ദുബൈയിൽ സർക്കാർ  ജോലി  സ്മാർട്ടായി നേടാനവസരം

ദുബൈ: സർക്കാർ മേഖലയിലേക്ക് കൂടുതൽ കഴിവും, പ്രാപ്തിയുമുള്ള  ആളുകളെ ആകർഷിക്കുക എന്ന ലക്ഷ്യത്തോടെ dubai careers.ae എന്ന പുതിയ  വെബ്  സൈറ്റിന് തുടക്കം കുറിച്ചു. ലിങ്ക്ഡ് ഇൻ, ഒറാക്കിളുമായി സഹകരിച്ചാണ് സ്മാർട്ട് ദുബൈയുടെ ഭാഗമായ  ഈ പുതിയ സംരംഭം. പതിവു രീതിയിൽ നിന്ന് വ്യത്യസ്തമായി ജോലി അന്വേഷണവും, റിക്രൂട്ട്മ​െൻറും വെറും ബട്ടണമർത്തലിലൂടെ ഈ ഓൺലൈൻ സംരംഭം എളുപ്പമാക്കിത്തരുന്നു.
വിവിധ തൊഴിൽ രംഗത്ത് മുൻ പരിചയമുള്ളവർക്ക് പുറമെ പുതുതായി പഠിച്ചിറങ്ങിയവർക്കും യോഗ്യതക്കനുയോജ്യമായ ജോലി കണ്ടെത്താൻ നല്ല പ്ലാറ്റ്ഫോമാണിത്.  ദൂബൈയെ ലോകത്തെ ഏറ്റവും മികച്ച സ്മാർട്ട് സിറ്റിയാക്കി മാറ്റുക എന്ന കാഴ്ചപ്പാടി​െൻറ  ഭാഗമായി ജോലി അന്വേഷിക്കുന്ന സ്വദേശികൾക്കും, യു.എ.ഇക്കകത്തും പുറത്തുമുള്ളവർക്കും സർക്കാർ സഹായത്തോടു കൂടി അവസരമൊരുക്കുകയും അവരുടെ കഴിവുകൾ ഈ മേഖലകളിൽ ഉപയോഗപ്പെടുത്തുകയും ചെയ്യുക എന്നതാണിതിെൻർ ഉദ്ദേശ്യം.

പ്രധാനമായും പുതുതായി പഠിച്ചിറങ്ങി  ജോലി അന്വേഷിക്കുന്നവരെയാണ് ഇത് ലക്ഷ്യമിടുന്നതെന്ന് ദുബൈ സ്മാർട് ഒാഫീസ് ഡയറക്ടർ ജനറൽ ഡോ: ആയിശാ ബിൻത് ബുത്തി ബിൻ ബിഷ്ർ പറഞ്ഞു.  ദുബൈ സർക്കാരി​െൻറ  മിക്ക തൊഴിൽ മേഖലകളിലും ഇപ്പോൾപുതുതായി പഠിച്ചിറങ്ങിയ ബിരുദക്കാരെയാണ് ആവശ്യം. വ്യത്യസ്തമായ ആശയങ്ങളും കഴിവുകളും ഉപയോഗിച്ച് ഈ മേഖലകളിൽ വലിയമാറ്റങ്ങൾ കൊണ്ടുവരാൻ അവർക്കേ കഴിയൂ, ഒരിക്കലും ടെക്നോളജികൾ കൊണ്ട് മാത്രം സ്മാർട്ട് സിറ്റി നിർമിച്ചെടുക്കാൻ സാധ്യമല്ല .അത് നിയന്ത്രിക്കാൻ കഴിവും യോഗ്യതയും ഉളള പുതിയ ആളുകളും വേണം. അതി​െൻറ ഭാഗമായാണ് ഈ വെബ്സൈറ്റ് സംരംഭം-അവർ പറഞ്ഞു.

ഈ ജോബ് പോർട്ടൽ ഇതിനകം 30 സർക്കാർ മേഖലകളിലായി 600 ഓളം ഒഴിവുകൾ രേഖപ്പെടുത്തിക്കഴിഞ്ഞു. സ്വകാര്യ മേഖലകളിലെ ഒഴിവുകളിലേക്കും ഇത് പിന്നീട്  ഉപയോഗപ്പെടുത്തും. അപേക്ഷകർക്ക് നേരിട്ട് ഈ സൈറ്റിൽ രജിസ്റ്റർ ചെയ്യാം. പ്രൊഫൈൽ പ്രത്യേകം യൂനിവേഴ്സൽ പോർട്ട് ഫോളിയോ ആക്കി ഒന്നിലധികം ഒഴിവുകളിലേക്ക് ഉപയോഗിക്കാം. 

സുഹൃത്തിനെയോ, ബന്ധുവിനെയോ അവർക്ക് യോജിച്ച അവസരങ്ങളിലേക്ക് ലിങ്ക്ഡ് ഇന്നിലൂടെ ശുപാർശ ചെയ്യാം. തൊഴിൽ മേഖലകൾക്ക്, ഓരോ തസ്തികയിലേക്കും  യോജിച്ച പ്രൊഫൈലുകളെ റാങ്കിങ് നടത്തി ഏറ്റവും മുകളിൽ വരുന്ന യോഗ്യതയുള്ള പ്രൊഫൈലുകൾ ഈ സ്മാർട്ട് സിസ്റ്റത്തിലൂടെ നൽകുന്നു. 
തൊഴിൽ ദാതാവിന് ഉദ്യോഗാർത്ഥിയെ  ഏതവസരത്തിലും വീഡിയോ ഇൻറർവ്യൂ നടത്താനും ഇതിലൂടെ കഴിയുന്നു. ഇങ്ങനെ റിക്രൂട്ട്മ​െൻറ് ചെലവു കുറഞ്ഞതും, കൂടുതൽ എളുപ്പവും ആക്കിത്തരുന്നു ഈ ഓൺലൈൻ സിസ്റ്റം. രജിസ്റ്റർ ചെയ്യാനായി www.dubaicareers.ae. ലിങ്കിൽ ക്ളിക്ക് ചെയ്താൽ മതി.