കോവിഡ്​ പ്രതിരോധം: ആരോഗ്യ പ്രവർത്തകർക്ക് ദുബൈ​ ഗോൾഡൻ വിസ 

ദുബൈ: കോവിഡ്​ പ്രതിസന്ധിയെ പ്രതിരോധിക്കാൻ മുൻനിരയിൽനിന്ന ആരോഗ്യ പ്രവർത്തകരെ ചേർത്തു പിടിച്ച്​ ദുബൈ. ഇവിടുത്തെ ആശുപത്രികളിൽ പ്രവർത്തിക്കുന്ന ആരോഗ്യ പ്രവർത്തകർക്ക്​ പത്തുവർഷ കാലാവധിയുള്ള ഗോൾഡൻ വിസ നൽകുവാനാണ്​ തീരുമാനം. കോവിഡ്​ മഹാമാരിയെ തടയുന്നതിന്​ അവർ നടത്തിയ ധീര പ്രയത്​നങ്ങൾക്ക്​ അംഗീകാരമായാണ്​ ഇൗ ബഹുമതി.

കൊറോണക്കെതിരെ പൊരുതിയ നായകരെ ഏറ്റവും മികവുറ്റ രീതിയിൽ ആദരിക്കുമെന്ന ദുബൈ കിരീടാവകാശി ശൈഖ്​ ഹംദാൻ ബിൻ മുഹമ്മദ്​ ബിൻ റാഷിദ്​ ആൽ മക്​തൂമി​​െൻറ പ്രഖ്യാപനത്തിനു പിന്നാലെ ദുബൈ ആരോഗ്യ അതോറിറ്റി ഡയറക്​ടർ ജനറൽ ഹുമൈദ്​ അൽ ഖത്താമിയാണ്​ ഇക്കാര്യം വ്യക്​തമാക്കിയത്​. അർഹരായ ഡോക്​ടർമാർക്കും ആരോഗ്യ പ്രവർത്തകർക്കും വിസയുടെ ചെലവുകളും ഒഴിവാക്കി നൽകും.