ഗ്രാൻറ് ഹൈപ്പർ 53ാമത് ശാഖ ജബൽ അലി വ്യവസായ മേഖലയിൽ
text_fieldsദുബൈ: ഗൾഫ് മേഖലയിലെ മുൻനിര ഹൈപ്പർമാർക്കറ്റ് സംരംഭകരായ റീജൻസി ഗ്രൂപ്പിെൻറ 53ാമത് ശാഖ ഗ്രാൻറ്ഹൈപ്പർ ജബൽ അലി ഇൻഡസ്ട്രിയൽ ഏരിയ ഒന്നിൽ 14ന് വൈകീട്ട് നാലുമണിക്ക് പ്രവർത്തനമാരംഭിക്കും. ജബൽ അലി ഗ്രാൻറ് ഹൈപ്പറിൽ നടന്ന പാർട്ണേഴ്സ് മീറ്റിൽ റീജൻസി ഗ്രൂപ്പ് ചെയർമാൻ ശംസുദ്ദീൻ ബിൻ മുഹ്യുദ്ദീൻ ആണ് ഇതു സംബന്ധിച്ച പ്രഖ്യാപനം നടത്തിയത്.
89,000 ചതുരശ്രയടി വലിപ്പത്തിൽ തയ്യാറാക്കിയ ജബൽ അലി ഗ്രാൻറ് ഹൈപ്പർ ഗ്രൂപ്പിെൻറ ഏറ്റവും വലിയ ശാഖകളിലൊന്നായിരിക്കും.
300ലേറെ കാറുകൾ പാർക്കു ചെയ്യാൻ സൗകര്യമുള്ള ഇവിടെ ഗ്രാൻറ് ഹൈപ്പർമാർക്കറ്റിനു പുറമെ പ്രമുഖ സ്ഥാപനങ്ങളുടെ ജ്വല്ലറി, മണി എക്ചേഞ്ച്, ഇലക്ട്രോണിക്സ്^മൊബിലിറ്റി സേവനങ്ങളും സജ്ജമാണ്. എല്ലാ വിധ സൗകര്യങ്ങളുമുള്ള ക്ലിനിക്കും മാളിൽ ഉടനെ തുറന്നുപ്രവർത്തിക്കും. ഗ്രൗണ്ട് ഫ്ലോറിൽ വിശാലമായ പഴം^പച്ചക്കറി വിഭാഗമാണ് ഒരുക്കിയിരിക്കുന്നത്.
ലോകത്തിെൻറ പല ഭാഗങ്ങളിൽ ഉൽപാദിപ്പിച്ച പുതുമയാർന്ന ഉൽപന്നങ്ങളാണ് ഇവിടെ വിപണനം ചെയ്യുക. ലൈവ് ഫിഷ് ഗ്രിൽ കൗണ്ടറും ഡെലി കൗണ്ടറും മറ്റൊരു പ്രധാന സവിശേഷതയാവും. ഒന്നാം നിലയിൽ എല്ലാ മുൻനിര ഫാഷൻ, ഇലക്ട്രോണിക്സ്, വസ്ത്ര^പാദരക്ഷ^കളിപ്പാട്ട ബ്രാൻറുകളും അണിനിരക്കുന്ന ഡിപ്പാർട്ട്മെൻറ് സ്റ്റോർ പ്രവർത്തിക്കും.
ഗ്രാൻറ്ഹൈപ്പർ ജബൽ അലി ഇൻഡസ്ട്രിയൽ ഏരിയ ശാഖയുടെ ഉദ്ഘാടനത്തോടനുബന്ധിച്ച് അത്യാകർഷകമായ സമ്മാനപദ്ധതികളും അമൂല്യമായ ആനുകൂല്യങ്ങളും ഉപഭോക്താക്കൾക്കായി ഒരുക്കിയിട്ടുണ്ട്. മാനേജിങ് ഡയറക്ടർ ഡോ. അൻവർ അമീൻ ചേലാട്ട്, ഡയറക്ടർമാരായ മുഹമ്മദ് എൻ.വി, എ.പി. അബ്ദുസമദ്, അബ്ദുൽ സുബ്ഹാൻ ബിൻ ശംസുദ്ദീൻ, സി.ഇ.ഒ നമിത് നജീബ്, ജനറൽ മാനേജർ അബ്ബാസ് ഖാൻ, കോർപറേറ്റ് മാനേജർ മുഹമ്മദ് ജാബിർ, പർച്ചേസ് മാനേജർ ഷമീർ പി, മാർക്കറ്റിങ് മാനേജർ പ്രസാദ് ടി എന്നിവരും പാർട്ണേഴ്സ് മീറ്റിൽ സംബന്ധിച്ചു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.