അണിയറയിലൊരുങ്ങുന്നു കെ.എം.സി.സിയുടെ കലാപ്രകടനങ്ങൾ

ദുബൈ: മഹാമേളയിൽ ഇന്ത്യൻ പ്രവാസി സമൂഹത്തി​െൻറ പേരെഴുതി ചേർക്കാനൊരുങ്ങി യു.എ.ഇ കെ.എം.സി.സിയും. ഇന്ത്യയുടെയും കേരളത്തി​െൻറയും തനതു കലാരൂപങ്ങളുമായി കെ.എം.സി.സിയും എക്​സ്​പോയിലുണ്ടാകും. ഇക്കാര്യത്തിൽ എക്‌സ്‌പോ അധികൃതരുമായും ഇന്ത്യൻ കോൺസു​േലറ്റുമായും ചര്‍ച്ചകള്‍ പൂർത്തിയായതായി പ്രസിഡൻറ് പുത്തൂർ റഹ്​മാൻ വാർത്തസമ്മേളനത്തിൽ അറിയിച്ചു. സെലിബ്രിറ്റികളെ അടക്കം വേദിയിലെത്തിക്കാൻ ശ്രമം നടക്കുന്നതായും അദ്ദേഹം പറഞ്ഞു.

200ഓളം കലാകാരന്മാർ ഇതിനുള്ള റിഹേഴ്​സൽ തുടങ്ങി. യു.എ.ഇയിൽ നിന്നും കേരളത്തിൽ നിന്നും മറ്റ്​ സംസ്ഥാനങ്ങളിൽ നിന്നുമുള്ളവർ ഇക്കൂട്ടത്തിലുണ്ട്​. മൂന്നു ദിവസങ്ങളിലാണ്​ കെ.എം.സി.സിയുടെ പരിപാടികൾ എക്​സ്​പോയിൽ നടക്കുക. നവംബർ അഞ്ചിന് വൈകീട്ട്​ എട്ട്​ മുതൽ പത്ത്​ വരെ ഇന്ത്യൻ പവലിയനിലെ ആംഫി തിയറ്ററിൽ കെ.എം.സി.സിയുടെ നേതൃത്വത്തിൽ കേരളത്തി​െൻറ തനത് ആയോധന കലകളായ വാൾപയറ്റ്, ഉറുമി, ചുരിക തുടങ്ങിയവയുടെ കലാപ്രകടനവും അവതരിപ്പിക്കും. ഡിസംബർ മൂന്നിന് വൈകീട്ട്​ ആറ്​ മുതൽ ഒമ്പതു​ വരെ 'കേരളീയം' എന്ന പേരിൽ കേരളത്തി​െൻറ ജനപ്രിയ നാട്യ കലാരൂപങ്ങളായ മോഹിനിയാട്ടം, കഥകളി, കോൽക്കളി, മാർഗംകളി, തിരുവാതിര, അറവന, ഒപ്പന തുടങ്ങിയവ ഇൻഡോർ ഓഡിറ്റോറിയത്തിൽ അരങ്ങേറും. മാർച്ച് 11ന് രാത്രി ഏഴു​ മുതൽ പത്തു​ വരെ എക്സ്പോയിലെ ഏറ്റവും വലിയ വേദിയായ ദുബൈ മില്ലേനിയം ആംഫി തിയേറ്ററിൽ ഇന്തോ-അറബ് സംസ്ക്കാരങ്ങളുടെ സമന്വയ പ്രതീകമായി 'സലാം ദുബൈ' എന്ന പേരിൽ കലാപരിപാടികൾ അവതരിപ്പിക്കും.

ദുബൈ സർക്കാറി​െൻറ കോവിഡ് കാല ആരോഗ്യ പ്രവർത്തങ്ങൾക്കുള്ള ഇന്ത്യൻ പ്രവാസി സമൂഹത്തി​െൻറ നന്ദിരേഖപ്പെടുത്തലായി ഇതു മാറും. ഇന്ത്യയിലെയും യു.എ.ഇയിലേയും പ്രമുഖ കലാകാരന്മാർ പങ്കെടുക്കുന്ന ചടങ്ങുകളായിരിക്കും ഇവയെന്നും പുത്തൂർ റഹ്​മാൻ പറഞ്ഞു.

യു.എ.ഇയിലെ പ്രവാസി സമൂഹത്തിന്​ വലിയ അവസരങ്ങളാണ്​ എക്​സ്​പോ തുറന്നിടു​ന്നതെന്ന്​ മുഖ്യരക്ഷാധികാരി ശംസുദ്ദീൻ ബിൻ മുഹ്‌യുദ്ദീൻ പറഞ്ഞു. യു.എ.ഇയുടെ സാമ്പത്തിക മേഖലയിൽ വൻ ചലനങ്ങളുണ്ടാക്കും. അവസരങ്ങളുടെ ലോകമാണ്​ എക്​സ്​പോ. പ്രവാസി സമൂഹം അത്​ ഉപയോഗപ്പെടുത്തണമെന്നും അദ്ദേഹം പറഞ്ഞു.

ലോകത്തെ ഏറ്റവും വലിയ സാംസ്‌കാരിക പരിപാടിയായ എക്‌സ്‌പോ 2020 ദുബൈക്ക്​ പുത്തനുണർവേകുമെന്ന്​ കെ.എം.സി.സി ജനറൽ സെക്രട്ടറി പി. കെ. അൻവർ നഹ പറഞ്ഞു. കെ.എം.സി.സിയുടെ നിരവധി പ്രവർത്തകർ വളൻറിയറായി എക്​സ്​പോ വേദിയിലുണ്ടാകും. ഇന്ത്യക്കാരായ 200ൽ പരം കല -കായിക പ്രതിഭകളെ അണിനിരത്തി വൻ മുന്നേറ്റത്തി​െൻറ ഭാഗമാവാൻ അവസരം നൽകിയതിൽ നന്ദി അറിയിക്കുന്നു. ലോകത്തിലെ ഏറ്റവും വലിയ സാംസ്‌കാരിക- വിജ്ഞാന കൈമാറ്റത്തിനാണ് എക്​സ്​പോ അവസരമൊരുക്കുകയെന്നും അദ്ദേഹം കൂട്ടിച്ചേർത്തു. ഓരോ വേദികളിലും കേരളത്തിലെ രാഷ്​ട്രീയ നേതാക്കളെയും സാംസ്‌കാരിക പ്രവര്‍ത്തകരെയും പങ്കെടുപ്പിച്ച് പരിപാടികളുടെ വിജയം ഉറപ്പാക്കുമെന്ന് നേതാക്കള്‍ പ്രത്യാശ പ്രകടിപ്പിച്ചു. ആക്​ടിങ്​ പ്രസിഡൻറ്​ ഹുസൈനാർ ഹാജി എടച്ചക്കൈ, ട്രഷറര്‍ നിസാര്‍ തളങ്കര എന്നിവരും വാർത്തസമ്മേളനത്തിൽ പ​ങ്കെടുത്തു.