ഗ്ലോബൽ ഹൈസ്കൂൾ വിഭാഗത്തിൽ ഇന്ത്യൻ സ്കൂളും
text_fieldsഅബൂദബി: ഗ്ലോബൽ ഹൈസ്കൂൾ വിഭാഗത്തിൽ ജമ്മുകശ്മീരിലെ ലഡാക്കിൽ പ്രവർത്തിക്കുന്ന സ്റ്റുഡൻറ്സ് എജുക്കേഷൻ ആ ൻഡ് കൾച്ചറൽ മൂവ്മെൻറ് ഒാഫ് ലഡാക്കിെൻറ (സിക്മോൾ) നേതൃത്വത്തിൽ പ്രവർത്തിക്കുന്ന സ്കൂളിന് സായിദ് സസ്റ്റെയ്നബ്ൾ പുരസ്കാരം. ദക്ഷിണേഷ്യൻ മേഖലയിൽനിന്നാണ് സിക്മോൾ സ്കൂളിനെ തെരഞ്ഞെടുത്തത്. സൗരോർജവും മറ്റു സുസ്ഥിര ഉൗർജ േസ്രാതസ്സുകളും ഉപയോഗിച്ച് സ്വന്തം ഉൗർജാവശ്യത്തിെൻറ 23 ശതമാനം കണ്ടെത്തുകയും പ്രദേശത്തെ 20,000 പേർക്ക് സഹായമെത്തിക്കുകയും ചെയ്യുന്ന പദ്ധതി പരിഗണിച്ചാണ് സ്കൂളിന് അംഗീകാരം. ഗ്വാട്ടിമലയിലെ ഇംപാക്ട് സ്കൂൾ, അമേരിക്കൻ ലീഡർഷിപ് അക്കാദമി, ദുബൈ അമേരിക്കൻ സ്കൂൾ, തജിക്സതാനിലെ ജിംനേഷ്യം ഗോഥെ സ്കൂൾ എന്നിവയും വിവിധ മേഖലകളിൽനിന്നായി പുരസ്കാരം നേടി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.