ശതാബ്​ദി പദ്ധതിക്ക്​ ആദ്യ ചുവടുവെച്ച്​ യു.എ.ഇ

അബൂദബി: രൂപവത്​കരണത്തി​​െൻറ നൂറാം വാർഷികം ആഘോഷിക്കുന്ന 2071ആകു​േമ്പാഴേക്കും ലോകത്തെ ഏറ്റവും മികച്ച രാജ്യമായി യു.എ.ഇയെ മാറ്റിയെടുക്കാനുള്ള ബ്രഹദ്​ പദ്ധതികൾക്ക്​ ചുവടുവെച്ച്​ ദ്വിദിന സർക്കാർ വാർഷിക സമ്മേളനം അബൂദബിയിൽ സമാപിച്ചു. യു.എ.ഇ വൈസ്​​പ്രസിഡൻറും പ്രധാനമന്ത്രിയും ദുബൈ ഭരണാധികാരിയുമായ ശൈഖ്​ മുഹമ്മദ്​ ബിൻ റാശിദ്​ ആൽമക്​തൂമും അബൂദബി കിരീടാവകാശിയും സായുധസേന ഉപ സർവ്വ സൈന്യാധിപനുമായ ശൈഖ്​ മുഹമ്മദ്​ ബിൻ സായിദ്​ ആൽ നഹ്​യാനും പുതു കർമ്മപദ്ധതികൾക്ക്​ ഒപ്പം നടക്കാൻ ജനതയോട്​ ആഹ്വാനം ചെയ്​തു. ഏറ്റവും മികച്ച സർക്കാർ, ഏറ്റവും മികച്ച വിദ്യാഭ്യാസം, സന്തുഷ്​ടമായ സമൂഹം, ഏറ്റവും മികച്ച സമ്പദ്​വ്യവസ്​ഥ എന്നിവ നമുക്ക്​ യാഥാർഥ്യമാക്കണമെന്നും ലോകത്തി​​െൻറ സാമ്പത്തിക ശക്​തിനിലയമായി മാറാൻ യു.എ.ഇക്ക്​ കെൽപ്പുണ്ടെന്നും  ശൈഖ്​ മുഹമ്മദ്​ ബിൻ റാശിദ്​ പറഞ്ഞു. 

 ലോക നിലവാരമുള്ള വിദ്യാഭ്യാസവും ദേശീയബോധത്തിലുള്ള ആത്​മവിശ്വാസവും നൽകി ഭാവിയുടെ മുൻ നിരക്കാരായി രാജ്യത്തെ കുഞ്ഞുങ്ങളെ വളർത്തിയെടുക്കാനാണ്​ ലക്ഷ്യമിടുന്നതെന്ന്​ ശൈഖ്​ മുഹമ്മദ്​ ബിൻ സായിദ്​ പറഞ്ഞു. നമ്മുടെ കുട്ടികൾ അവരുടെ അപാരമായ ഉൗർജവും സമർപ്പണ ബോധവും കൊണ്ട്​ ഉൽകൃഷ്​തയിലെത്തുമെന്നും രാഷ്​ട്രനേതൃത്വത്തി​​െൻറ ദാർശനികമായ അഭിലാഷങ്ങളെ സത്യമാക്കുമെന്നും അദ്ദേഹം പ്രത്യാശിച്ചു. ഒരുപാട്​ തലമുറകൾക്ക്​ സന്തുഷ്​ടവും സമൃദ്ധവുമായ ഭാവി സമ്മാനിക്കാനും  
ശുഭചിന്തകരും ധർമനിഷ്​ഠരുമായ സമൂഹങ്ങളെ ഉയർത്തിപ്പിടിക്കാനുമാണ്​ ശതാബ്​ദി വർഷ പദ്ധതികൾ ലക്ഷ്യം വെക്കുന്നത്​. സമ്മേളനത്തി​​െൻറ ആദ്യ ദിനം തന്നെ ഫെഡറൽ^പ്രാദേശിക തലങ്ങളിലെ 30 മേഖലകളിലായി 120 ഉദ്യമങ്ങൾക്കാണ്​ പ്രാരംഭം കുറിച്ചത്​.