ക്രൈസ്​തവർ ദുഃവെള്ളി ആചരിച്ചു; പീഡാനുഭവ വാരത്തിന്​ സമാപ്​തി

അബൂദബി: യു.എ.ഇയിൽ ആയിരക്കണക്കിന് ൈക്രസ്​തവ വിശ്വാസികൾ ദു$ഖവെള്ളി ആചരിച്ചു. അബൂദബി, മുസഫ, അൽഐൻ, ദുബൈ, ഷാർജ,ഫുജൈറ തുടങ്ങിയ സ്​ഥലങ്ങളിലെ ദേവാലയങ്ങളിൽ നടന്ന പ്രാർഥനകളിലും ദുഃഖവെള്ളി ശുശ്രൂഷകളിലും മലയാളികൾ ഉൾപ്പെടെ വിവിധ രാജ്യക്കാരായ വിശ്വാസികൾ പങ്കെടുത്തു. അബൂദബി ബദാസായിദ്​ സ​​െൻറ്​ തോമസ്​ യാക്കോബായ സുറിയാനി പള്ളിയിൽ ദുഃഖവെള്ളി ശുശ്രൂഷകൾക്ക്​ വികാരി കാളിയം മേലിൽ പൗലോസ്​ കോറെപ്പിസ്​കോപ്പ നേതൃത്വം നൽകി. യേശുക്രിസ്​തുവി​​​െൻറ ഉയിർപ്പിനെ അനുസ്​മരിക്കുന്ന ഉയിർപ്പ്​ പെരുന്നാൾ ശനിയാഴ്​ച നടക്കും. 

അബൂദബി സ​​െൻറ്​ സ്​റ്റീഫൻസ്​ യാക്കോബായ പള്ളിയിൽ ദുഃഖവെള്ളി ശുശ്രൂഷകൾ ഫാ. ജീജൻ എബ്രഹാമി​​​െൻറയും ഫാ. ജിനു കുരുവിളയുടെയും നേതൃത്വത്തിൽ നടത്തി. പീഡാനുഭവത്തോടനുബന്ധിച്ച്​ സംഘടിപ്പിച്ച പ്രദക്ഷിണത്തിൽ നിരവധി വിശ്വാസികൾ പ​​െങ്കടുത്തു. ശുശ്രൂഷകളിൽ പ​െങ്കടുത്ത എല്ലാവർക്കും ദുഃഖകഞ്ഞി വിതരണം ചെയ്​തു.അബൂദബി സ​​െൻറ്​ ജോർജ്​ ഓർത്തോഡോക്സ് കത്തീഡ്രലിൽ ഓർത്തഡോക്സ് സഭയുടെ ബ്രഹ്മവാർ ഭദ്രസനാധ്യക്ഷൻ യാക്കോബ് മാർ ഏലിയാസ് മെത്രാപോലീത്ത ദുഃഖവെള്ളി ശുശ്രൂഷകൾക്ക് മുഖ്യ കാർമികത്വം വഹിച്ചു. ഇടവക വികാരി ബെന്നി മാത്യു, സഹ വികാരി പോൾ ജേക്കബ് എന്നിവർ സഹ കാർമികരായിരുന്നു. 

അബൂദബി സ​​െൻറ്​ ജോസഫ് കാത്തലിക് കത്തീഡ്രലിലെ ശുശ്രൂഷകൾക്ക് ബിഷപ്പ് പോള്‍ ഹിൻഡർ നേതൃത്വം നല്‍കി. ശനിയാഴ്ച വൈകുന്നേരത്തോടെ ദേവാലയങ്ങളിൽ ഉയിർപ്പ് തിരുനാൾ ശുശ്രൂഷകൾക്ക് തുടക്കമാവും. അബൂദബി ബദാസായിദ്​ സ​​െൻറ്​ തോമസ്​ യാക്കോബായ സുറിയാനി പള്ളിയിൽ വൈകീട്ട്​ ആറിന്​ സന്ധ്യാനമസ്​കാരത്തോടുകൂടി ശ​ുശ്രൂഷകൾ ആരംഭിക്കും. 7.15ന്​ ഉയിർപ്പ്​ ശുശ്രൂഷ, 7.30ന്​ വി. കുർബാന, തുടർന്ന്​ പ്രദിക്ഷിണം, സ്ലീബാ ആഘോഷം, സ്​നേഹവിരുന്ന്​ എന്നിവ നടത്തുമെന്ന്​ വികാരി ഫാ. കാളിയം മേലിൽ പൗലോസ്​ കോറെപ്പിസ്​കോപ്പ അറിയിച്ചു. മലങ്കര സുറിയാനി കത്തോലിക്ക സഭനോർത്തേൺ എമിറേറ്റ്സ്   റാസൽഖൈമ സ​​െൻറ്​ ആൻറണി പാദുവ ദേവാലയത്തിൽ ദുഃഖവെള്ളി ശുശ്രുഷകൾക്ക്​ മലങ്കര കത്തോലിക്ക സഭ ഗൾഫ് മേഖല കോർഡിനേറ്റർ ഫാ.മാത്യു കണ്ടത്തിൽ നേതൃത്വം നൽകി.ഫുജൈറ സ​​െൻറ്​ ​ഗ്രിഗോറിയോസ്​ ഒാർത്തഡോക്​സ്​ ദേവാലയത്തിൽ ശുശ്രൂഷകൾക്ക്​ വികാരി ​ഫാ. ഡോ. എബ്രഹാം തോമസ്​ മുഖ്യകാർമികത്വം വഹിച്ചു. പ്രഭാത നമസ്​കാരം, ധ്യാനം, ഉച്ച നമസ്​കാരം, പ്രദക്ഷിണം, സ്ലീബാ വന്ദനം, കബറടക്ക ശുശ്രൂഷ,കഞ്ഞി നേർച്ച എന്നിവയുണ്ടായിരുന്നു. ആയിരക്കണക്കിനാളുകൾ പങ്കുചേർന്നു.