ഗ്രീൻ വോയ്സ് പുരസ്കാരങ്ങൾ സമ്മാനിച്ചു
text_fieldsഅബൂദബി: ഗ്രീൻവോയ്സ് പന്ത്രണ്ടാം വാർഷികാഘോഷത്തിെൻറ ഭാഗമായി അബൂദബി ഇന്ത്യൻ ഇസ്ലാമിക് സെൻററിൽ ‘സ്നേഹപുരം^2017’ സംഘടിപ്പിച്ചു. പരിപാടിയിൽ വിവിധ മേഖലകളിലുള്ളവർക്ക് പുരസ്കാരം സമ്മാനിച്ചു. കുഞ്ഞിക്കണ്ണൻ വാണിമേലിന് ഹരിതാക്ഷര പുരസ്കാരവും ഷാനി പ്രഭാകർ, ഐപ്പ് വള്ളിക്കാട്, ചന്ദ്രസേനൻ, ജെയ്മോൻ ജോർജ്, അനിൽ സി. ഇടിക്കുള എന്നിവർക്ക് മാധ്യമശ്രീ പുരസ്കാരവും നൽകി. ബാപ്പു എടപ്പാളിനാണ് കലാശ്രീ പുരസ്കാരം സമ്മാനിച്ചത്.
സ്വാഗതസംഘം ചെയർമാൻ അഷ്റഫ് ഹാജി നരിക്കോൾ പരിപാടിയിൽ അധ്യക്ഷത വഹിച്ചു. സി.എച്ച്. ജാഫർ തങ്ങൾ സ്വാഗതം പറഞ്ഞു. യുനിവേഴ്സൽ ആശുപത്രി എം.ഡി ഡോ. ഷബീർ നെല്ലിക്കോട് ഉദ്ഘാടനം നിർവഹിച്ചു. എൻ.കെ. അബ്ദുന്നാസർ പ്രവർത്തന രൂപരേഖ അവതരിപ്പിച്ചു. കെ.കെ. മൊയ്തീൻ കോയ അവാർഡ് ജേതാക്കളെ പരിചയപ്പെടുത്തി. വൈ. സുധീർ കുമാർ ഷെട്ടി, നന്ദകുമാർ, കരപ്പാത്ത് ഉസ്മാൻ, റഷീദ് ബാബു പുളിക്കൽ, യു. അബ്ദുല്ല ഫാറൂഖി, എം.വി.എം. റഷീദ്, സൂപ്പി നരിക്കട്ടേരി, മുഹമ്മദ് ബംഗ്ലത്ത്, വാലോളി അബ്ദുല്ല എന്നിവർ അവാർഡ് ജേതാക്കൾക്കുള്ള പൊന്നാടയും പുരസ്കാരവും സമ്മാനിച്ചു. കലാവിരുന്നും ഗസൽ മേളയും അരങ്ങേറി. അഷ്റഫ് പറമ്പത്ത് നന്ദി പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.