സേ​വ​ന​ങ്ങ​ള​റി​യാ​ൻ ദു​ബൈ ഹി​ൽ​സ് മാ​ളി​ൽ ജി.​ഡി.​ആ​ർ.​എ​ഫ്.​എ കാ​മ്പ​യി​ൻ

ദു​ബൈ: ജ​ന​റ​ൽ ഡ​യ​റ​ക്ട​റേ​റ്റ് ഓ​ഫ് ഐ​ഡ​ന്‍റി​റ്റി ആ​ൻ​ഡ് ഫോ​റി​നേ​ഴ്സ് അ​ഫ​യേ​ഴ്സ് (ജി.​ഡി.​ആ​ർ.​എ​ഫ്.​എ) ദു​ബൈ ഹി​ൽ​സ് മാ​ളി​ൽ ‘ഞ​ങ്ങ​ൾ നി​ങ്ങ​ൾ​ക്കാ​യി ഇ​വി​ടെ​യു​ണ്ട്’ എ​ന്ന ശീ​ർ​ഷ​ക​ത്തി​ൽ ബോ​ധ​വ​ത്ക​ര​ണ കാ​മ്പ​യി​ൻ ആ​രം​ഭി​ച്ചു. മേ​ജ​ർ ജ​ന​റ​ൽ ഉ​ബൈ​ദ് മു​ഹൈ​ർ ബി​ൻ സു​റൂ​ർ കാ​മ്പ​യി​ൻ ഉ​ദ്ഘാ​ട​നം ചെ​യ്തു.

പൗ​ര​ന്മാ​രു​ടെ​യും താ​മ​സ​ക്കാ​രു​ടെ​യും ഇ​ട​യി​ൽ ജി.​ഡി.​ആ​ർ.​എ​ഫ്.​എ​യു​ടെ സേ​വ​ന​ങ്ങ​ളെ​ക്കു​റി​ച്ച് കൂ​ടു​ത​ൽ അ​വ​ബോ​ധം സൃ​ഷ്ടി​ക്കു​ക​യും അ​വ ല​ളി​ത​വും പ്രാ​പ്യ​വു​മാ​യ രീ​തി​യി​ൽ ജ​ന​ങ്ങ​ളി​ലേ​ക്ക് എ​ത്തി​ക്കു​ക​യും ചെ​യ്യു​ക​യാ​ണ്​ ല​ക്ഷ്യം. രാ​വി​ലെ 10 മു​ത​ൽ രാ​ത്രി 10 വ​രെ സ​ന്ദ​ർ​ശ​ന സ​മ​യം. ഇ​തി​നാ​യി മാ​ളി​ൽ പ്ര​ത്യേ​ക പ​വി​ലി​യ​ൻ സ്ഥാ​പി​ച്ചി​ട്ടു​ണ്ട്. ഗോ​ൾ​ഡ​ൻ വി​സ, പ്ര​വേ​ശ​നാ​നു​മ​തി, ഐ​ഡ​ന്‍റി​റ്റി കാ​ർ​ഡ്, ദേ​ശീ​യ​താ സേ​വ​ന​ങ്ങ​ൾ, ‘ആ​മ​ർ അ​സി​സ്റ്റ​ന്‍റ്​’ ഉ​ൾ​പ്പെ​ടെ വി​വി​ധ സേ​വ​ന​ങ്ങ​ളെ​ക്കു​റി​ച്ച് വി​ശ​ദ​മാ​യി അ​റി​യാ​ൻ സ​ന്ദ​ർ​ശ​ക​ർ​ക്ക് അ​വ​സ​ര​മു​ണ്ടാ​കും.

വി​വ​ര​ദാ​യ​ക​മാ​യ സ്റ്റാ​ളു​ക​ളും പ​രി​ശീ​ല​നം ല​ഭി​ച്ച ജീ​വ​ന​ക്കാ​രി​ലൂ​ടെ നേ​രി​ട്ടു​ള്ള മാ​ർ​ഗ​നി​ർ​ദേ​ശ​ങ്ങ​ളും കാ​മ്പ​യി​നി​ന്‍റെ ഭാ​ഗ​മാ​ണ്. കു​ട്ടി​ക​ൾ​ക്കാ​യി സ​ലീം, സ​ലാ​മ എ​ന്നീ കാ​ർ​ട്ടൂ​ൺ ക​ഥാ​പാ​ത്ര​ങ്ങ​ളെ ഉ​ൾ​പ്പെ​ടു​ത്തി​യു​ള്ള വി​ദ്യാ​ഭ്യാ​സ കോ​ർ​ണ​റും ഒ​രു​ക്കി​യി​ട്ടു​ണ്ട്. കാ​മ്പ​യി​ൻ അ​ടു​ത്ത വെ​ള്ളി​യാ​ഴ്ച സ​മാ​പി​ക്കും.