽ 56 ആ​ശു​പ​ത്രി​ക​ൾ, 57 ഡേ ​കെ​യ​ർ സ​ർ​ജ​റി കേ​ന്ദ്ര​ങ്ങ​ൾ, 59 ഡ​യ​ഗ്​​നോ​സ്റ്റി​ക്​ സെ​ന്‍റ​ർ, നി​ശ്​​ച​യ​ദാ​ർ​ഡ്യ വി​ഭാ​ഗ​ക്കാ​ർ​ക്ക്​ 21 കേ​ന്ദ്ര​ങ്ങ​ൾ, 1566 ഒ.​പി ക്ലി​നി​ക്കു​ക​ൾ എ​ന്നി​വ ഉ​ൾ​പെ​ടു​ന്നു. ദു​ബൈ ന​ഗ​ര​ത്തി​ൽ 417 സ്കൂ​ൾ ക്ലി​നി​ക്കു​ക​ളും 154 ഹോം ​ഹെ​ൽ​ത്ത്​​കെ​യ​ർ ഏ​ജ​ൻ​സി​ക​ളും ആ​റ്​ ഡ​യാ​ലി​സി​സ്​ സെ​ന്‍റ​റു​ക​ളും 49 ദ​ന്ത ലാ​ബോ​റ​ട്ട​റി​ക​ളു​മു​ണ്ട്.

പു​തി​യ മെ​ഡി​ക്ക​ൽ ടൂ​റി​സം ഇ​ൻ​ഡ​ക്സ്​ അ​നു​സ​രി​ച്ച്​ മെ​ന മേ​ഖ​ല​യി​ൽ ഒ​ന്നാം സ്ഥാ​ന​ത്താ​ണ്​ ദു​ബൈ. ലോ​ക റാ​ങ്കി​ങി​ൽ ആ​റാം സ്ഥാ​ന​വും. വൈ​കാ​തെ ലോ​ക റാ​ങ്കി​ങ്ങി​ൽ ആ​ദ്യ അ​ഞ്ചി​ൽ ദു​ബൈ ന​ഗ​രം ഇ​ടം​പി​ടി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. ദു​ബൈ വേ​ൾ​ഡ്​ ട്രേ​ഡ്​ സെ​ന്‍റ​റി​ൽ ന​ട​ന്ന അ​റ​ബ്​ ഹെ​ൽ​ത്ത്​ ആ​രോ​ഗ്യ മേ​ഖ​ല​ക്ക്​ പ​ക​രു​ന്ന ഊ​ർ​ജം ചെ​റു​ത​ല്ല. അ​ത്യാ​ധു​നീ​ക സാ​​ങ്കേ​തി​ക വി​ദ്യ​ക​ൾ ലോ​ക​ത്തി​ന്​ പ​രി​ച​യ​പ്പെ​ടു​ത്തി​ക്കൊ​ടു​ത്താ​ണ്​ അ​റ​ബ്​ ഹെ​ൽ​ത്ത്​ സ​മാ​പി​ച്ച​ത്. 45 രാ​ജ്യ​ങ്ങ​ളി​ലെ 50,000 ആ​രോ​ഗ്യ​മേ​ഖ​ല വി​ദ​ഗ്ധ​രും 3000 എ​ക്സി​ബി​റ്റ​ർ​മാ​രും പ​​ങ്കെ​ടു​ത്തു. ഒ​മ്പ​ത്​ കോ​ൺ​ഫ​റ​ൻ​സു​ക​ളി​ലാ​യി 300ലേ​റെ പ്ര​ഭാ​ഷ​ക​രും 3200 പ്ര​തി​നി​ധി​ക​ളും അ​റ​ബ്​ ഹെ​ൽ​ത്തി​ന്‍റെ ഭാ​ഗ​മാ​യി. മേ​ള സ​മാ​പി​ച്ചെ​ങ്കി​ലും വെ​ർ​ച്വ​ൽ സെ​ഷ​നു​ക​ൾ ഇ​പ്പോ​ഴും തു​ട​രു​ന്നു​ണ്ട്.