ജി.ഡി.ആർ.എഫ്.എ ദുബൈ റിംസ് റിസ്ക്‌ ഫോറം സംഘടിപ്പിക്കുന്നു 

ദുബൈ: വ്യവസായ മേഖല നേരിടുന്ന  വിവിധ പ്രശ്നങ്ങളെ കുറിച്ചുള്ള ബോധവത്​കരണവും പ്രതിവിധിയും ചര്‍ച്ച ചെയ്യാൻ  ജനറൽ ഡയറക്ടറേറ്റ് ഓഫ് റെസിഡൻസി ആൻറ്​ ഫോറിനേഴ്സ് അഫയേഴ്സ് (ജി.ഡി.ആർ.എഫ്.എ) ദുബൈ റിംസ് റിസ്ക്‌ ഫോറം മിഡിൽ ഇൗസ്​റ്റ്​ 2017 എന്ന പേരില്‍ പ്രത്യേക പരിപാടി സംഘടിപ്പിക്കുന്നു. ഇൗ മാസം 11,-12 തീയതികളില്‍ ദുബൈ ഹയാത് റീജൻസി ക്രീക്ക്  ഹൈറ്റ്സിൽ റിസ്ക് മാനേജ്മ​െൻറ് സൊസൈറ്റിയുമായി സഹകരിച്ചാണ് സംഘാടനം. 

ഏറ്റവും പുതിയ റിസ്ക് മാനേജ്മ​െൻറ്​ സമ്പ്രദായങ്ങള്‍ ഫോറത്തില്‍ പരിചയപ്പെടുത്തും. ഈ രംഗത്തെ നൂതനമായ അറിവുകള്‍ സംരംഭകര്‍ക്കും പൊതു ജനങ്ങള്‍ക്കും പരിചയപ്പെടുത്തുന്നതിനാണ് റിംസ് റിസ്ക്‌ ഫോറം ഒരുക്കുന്നതെന്ന് ജി.ഡി.ആർ.എഫ്.എ ദുബൈ മേധാവി മേജര്‍ ജനറല്‍ മുഹമ്മദ് അഹമ്മദ് അല്‍ മറി പറഞ്ഞു. പങ്കെടുക്കാന്‍ ആഗ്രഹിക്കുന്നവര്‍ക്ക്​ https://www.rims.org/RiskForum/Dubai17/Pages/Home.aspx എന്ന ലിങ്ക്​ മുഖേന  രജിസ്​റ്റർ ചെയ്യണം.