ഇ​ന്ധ​ന​വി​ല എ​ട്ടു​മാ​സ​ത്തെ കു​റ​ഞ്ഞ നി​ര​ക്കി​ൽ; ചെ​ല​വു​ ​കു​റ​യും

ദു​ബൈ: യു.​എ.​ഇ​യി​ൽ ഇ​ന്ധ​ന​വി​ല കു​റ​ഞ്ഞ്​ എ​ട്ടു​മാ​സ​ത്തെ ഏ​റ്റ​വും കു​റ​ഞ്ഞ നി​ര​ക്കി​ലെ​ത്തി. ക​ഴി​ഞ്ഞ ഫെ​ബ്രു​വ​രി മാ​സ​ത്തി​നു​ശേ​ഷം ഏ​റ്റ​വും കു​റ​ഞ്ഞ നി​ര​ക്ക്​ കാ​ണി​ച്ച മാ​സ​മാ​ണ്​ ഒ​ക്​​ടോ​ബ​ർ. ക​ഴി​ഞ്ഞ​ദി​വ​സം പ്ര​ഖ്യാ​പി​ച്ച നി​ര​ക്ക​നു​സ​രി​ച്ച്​ സൂ​പ്പ​ർ 98 പെ​ട്രോ​ൾ ലി​റ്റ​റി​ന് 3.03 ദി​ർ​ഹ​മാ​ണ്​. സെ​പ്​​റ്റം​ബ​റി​ൽ 3.41 ദി​ർ​ഹ​മാ​യി​രു​ന്നു. മേ​യ്​ മാ​സ​ത്തി​ൽ ആ​രം​ഭി​ച്ച ഇ​ന്ധ​ന വി​ല​വ​ർ​ധ​ന ജൂ​ണി​ലും ജൂ​ലൈ​യി​ലും കു​ത്ത​നെ വ​ർ​ധി​ച്ച​ത്​ ആ​ശ​ങ്ക​ക്കി​ട​യാ​ക്കി​യി​രു​ന്നു.

ജൂ​ലൈ​യി​ൽ സൂ​പ്പ​ർ 98 പെ​ട്രോ​ൾ ലി​റ്റ​റി​ന് 4.63ദി​ർ​ഹം എ​ന്ന സ​ർ​വ​കാ​ല റെ​ക്കോ​ഡി​ലെ​ത്തു​ക​യും ചെ​യ്തു. ഇ​ന്ധ​ന വി​ല​വ​ർ​ധ​ന വി​വി​ധ മേ​ഖ​ല​ക​ളി​ൽ പ്ര​തി​ഫ​ലി​ച്ച​തോ​ടെ സാ​മ്പ​ത്തി​ക ഞെ​രു​ക്കം പ​ല കു​ടും​ബ​ങ്ങ​ളെ​യും പ്ര​യാ​സ​ത്തി​ലാ​ക്കി​യി​രു​ന്നു. എ​ന്നാ​ൽ ആ​ഗ​സ്റ്റ്, സെ​പ്​​റ്റം​ബ​ർ മാ​സ​ങ്ങ​ളി​ൽ നി​ര​ക്ക്​ കു​റ​ഞ്ഞു. സെ​പ്​​റ്റം​ബ​റി​ൽ 3.41ദി​ർ​ഹ​മി​ലെ​ത്തി​യ നി​ര​ക്ക് വീ​ണ്ടും കു​റ​ഞ്ഞ​ത്​ വ​ലി​യ ആ​ശ്വാ​സ​മാ​ണ്​ പ​ക​രു​ന്ന​ത്. മാ​ർ​ച്ച്​ മാ​സ​ത്തെ നി​ര​ക്കാ​യ 3.23ദി​ർ​ഹ​മി​ലും കു​റ​ഞ്ഞ വി​ല​യാ​ണ്​ ഈ​മാ​സം നി​ശ്ച​യി​ച്ചി​രി​ക്കു​ന്ന​ത്. ഇ​തി​ലൂ​ടെ ജൂ​ലൈ മാ​സ​ത്തെ വി​ല​യി​ൽ നി​ന്ന്​ 1.60 ദി​ർ​ഹ​മി​ന്‍റെ കു​റ​വാ​ണു​ണ്ടാ​യി​രി​ക്കു​ന്ന​ത്. ജൂ​​ലൈ​യി​ൽ 4.76 ദി​ർ​ഹ​മാ​യി​രു​ന്ന ഡീ​സ​ൽ വി​ല ഒ​ക്​​ടോ​ബ​റി​ൽ 3.76 ദി​ർ​ഹ​മാ​ണ്. ഒ​രു ദി​ർ​ഹ​മി​ന്‍റെ കു​റ​വാ​ണി​തി​ലു​ണ്ടാ​യ​ത്.

ഇ​ന്ധ​ന​വി​ല കു​റ​ഞ്ഞ​തോ​ടെ ദൈ​നം​ദി​ന​ച്ചെ​ല​വു​ക​ൾ കു​റ​യു​മെ​ന്ന പ്ര​തീ​ക്ഷ​യി​ലാ​ണ്​ പ്ര​വാ​സി​ക​ള​ട​ക്ക​മു​ള്ള​വ​ർ. ടാ​ക്സി നി​ര​ക്കി​ലും ദു​ബൈ, ഷാ​ർ​ജ, അ​ജ്​​മാ​ൻ തു​ട​ങ്ങി​യ സ്​​ഥ​ല​ങ്ങ​ളി​ൽ ആ​നു​പാ​തി​ക​മാ​യ വ​ർ​ധ​ന​വു​ണ്ടാ​യി​രു​ന്നു. എ​ന്നാ​ൽ, പു​തി​യ നി​ര​ക്ക്​ നി​ല​വി​ൽ വ​ന്ന​തോ​ടെ ഇ​വ​യി​ൽ മാ​റ്റ​മു​ണ്ടാ​യി​ട്ടു​ണ്ട്. പെ​ട്രോ​ൾ, ഡീ​സ​ൽ വി​ല​യി​ലെ കു​റ​വ്​ ഭ​ക്ഷ്യ​വ​സ്തു​ക്ക​ളു​ടെ​യും മ​റ്റും വി​ല​യി​ൽ കൂ​ടി പ്ര​തി​ഫ​ലി​ക്കു​മെ​ന്നാ​ണ്​ പ്ര​തീ​ക്ഷി​ക്കു​ന്ന​ത്. ഈ​വ​ർ​ഷം മാ​ർ​ച്ചി​ലാ​ണ്​ ച​രി​​​ത്ര​ത്തി​ൽ ആ​ദ്യ​മാ​യി യു.​എ.​ഇ​യി​ലെ എ​ണ്ണ​വി​ല മൂ​ന്നു​ ദി​ർ​ഹം പി​ന്നി​ട്ട​ത്.