പ്ല​സ്‌​ടു​വി​ന്​ മു​ഴു​വ​ൻ മാ​ർ​ക്ക്​; അ​ഭി​മാ​ന​മാ​യി മു​ഹ​മ്മ​ദ് മു​ര്‍സി​ല്‍

അ​ബൂ​ദ​ബി: ഡോ​ക്ട​റാ​യ​ശേ​ഷം അ​ബൂ​ദ​ബി​യെ സേ​വി​ക്കാ​നെ​ത്താ​നാ​ണ്​ ആ​ഗ്ര​ഹ​മെ​ന്ന് പ്ല​സ്ടു​വി​ല്‍ മു​ഴു​വ​ന്‍ മാ​ര്‍ക്കും നേ​ടി​യ മ​ല​യാ​ളി വി​ദ്യാ​ർ​ഥി. ഹ​യ​ര്‍സെ​ക്ക​ന്‍ഡ​റി പ​രീ​ക്ഷ​യി​ല്‍ അ​ബൂ​ദ​ബി മോ​ഡ​ല്‍ പ്രൈ​വ​റ്റ് സ്‌​കൂ​ള്‍ വി​ദ്യാ​ര്‍ഥി, തൃ​ശൂ​ര്‍ സ്വ​ദേ​ശി​യാ​യ മു​ഹ​മ്മ​ദ് മു​ര്‍സി​ലാ​ണ് സ്വ​പ്‌​ന​നേ​ട്ടം ക​ര​സ്ഥ​മാ​ക്കി​യ​ത്. കാ​ല്‍പ​ന്ത് ക​ളി​പ്രേ​മി​യാ​യ മു​ഹ​മ്മ​ദ് മു​ര്‍സി​ല്‍ സ്‌​കൂ​ള്‍ ടീ​മി​ലം​ഗ​വും​കൂ​ടി​യാ​ണ്. അ​ര്‍ജ​ന്റീ​നി​യ​ന്‍ നാ​യ​ക​ന്‍ ല​യ​ണ​ല്‍ മെ​സ്സി​യാ​ണ് വി​ദ്യാ​ര്‍ഥി​യു​ടെ ഇ​ഷ്ട​താ​രം.

സ​ന്തോ​ഷ​വാ​നാ​ണെ​ന്നും എ​ന്നാ​ല്‍ എ​ല്ലാ വി​ഷ​യ​ങ്ങ​ള്‍ക്കും മു​ഴു​വ​ന്‍ മാ​ര്‍ക്കും കി​ട്ടു​മെ​ന്ന് പ്ര​തീ​ക്ഷി​ച്ചി​രു​ന്നി​ല്ലെ​ന്നും വെ​ക്കേ​ഷ​ന് നാ​ട്ടി​ലേ​ക്കു പോ​യ വി​ദ്യാ​ര്‍ഥി പ്ര​തി​ക​രി​ച്ചു. ഇം​ഗ്ലീ​ഷ്, മ​ല​യാ​ളം, ഫി​സി​കി​സ്, കെ​മി​സ്ട്രി, ബ​യോ​ള​ജി, മാ​ത്ത​മാ​റ്റി​ക്‌​സ് വി​ഷ​യ​ങ്ങ​ളി​ലെ​ല്ലാം നൂ​റു​മേ​നി കൊ​യ്യാ​ന്‍ മു​ര്‍സി​ലി​നാ​യി. ക​ഴി​ഞ്ഞ വ​ര്‍ഷ​ത്തെ അ​പേ​ക്ഷി​ച്ച് ഈ ​വ​ര്‍ഷം എ​ല്ലാ വി​ഷ​യ​ങ്ങ​ളും ക​ഠി​ന​മാ​യി​രു​ന്നു​വെ​ന്ന് വ്യ​ക്ത​മാ​ക്കി​യ മു​ര്‍സി​ല്‍ മ​ല​യാ​ള​ത്തി​നും ഇം​ഗ്ലീ​ഷി​നു​മാ​ണ് മു​ഴു​വ​ന്‍ മാ​ര്‍ക്കും കി​ട്ടു​മെ​ന്ന് ക​രു​തി​യി​രു​ന്ന​തെ​ന്നും കൂ​ട്ടി​ച്ചേ​ര്‍ത്തു. കുടുംബ സമേതം അബൂദബിയിൽ കഴിയുന്ന മുർസിലിന്റെ പിതാവ് മൊയ്തുണ്ണിക്കുട്ടി ആണ്. മാതാവ് സാഹിറ. രണ്ട് മു​തി​ര്‍ന്ന സഹോദരങ്ങളുണ്ട്. പ​ഠ​ന​ത്തി​ല്‍ വീ​ട്ടി​ല്‍നി​ന്ന് ഒ​രു​വി​ധ സ​മ്മ​ർ​ദ​വു​മു​ണ്ടാ​യി​രു​ന്നി​ല്ലെ​ന്നും ത​ന്റേ​താ​യ രീ​തി​യി​ലാ​യി​രു​ന്നു പ​ഠ​ന​മെ​ന്നും മു​ര്‍സി​ല്‍ പ​റ​ഞ്ഞു. പ​രീ​ക്ഷാ​ക്കാ​ല​ത്ത് പു​ല​ര്‍ച്ചെ നാ​ല് മ​ണി​ക്കെ​ഴു​ന്നേ​റ്റ് പ​ഠി​ക്കും. അ​ല്ലാ​ത്ത സ​മ​യ​ങ്ങ​ളി​ല്‍ രാ​വി​ലെ ഏ​ഴി​നാ​ണ് എ​ഴു​ന്നേ​റ്റി​രു​ന്ന​ത്. ഉ​ച്ച 12.30 മു​ത​ൽ വൈ​കീ​ട്ട് 5.30 വ​രെ​യാ​ണ് സ്‌​കൂ​ളി​ലെ പ​ഠ​ന​സ​മ​യം എ​ന്ന​തി​നാ​ല്‍ രാ​വി​ലെ ധാ​രാ​ളം ഒ​ഴി​വു​സ​മ​യ​ങ്ങ​ള്‍ ല​ഭി​ച്ചി​രു​ന്നു​വെ​ന്നും വി​ദ്യാ​ര്‍ഥി പ​റ​ഞ്ഞു.

സ്‌​കൂ​ളി​ല്‍നി​ന്നു ന​ല്‍കി​യ എ​ല്ലാ നോ​ട്ടു​ക​ളും ആ​വ​ര്‍ത്തി​ച്ചു നോ​ക്കു​ക​യും ചി​ല യൂ​ട്യൂ​ബ് ചാ​ന​ലു​ക​ള്‍ നോ​ക്കി പ​ഠി​ക്കു​ക​യും​ചെ​യ്തു. മു​ന്‍ ചോ​ദ്യ​പേ​പ്പ​റു​ക​ളും പ​രി​ശീ​ലി​ക്കു​ക​യു​ണ്ടാ​യി. ഇ​തി​നു​പു​റ​മെ സ്‌​കൂ​ളി​ല്‍ റി​വി​ഷ​ന്‍ ടെ​സ്റ്റു​ക​ളും ധാ​രാ​ള​മാ​യി ന​ട​ത്തി​യി​രു​ന്നു. ഇ​തെ​ല്ലാം നൂ​റു​മേ​നി മാ​ര്‍ക്ക് നേ​ടാ​ന്‍ ത​ന്നെ സ​ഹാ​യി​ച്ചു​വെ​ന്നു മു​ര്‍സി​ല്‍ കൂ​ട്ടി​ച്ചേ​ര്‍ത്തു. എ​ല്ലാ വി​ഷ​യ​ങ്ങ​ള്‍ക്കും എ ​പ്ല​സ് നേ​ടി​യാ​യി​രു​ന്നു പ​ത്താം ക്ലാ​സ് ക​ട​മ്പ​യും മു​ര്‍സി​ല്‍ ക​ട​ന്ന​ത്.

നീ​റ്റ് പ​രീ​ക്ഷ​ക്കു​ള്ള ത​യാ​റെ​ടു​പ്പി​ലാ​ണ് മു​ര്‍സി​ല്‍ ഇ​പ്പോ​ള്‍. എം.​ബി.​ബി.​എ​സ് നേ​ടി​യ​ശേ​ഷം സേ​വ​ന​ത്തി​നാ​യി അ​ബൂ​ദ​ബി​യി​ല്‍ തി​രി​ച്ചെ​ത്തു​മെ​ന്നും മു​ഹ​മ്മ​ദ് മു​ര്‍സി​ല്‍ നി​ശ്ച​യ​ദാ​ര്‍ഢ്യ​ത്തോ​ടെ പ​റ​യു​ന്നു.