ഗസ്സയിൽ അടുത്ത മാസം നല്ല കാര്യങ്ങൾ സംഭവിക്കും -ട്രംപ്​

അബൂദബി: അടുത്ത മാസത്തോടെ ഗസ്സയിൽ നല്ല കാര്യങ്ങൾ സംഭവിക്കുമെന്ന്​ യു.എസ്​ പ്രസിഡന്‍റ്​ ഡോണൾഡ്​ ട്രംപ്​. യു.എ.ഇ സന്ദർശനം അവസാനിപ്പിച്ച്​ മടങ്ങുന്നതിന്​ മുമ്പ്​ അബൂദബിയിൽ എയർഫോഴ്സ് വൺ വിമാനത്തിൽ വെച്ചാണ്​ അദ്ദേഹം ഇക്കാര്യം പറഞ്ഞത്​. അടുത്ത മാസത്തോടെ ഗസ്സയിൽ ധാരാളം നല്ല കാര്യങ്ങൾ സംഭവിക്കും. നമ്മൾ ഫലസ്തീനികളെ സഹായിക്കേണ്ടതു​ണ്ട്​. നിരവധിപേരാണ്​ ഗസ്സയിൽ പട്ടിണി കിടക്കുന്നത്​ -അദ്ദേഹം പറഞ്ഞു. എന്നാൽ എന്താണ്​ സംഭവിക്കുകയെന്നത്​ സംബന്ധിച്ച്​ വ്യക്​തമാക്കിയിട്ടില്ല.

ട്രംപിന്‍റെ ഗൾഫ്​ സന്ദർശനത്തിന്‍റെ പശ്​ചാത്തലത്തിൽ ഗസ്സ വെടിനിർത്തലിനുള്ള ചർച്ചകൾ സജീവമായിരുന്നു. സന്ദർശനത്തിനിടെ യുദ്ധം അവസാനിക്കുന്നത്​ സംബന്ധിച്ച പ്രഖ്യാപനവും പ്രതീക്ഷിച്ചിരുന്നു. എന്നാൽ ഇക്കാര്യത്തിൽ തീരുമാനമൊന്നും പുറത്തുവന്നിട്ടില്ല. അതിനിടെ അടുത്ത മാസത്തോടെ യു.എസ്​ നേതൃത്വത്തിൽ ഗസ്സയിൽ മാനുഷിക സഹായ വിതരണം നടക്കുമെന്ന്​ റിപ്പോർട്ടുകളുണ്ട്​.

അബൂദബി സന്ദർശനത്തിനിടെ വെള്ളിയാഴ്ച ബസിനസ്​ ഫോറത്തിൽ സംസാരിക്കവെ, ഗസ്സ അടക്കമുള്ള ആഗോള പ്രതിസന്ധികൾ പരിഹരിക്കാൻ ശ്രമിക്കുമെന്ന്​ ട്രംപ്​ വ്യക്​തമാക്കിരുന്നു.

യു.എസ്​-ഇറാൻ ആണവ ചർച്ചകൾ സംബന്ധിച്ച്​, ഇറാന്​ മുന്നിൽ നിർദേശം സമർപ്പിച്ചിട്ടുണ്ടെന്നും ഇക്കാര്യത്തിൽ അതിവേഗം നീങ്ങിയില്ലെങ്കിൽ മോശമായത്​ സംഭവിക്കുമെന്നും ട്രംപ്​ മുന്നറിയിപ്പ്​ നൽകി. ഇറാനുമായി കരാറിന്​ അടുത്തെത്തിയതായി വ്യാഴാഴ്ച ട്രംപ്​ വെളിപ്പെടുത്തിയിരുന്നു. യു.എസും ഇറാനും തമ്മിൽ ഒമാൻ മധ്യസ്ഥതയിൽ നാല്​ തവണകളായി ചർച്ചകൾ പൂർത്തികരിച്ചിട്ടുണ്ട്​.

ഗ​ൾ​ഫ്​ സ​ന്ദ​ർ​ശ​നം പൂ​ർ​ത്തി​യാ​ക്കി ട്രം​പ്​ മ​ട​ങ്ങി

അ​ബൂ​ദ​ബി: യു.​എ​സ്​ പ്ര​സി​ഡ​ന്റാ​യി ചു​മ​ത​ല​യേ​റ്റ​ശേ​ഷം ന​ട​ത്തി​യ ആ​ദ്യ വി​ദേ​ശ സ​ന്ദ​ർ​ശ​നം പൂ​ർ​ത്തി​യാ​ക്കി ഡോ​ണ​ൾ​ഡ്​ ട്രം​പ്​ മ​ട​ങ്ങി. സൗ​ദി​ക്കും ഖ​ത്ത​റി​നും പി​ന്നാ​ലെ, ര​ണ്ട്​ ദി​വ​സം നീ​ണ്ട യു.​എ.​ഇ സ​ന്ദ​ർ​ശ​നം പൂ​ർ​ത്തി​യാ​ക്കി പ്രാ​ദേ​ശി​ക സ​മ​യം ഉ​ച്ച ര​ണ്ടു മ​ണി​ക്കാ​ണ് എ​യ​ർ​ഫോ​ഴ്സ് വ​ൺ വി​മാ​ന​ത്തി​ൽ അ​ബൂ​ദ​ബി​യി​ൽ നി​ന്ന്​ ട്രം​പ്​ തി​രി​ച്ചു​പ​റ​ന്ന​ത്. കോ​ടി​ക്ക​ണ​ക്കി​ന്​ ഡോ​ള​ർ മൂ​ല്യ​മു​ള്ള വ്യാ​പാ​ര, നി​ക്ഷേ​പ ക​രാ​റു​ക​ളി​ലാ​ണ്​ യു.​എ​സും യു.​എ.​ഇ​യും ര​ണ്ട്​ ദി​വ​സ​ങ്ങ​ളി​ലാ​യി ഒ​പ്പു​വെ​ച്ച​ത്.

എ​ണ്ണ, പ്ര​കൃ​തി​വാ​ത​ക ഉ​ൽ​പാ​ദ​നം, വ്യോ​മ​യാ​നം, എ.​ഐ മേ​ഖ​ല​ക​ളി​ലാ​ണ് ഇ​രു​രാ​ഷ്ട്ര​ങ്ങ​ളും സു​പ്ര​ധാ​ന ക​രാ​റു​ക​ൾ ഒ​പ്പു​വെ​ച്ച​ത്. പ്ര​കൃ​തി​വാ​ത​ക മേ​ഖ​ല​യി​ൽ യു.​എ​സ് ബ​ഹു​രാ​ഷ്ട്ര ഭീ​മ​ന്മാ​രാ​യ എ​ക്സോ​ൺ മൊ​ബി​ൽ, ഓ​ക്സി​ഡ​ന്റ​ൽ പെ​ട്രോ​ളി​യം, ഇ.​ഒ.​ജി റി​സോ​ഴ്സ​സ് എ​ന്നീ ക​മ്പ​നി​ക​ളു​മാ​യി അ​ബൂ​ദ​ബി നാ​ഷ​ന​ൽ ഓ​യി​ൽ ക​മ്പ​നി(​അ​ഡ്നോ​ക്) 6,000 കോ​ടി ഡോ​ള​റി​ന്റെ ക​രാ​റി​ലെ​ത്തി. ബോ​യി​ങ്, ജെ.​ഇ എ​യ​റോ​സ്പേ​സ് ക​മ്പ​നി​ക​ളു​മാ​യി അ​ബൂ​ദ​ബി ആ​സ്ഥാ​ന​മാ​യ ഇ​ത്തി​ഹാ​ദ് വി​മാ​ന​ക്ക​മ്പ​നി 14,50 കോ​ടി ഡോ​ള​റി​ന്റെ ധാ​ര​ണാ​പ​ത്ര​ത്തി​ലും ഒ​പ്പു​വെ​ച്ചു. അ​ടു​ത്ത പ​ത്തു​വ​ർ​ഷ​ത്തി​നു​ള്ളി​ൽ അ​മേ​രി​ക്ക​യി​ൽ 1.4 ട്രി​ല്യ​ൺ ഡോ​ള​ർ നി​ക്ഷേ​പി​ക്കാ​നു​ള്ള പ​ദ്ധ​തി യു.​എ.​ഇ പ്ര​ഖ്യാ​പി​ച്ചി​ട്ടു​ണ്ട്.

അ​ബൂ​ദ​ബി​യി​ൽ ഇ​രു​രാ​ഷ്ട്ര​ങ്ങ​ളും ചേ​ർ​ന്ന് അ​ഞ്ച് ജി​ഗാ​വാ​ട്ട് ശേ​ഷി​യു​ള്ള കൂ​റ്റ​ൻ ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് കാ​മ്പ​സ് തു​റ​ക്കാ​നും ധാ​ര​ണ​യാ​യി. ഇ​തി​ന്റെ ആ​ദ്യ​ഘ​ട്ടം ട്രം​പും യു.​എ.​ഇ പ്ര​സി​ഡ​ന്‍റ്​ ശൈ​ഖ് മു​ഹ​മ്മ​ദ്​ ബി​ൻ സാ​യി​ദ്​ ആ​ൽ ന​ഹ്​​യാ​നും ചേ​ർ​ന്ന് ഉ​ദ്ഘാ​ട​നം ചെ​യ്തു. യു.​എ.​ഇ ആ​സ്ഥാ​ന​മാ​യ ജി ​ഫോ​ർ​ട്ടി ടു​വും മൈ​ക്രോ​സോ​ഫ്റ്റും ചേ​ർ​ന്നാ​ണ് കാ​മ്പ​സ് നി​ർ​മി​ക്കു​ന്ന​ത്. ചി​പ് നി​ർ​മാ​ണ ക​മ്പ​നി എ​ൻ​വീ​ഡി​യ അ​ട​ക്കം നി​ര​വ​ധി സ്ഥാ​പ​ന​ങ്ങ​ൾ പ​ദ്ധ​തി​യു​മാ​യി സ​ഹ​ക​രി​ക്കും. സ​ന്ദ​ർ​ശ​ന​ത്തി​ന്‍റെ ഭാ​ഗ​മാ​യി അ​ബൂ​ദ​ബി​യി​ലെ കൊ​ട്ടാ​ര​മാ​യ ഖ​സ്​​ർ അ​ൽ വ​ത​നി​ൽ വ്യാ​ഴാ​ഴ്​​ച ഒ​രു​ക്കി​യ ച​ട​ങ്ങി​ൽ യു.​എ.​ഇ​യു​ടെ പ​ര​മോ​ന്ന​ത സി​വി​ലി​യ​ൻ ബ​ഹു​മ​തി​യാ​യ ‘ഓ​ർ​ഡ​ർ ഓ​ഫ്​ സാ​യി​ദ്​’ ട്രം​പി​ന് പ്ര​സി​ഡ​ന്റ് ​ശൈ​ഖ്​ മു​ഹ​മ്മ​ദ്​ സ​മ്മാ​നി​ച്ചി​രു​ന്നു.