നിർമിത ബുദ്ധി ജി.സി.സിയിൽ കോടി തൊഴിലവസരം തുറക്കും –മന്ത്രി

അബൂദബി: നിർമിത ബുദ്ധി ജി.സി.സിയിൽ കോടി പുതിയ തൊഴിലവസരങ്ങൾ തുറക്കുമെന്ന്​ വിദഗ്​ധർ കണക്കു കൂട്ടുന്നതായി യു.എ.ഇ നിർമിത ബുദ്ധികാര്യ സഹമന്ത്രി ഉമർ ബിൻ സുൽത്താൻ ആൽ ഒലാമ പറഞ്ഞു. നിലവിലുള്ള ജോലികളിൽ 74 ശതമാനം ഇല്ലാ​തായേക്കും. അടുത്ത 12 വർഷത്തിനകം ലോകത്ത്​ നിർമിത ബുദ്ധി മേഖലയിൽ 15 ട്രില്യൻ യു.എസ്​ ഡോളറി​​​െൻറ നിക്ഷേപം പ്രതീക്ഷിക്കുന്നതായും മന്ത്രി വ്യക്​തമാക്കി. റിയാദ്​ അന്താരാഷ്​ട്ര പുസ്​​തകോത്സവത്തിൽ ‘നിർമിത ബുദ്ധി വിപ്ലവം’ സെമിനാറിൽ സംസാരിക്കുകയായിരുന്നു ഉമർ ബിൻ സുൽത്താൻ. 

അറബ്​ രാജ്യങ്ങളിലെ യുവജനസംഖ്യ 10.8 കോടിയിലെത്തിയ സാഹചര്യത്തിൽ നിർമിത ബുദ്ധി മേഖലയിലെ പുരോഗതിക്ക്​ അടിസ്​ഥാനമൊരുക്കാൻ പുതു തലമുറക്ക്​ പരിശീലനം നൽകുന്നതി​​​െൻറ പ്രാധാന്യം മന്ത്രി ഉൗന്നിപ്പറഞ്ഞു. അ​റബ്​ മേഖലയിലെ രാജ്യങ്ങൾ നിർമിത ബുദ്ധി സാ​േങ്കതിക വിദ്യകൾ ഉപയോഗിക്കേണ്ടത്​ വളരെ പ്രധാനമാണ്​. സ്വയം നിയന്ത്രിതമായ കാറുകൾ, റോക്കറ്റ്​ ലാൻഡിങ്​ പ്രോഗ്രാമുകൾ, കാഷ്യറില്ലാത്ത സൂപ്പർ മാർക്കറ്റുകൾ, അത്യാധുനിക റോബോട്ടുകൾ തുടങ്ങി നിർമിത ബുദ്ധി മേഖലയി​ൽ ലോകത്ത്​ മുമ്പന്തിയിലുള്ളവർ നിരവധി പദ്ധതികൾ വികസിപ്പിച്ചുകൊണ്ടിരിക്കുകയാണെന്നും മന്ത്രി പറഞ്ഞു.