ദു​ബൈ വ​നി​ത ജ​യി​ലി​ന്​ ആ​ഗോ​ള അം​ഗീ​കാ​രം

ദു​​ബൈ: ലോ​ക​ത്തെ ഏ​റ്റ​വും മി​ക​ച്ച അ​ടി​സ്ഥാ​ന സൗ​ക​ര്യ​ങ്ങ​ളു​ള്ള ജ​യി​ലാ​യി ദു​ബൈ വ​നി​ത ജ​യി​ലി​നെ തി​ര​ഞ്ഞെ​ടു​ത്തു. അ​മേ​രി​ക്ക​ൻ ക​റ​ക്ഷ​ന​ൽ അ​സോ​സി​യേ​ഷ​ൻ (എ.​സി.​എ) ന​ട​ത്തി​യ വി​ല​യി​രു​ത്ത​ലി​ന്‍റെ അ​ടി​സ്ഥാ​ന​ത്തി​ലാ​ണ്​ അം​ഗീ​കാ​രം ല​ഭി​ച്ച​തെ​ന്ന്​​ ദു​ബൈ പൊ​ലീ​സ്​ എ​ക്സ​ല​ൻ​സ്​ ആ​ൻ​ഡ്​ പ​യ​നി​യ​റി​ങ്​ അ​ഫേ​ഴ്​​സ്​ അ​സി​സ്റ്റ​ന്‍റ് ക​മാ​ൻ​ഡ​ർ മേ​ജ​ർ ജ​ന​റ​ൽ ഡോ. ​അ​ബ്​​ദു​ൽ ഖു​ദു​സ്​ അ​ബ്​​ദു​ൽ റ​സാ​ഖ്​ അ​ൽ ഉ​ബൈ​ദി പ​റ​ഞ്ഞു.

അ​ന്താ​രാ​ഷ്ട്ര നി​ല​വാ​രം നി​ല​നി​ർ​ത്തു​ന്ന​തി​ൽ ദു​ബൈ പു​രു​ഷ ജ​യി​ലി​ന്​ ആ​ഗോ​ള​ത​ല​ത്തി​ൽ അ​ഞ്ചാം സ്ഥാ​ന​വും ല​ഭി​ച്ചു. മി​ഡി​ലീ​സ്റ്റി​ൽ ഈ ​അം​ഗീ​കാ​രം ല​ഭി​ക്കു​ന്ന ആ​ദ്യ ജ​യി​ലും ദു​ബൈ പു​രു​ഷ ജ​യി​ലാ​ണ്. എ.​സി.​എ മു​ന്നോ​ട്ടു​വെ​ച്ച മാ​ന​ദ​ണ്ഡ​ങ്ങ​ൾ 100 ശ​ത​മാ​ന​വും വി​ജ​യ​ക​ര​മാ​യി പാ​ലി​ക്കാ​ൻ ദു​ബൈ ജ​യി​ലി​ന്​ സാ​ധി​ച്ചി​ട്ടു​ണ്ട്. ഇ​തി​ന്‍റെ ഫ​ല​മാ​ണ്​ അ​സോ​സി​യേ​ഷ​നി​ൽ​നി​ന്നു​ള്ള അ​ന്താ​രാ​ഷ്ട്ര അം​ഗീ​കാ​ര​മെ​ന്നും ഉ​ബൈ​ദി കൂ​ട്ടി​ച്ചേ​ർ​ത്തു.

അ​ന്തേ​വാ​സി​ക​ളു​ടെ പു​ന​ര​ധി​വാ​സ​വു​മാ​യി ബ​ന്ധ​പ്പെ​ട്ട്​ നി​ര​വ​ധി പ​ദ്ധ​തി​ക​ളാ​ണ്​ ദു​ബൈ ജ​യി​ൽ ന​ട​പ്പാ​ക്കു​ന്ന​ത്. വി​വി​ധ വ​കു​പ്പു​ക​ളു​ടെ മാ​ർ​ഗ​നി​ർ​ദേ​ശ​ങ്ങ​ൾ​ക്കു കീ​ഴി​ൽ നി​ര​വ​ധി അ​ന്തേ​വാ​സി​ക​ൾ അ​വ​രു​ടെ യൂ​നി​വേ​ഴ്​​സി​റ്റി ബി​രു​ദം പൂ​ർ​ത്തി​യാ​ക്കു​ക​യും മ​റ്റു​ നി​ര​വ​ധി സാ​​ങ്കേ​തി​ക കോ​ഴ്​​സു​ക​ളി​ൽ വി​ജ​യം നേ​ടു​ക​യും ചെ​യ്തി​ട്ടു​ണ്ടെ​ന്ന്​​ ക്രി​മി​ന​ൽ ഇ​ൻ​വെ​സ്റ്റി​ഗേ​ഷ​ൻ അ​ഫേ​ഴ്​​സ്​ അ​സി. ക​മാ​ൻ​ഡ​ർ ഇ​ൻ ചീ​ഫ്​ മേ​ജ​ർ ജ​ന​റ​ൽ ഖ​ലീ​ൽ ഇ​ബ്രാ​ഹിം അ​ൽ മ​ൻ​സൂ​രി പ​റ​ഞ്ഞു. വി​ദ്യാ​ഭ്യാ​സ​പ​ര​മാ​യ പു​രോ​ഗ​തി ത​ട​വു​കാ​ർ​ക്ക്​ മോ​ച​ന​ത്തി​നു​ശേ​ഷം നൂ​ത​ന​മാ​യ ക​മ്പ​നി​ക​ൾ തു​ട​ങ്ങു​ന്ന​തി​നും പു​തി​യ പ്രോ​ജ​ക്ടു​ക​ൾ അ​വ​ത​രി​പ്പി​ക്കു​ന്ന​തി​നും സ​ഹാ​യി​ക്കും.