‘സായിദി​െൻറ സമ്മാനം’-  മത്സര തീയതി ജൂലൈ 3 1വരെ നീട്ടി

ദുബൈ: ​സായിദ്​ വർഷാചരണത്തോടനുബന്ധിച്ച്​ െഎക്യരാഷ്​ട്ര സഭയുടെ ​ന്യൂയോർക്ക്​ ആസ്​ഥാനത്ത്​ സമർപ്പിക്കാനുള്ള മികച്ച കലാസൃഷ്​ടി തെരഞ്ഞെടുക്കാനുള്ള മത്സരത്തിന്​ എൻട്രികൾ സമർപ്പിക്കാനുള്ള സമയം ദീർഘിപ്പിച്ചു. സായിദി​​​െൻറ സമ്മാനം എന്ന പേരിൽ ​െഎക്യരാഷ്​ട്ര സഭയിൽ നൽകുന്ന കലാസൃഷ്​ടിക്കായി വിദേശകാര്യ അന്താരാഷ്​ട്ര സഹകരണ മന്ത്രാലയമാണ്​ മത്സരം ഒരുക്കുന്നത്​. ജൂലൈ 31നകം കലാസൃഷ്​ടികൾ സമർപ്പിക്കണം. യു.എ.ഇ പൗരർക്കും താമസക്കാരായ മറ്റു നാട്ടുകാർക്കും മത്സരത്തിൽ പ​െങ്കടുക്കാം. മികച്ച കലാമൂല്യവും, യു.എൻ പ്രതിനിധാനം ചെയ്യുന്ന ആഗോള ​െഎക്യവും യു.എ.ഇയുടെ സാംസ്​കാരിക പാരമ്പര്യവും പ്രതിഫലിക്കുന്നതുമാവണം രചനകൾ.

തയ്യാറാക്കുന്ന കലാവസ്​തു മൗലികമാവണം, പ്രമുഖ വ്യക്​തികളുടെ പ്രതിമകളോ മറ്റ്​ കലാവസ്​തുക്കളുടെ അനുകരണമോ ആവരുത്​. ഒരു വ്യക്​തിക്ക്​ ഒരു ഡിസൈൻ മാത്രമേ സമർപ്പിക്കാനാവൂ. ഇതി​​​െൻറ ബൗദ്ധിക സ്വത്തവകാശം ഉൾപ്പെടെ പൂർണ ഉടമാവകാശവും മന്ത്രാലയത്തിന്​ വിട്ടു നൽകണം.   സമർപ്പിക്കപ്പെടുന്ന ഡിസൈനുകളിൽ നിന്ന്​ തെരഞ്ഞെടുക്കപ്പെടുന്ന 10 എണ്ണം പ്രമുഖ കലാകാരും നയതന്ത്രജ്​ഞരും ഉൾപ്പെടുന്ന ജൂറിക്കു മുൻപാകെ വിലയിരുത്തപ്പെടും. അതിൽ നിന്നാണ്​ മൂന്ന്​ മികച്ച ഡിസൈനുകൾ തെരഞ്ഞെടുക്കുക. ഇതു തയ്യാറാക്കിയവർക്ക്​ 73ാമത്​ യു.എൻ. ജനറൽ അസംബ്ലി നടക്കവെ ആസ്​ഥാനം സന്ദർശിക്കാനും മികച്ച ആർട്​ കോളജിൽ പഠനം നടത്താനും അവസരം ലഭിക്കും. കൂടുതൽ വിവരങ്ങൾക്കും കലാസൃഷ്​ടി സമർപ്പിക്കുന്നതിനും   https://www.mofa.gov.ae/EN/Pages/The-Gift-of-Zayed.aspx എന്ന ലിങ്ക്​ സന്ദർശിക്കുക.