എണ്ണ, ഗ്രീസ് മാലിന്യ സംസ്കരണ​ പദ്ധതിയുമായി​ ഫുജൈറ മുനിസിപ്പാലിറ്റി

ഫു​ജൈ​റ: ഉ​പ​യോ​ഗ​ശേ​ഷ​മു​ള്ള എ​ണ്ണ​യു​ടെ​യും ഗ്രീ​സി​ന്‍റെ​യും മാ​ലി​ന്യ​ങ്ങ​ളി​ൽ​നി​ന്ന്​ പ​രി​സ്ഥി​തി സൗ​ഹൃ​ദ വ​സ്തു​ക്ക​ൾ നി​ർ​മി​ക്കു​ന്ന​തി​നു​ള്ള പ​ദ്ധ​തി​ക്ക്​ രൂ​പം ന​ൽ​കി ഫു​ജൈ​റ മു​നി​സി​പ്പാ​ലി​റ്റി.

ഈ ​രം​ഗ​ത്ത്​ പ്ര​വ​ർ​ത്തി​ക്കു​ന്ന പ്ര​മു​ഖ ക​മ്പ​നി​യാ​യ ബ്ലൂ ​സ​ര്‍ക്കി​ളു​മാ​യി സ​ഹ​ക​രി​ച്ചു​കൊ​ണ്ടാ​ണ് പ​ദ്ധ​തി ന​ട​പ്പാ​ക്കു​ന്ന​ത്.

പ​ദ്ധ​തി​യു​ടെ ഭാ​ഗ​മാ​യി ക​ഴി​ഞ്ഞ മൂ​ന്ന് വ​ർ​ഷ​ത്തി​നു​ള്ളി​ൽ 1,83,185 ലി​റ്റ​ർ എ​ണ്ണ​യും 2,49,948 ട​ൺ ഗ്രീ​സും മു​നി​സി​പ്പാ​ലി​റ്റി ശേ​ഖ​രി​ച്ചു​ക​ഴി​ഞ്ഞു. ഇ​വ സം​സ്ക​രി​ച്ച്​ സോ​പ്പ്, വ​ളം, ജൈ​വ ഇ​ന്ധ​നം തു​ട​ങ്ങി​യ​വ​യാ​യി മാ​റ്റാ​നു​ള്ള പ​ദ്ധ​തി​ക്കാ​ണ്​ രൂ​പം ന​ൽ​കി​യ​ത്. ഇ​തി​നാ​യി ആ​ധു​നി​ക​മാ​യ പ​രി​സ്ഥി​തി അ​നു​കൂ​ല രീ​തി​ക​ൾ ഉ​പ​യോ​ഗ​പ്പെ​ടു​ത്തു​മെ​ന്ന്​ ഫു​ജൈ​റ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ എ​ൻ​ജി​നീ​യ​ർ മു​ഹ​മ്മ​ദ് സെ​യ്ഫ് അ​ൽ അ​ഫ്ഖാം പ​റ​ഞ്ഞു.

എ​ണ്ണ​യും ഗ്രീ​സും സം​സ്ക​രി​ച്ച് സോ​പ് ഉ​ൽ​പാ​ദ​നം, ജൈ​വ ഇ​ന്ധ​ന നി​ർ​മാ​ണം തു​ട​ങ്ങി​യ​വ വ്യ​വ​സാ​യ​ങ്ങ​ളി​ൽ ഉ​പ​യോ​ഗി​ക്കു​ന്ന​തോ​ടൊ​പ്പം സം​സ്ക​രി​ച്ച വെ​ള്ളം കൃ​ഷി ആ​വ​ശ്യ​ത്തി​നു​ള്ള ജ​ല​സേ​ച​ന​ത്തി​നും ഉ​പ​യോ​ഗ്യ​മാ​ക്കും. പൊ​തു​ജ​നാ​രോ​ഗ്യ​വും ഭ​ക്ഷ്യ​സു​ര​ക്ഷ​യും പ്രോ​ത്സാ​ഹി​പ്പി​ക്കു​ക എ​ന്ന ഫു​ജൈ​റ മു​നി​സി​പ്പാ​ലി​റ്റി​യു​ടെ ത​ന്ത്ര​പ​ര​മാ​യ ല​ക്ഷ്യ​ങ്ങ​ൾ കൈ​വ​രി​ക്കു​ക​യാ​ണ് പ​ദ്ധ​തി​യു​ടെ ല​ക്ഷ്യ​മെ​ന്ന്​ അ​ൽ അ​ഫ്​​ഖാം പ​റ​ഞ്ഞു.

അ​ടി​സ്ഥാ​ന സൗ​ക​ര്യ​ങ്ങ​ൾ സം​ര​ക്ഷി​ക്കു​ന്ന​തി​നാ​യു​ള്ള ഏ​റ്റ​വും പ്ര​ധാ​ന​പ്പെ​ട്ട പ​ദ്ധ​തി​ക​ളി​ലൊ​ന്നാ​ണി​ത്.

കാ​ർ​ബ​ണി​ന്‍റെ അ​ള​വ് കു​റ​ക്കു​ന്ന​തി​ലൂ​ടെ അ​ന്ത​രീ​ക്ഷം പാ​രി​സ്ഥി​തി​ക സൗ​ഹൃ​ദ​മാ​ക്കു​ക എ​ന്ന​താ​ണ്​ ല​ക്ഷ്യം.