ആ​റ് കോ​ടി ക​ട​ന്ന്​ ജി.​സി.​സി ജ​ന​സം​ഖ്യ

ദു​ബൈ: ജി.​സി.​സി രാ​ജ്യ​ങ്ങ​ളി​ലെ ജ​ന​സം​ഖ്യ ആ​റ് കോ​ടി ക​ട​ന്നു. 2024ന്‍റെ അ​വ​സാ​ന​ത്തി​ലെ ക​ണ​ക്കു​പ്ര​കാ​രം ആ​റ് ജി.​സി.​സി രാ​ജ്യ​ങ്ങ​ളി​ലാ​യി ജീ​വി​ക്കു​ന്ന​ത് 6.12 കോ​ടി ജ​ന​ങ്ങ​ളാ​ണ്. 2023നെ ​അ​പേ​ക്ഷി​ച്ച് 21 ല​ക്ഷം പേ​രാ​ണ്​ അ​ധി​കം. ലോ​ക ജ​ന​സം​ഖ്യ ദി​ന​ത്തോ​ട​നു​ബ​ന്ധി​ച്ചാ​ണ് ജി.​സി.​സി സ്റ്റാ​റ്റി​സ്റ്റി​ക്സ് സെ​ന്‍റ​ർ​ ജ​ന​സം​ഖ്യ ക​ണ​ക്ക് പു​റ​ത്തു​വി​ട്ട​ത്.

കോ​വി​ഡി​ന് ശേ​ഷം ജ​ന​സം​ഖ്യ​യി​ല്‍ ക്ര​മാ​നു​ഗ​ത​മാ​യ വ​ള​ര്‍ച്ച​യു​ണ്ട്. 2021 മു​ത​ല്‍ 2024വ​രെ ജി.​സി.​സി ജ​ന​സം​ഖ്യ​യി​ല്‍ 76 ല​ക്ഷ​ത്തി​ന്‍റെ വ​ര്‍ധ​ന​യു​ണ്ടാ​യെ​ന്നും ക​ണ​ക്കു​ക​ള്‍ വ്യ​ക്ത​മാ​ക്കു​ന്നു. ജി.​സി.​സി രാ​ജ്യ​ങ്ങ​ളി​ലെ പു​രു​ഷ ജ​ന​സം​ഖ്യ ഏ​ക​ദേ​ശം 3.85 കോ​ടി​യി​ലെ​ത്തി. ഇ​ത് മൊ​ത്തം ജ​ന​സം​ഖ്യ​യു​ടെ 62.8 ശ​ത​മാ​ന​മാ​ണ്. സ്ത്രീ​ക​ളു​ടെ ജ​ന​സം​ഖ്യ 2.27 കോ​ടി​യു​മാ​ണ്, ഇ​ത് ജ​ന​സം​ഖ്യ​യു​ടെ 37.2 ശ​ത​മാ​ന​മാ​ണ്. സ്ത്രീ -​പു​രു​ഷാ​നു​പാ​ത​ത്തി​ലെ അ​ന്ത​രം ഏ​റ്റ​വും കൂ​ടു​ത​ലു​ള്ള മേ​ഖ​ല കൂ​ടി​യാ​ണി​ത്.

169 പു​രു​ഷ​ന്മാ​ര്‍ക്ക് 100 സ്ത്രീ​ക​ള്‍ എ​ന്ന​താ​ണ് ക​ണ​ക്ക്. ജി.​സി.​സി രാ​ജ്യ​ങ്ങ​ളി​ല്‍ തൊ​ഴി​ല്‍ തേ​ടി​യെ​ത്തു​ന്ന​വ​രി​ല്‍ ഭൂ​രി​പ​ക്ഷ​വും പു​രു​ഷ​ന്മാ​രാ​ണ് എ​ന്ന​താ​ണ് ഇ​തി​നു കാ​ര​ണം. യു.​എ​ന്നി​ന്‍റെ ക​ണ​ക്ക് പ്ര​കാ​രം ജി.​സി.​സി​യി​ലേ​ക്കു​ള്ള തൊ​ഴി​ല്‍ കു​ടി​യേ​റ്റ​ത്തി​ല്‍ 84 ശ​ത​മാ​നം പു​രു​ഷ​ന്മാ​രാ​ണ്. ആ​ഗോ​ള ത​ല​ത്തി​ല്‍ ഇ​ത് 56 ശ​ത​മാ​ന​മാ​ണ്. ഇ​താ​ണ് സ്ത്രീ-​പു​രു​ഷാ​നു​പാ​ത​ത്തി​ല്‍ അ​ന്ത​ര​ത്തി​നു​ള്ള കാ​ര​ണം. സൗ​ദി അ​റേ​ബ്യ​യാ​ണ് ജി.​സി.​സി രാ​ജ്യ​ങ്ങ​ളി​ല്‍ ഏ​റ്റ​വും കൂ​ടു​ത​ല്‍ ജ​ന​സം​ഖ്യ​യു​ള്ള രാ​ജ്യം. ക​ണ​ക്കു​ക​ൾ പ്ര​കാ​രം, ജി.​സി.​സി രാ​ജ്യ​ങ്ങ​ളി​ലെ ജ​ന​സം​ഖ്യ ലോ​ക ജ​ന​സം​ഖ്യ​യു​ടെ 0.7 ശ​ത​മാ​ന​മാ​ണ്.