ഒന്നാം ബാച്ച്​ നികുതി ഏജൻറുമാർക്ക്​ എഫ്​.ടി.എ അംഗീകാരം

അബൂദബി: ഒന്നാം ബാച്ച്​ രജിസ്​റ്റേർഡ്​ നികുതി ഏജൻറുമാർക്ക്​ ഫെഡറൽ നികുതി അതോറിറ്റി (എഫ്​.ടി.എ) അംഗീകാരം നൽകി. നിശ്ചിത യോഗ്യതയും നിലവാരവും ഉണ്ടെന്നും നിബന്ധനകൾ പാലിക്കുന്നുണ്ടെന്നും ഉറപ്പുവരുത്തിയ ശേഷമാണ്​ അംഗീകാരം നൽകാൻ അതോറിറ്റി തീരുമാനിച്ചത്​. അതോറിറ്റി നികുതി ഏജൻറുമാർക്കായി പരീക്ഷ നടത്തുകയും ചെയ്​തിരുന്നു.

രാജ്യത്ത്​ വിജയകരമായി നികുതി സംവിധാനം നടപ്പാക്കുന്നതിൽ പ്രധാന പങ്ക്​ വഹിക്കുന്നവരാണ്​ നികുതി ഏജൻറുമാരെന്നും കൃത്യനിർവഹണം ഫലപ്രദമായി നടത്താൻ അവർ ഏറ്റവും പുതിയ അറിവും സമഗ്രമായ പ്രായോഗിക പരിശീലനവും നേടിയിരിക്കണമെന്നും എഫ്​.ടി.എ ഡയറക്​ടർ ജനറൽ ഖാലിദ്​ ആൽ ബുസ്​താനി പറഞ്ഞു. ഉത്തരവാിത്വങ്ങൾ പൂർത്തീകരിക്കുന്നതിനും അവകാശങ്ങൾ അറിയുന്നതിനും ഒരു സ്​ഥാപനത്തെയോ വ്യക്​തിയെയോ സഹായിച്ചുകൊണ്ട്​ എഫ്​.ടി.എക്ക്​ മുമ്പാകെ അവരുടെ പ്രതിനിധിയായി ഏജൻറുമാർക്ക്​ വർത്തിക്കാം. നികുതി ഏജൻറുമാർ എഫ്​.ടി.എയും നികുതിദായകരും തമ്മിലുള്ള ബന്ധം ശക്​തമാക്കും. അംഗീകൃത നികുതി ഏജൻറുമാരുടെ മറ്റൊരു ബാച്ച്​ രജിസ്​റ്റർ ചെയ്യാനുള്ള ​നടപടി ആരംഭിക്കുകയാണെന്നും ഖാലിദ്​ ആൽ ബുസ്​താനി കൂട്ടിച്ചേർത്തു. 
യു.എ.ഇയുടെ ചരിത്രത്തിലെ ആദ്യ നികുതി ഏജൻറുമാരാകാൻ സാധിച്ചതിൽ അംഗീകാരം ലഭിച്ച ഏജൻറുമാർ അഭിമാനം പ്രകടിപ്പിച്ചു. രേഖകൾ കൈകാര്യം ചെയ്യുന്നതിലും നിലവാരം കൃത്യമായി പുലർത്തുന്നതിലും രജിസ്​ട്രേഷൻ^നികുതി റി​േട്ടൺ സമർപ്പിക്കൽ എന്നിവയിൽ തെറ്റുകൾ വരുത്താതിരിക്കാനും പരമാവധി മികച്ച രീതിയിൽ പ്രവർത്തിക്കുമെന്ന്​ അവർ പറഞ്ഞു. 

അംഗീകാരം എങ്ങനെ നേടാം
എഫ്​.ടി.എ അംഗീകാരത്തിന്​ ആദ്യം നിശ്ചിത അപേക്ഷാ​േഫാറത്തിൽ അപേക്ഷ സമർപ്പിക്കണം. 
അപേക്ഷ പരിശോധിച്ച്​ കൂടുതൽ വിവരങ്ങൾ ലഭ്യമാക്കാനോ അഭിമുഖത്തിന്​ ഹാജരാകാനോ എഫ്​.ടി.എ ആവശ്യപ്പെടാം. 
ഇൗ പ്രക്രിയക്ക്​ ശേഷം  15 പ്രവൃത്തിദിവസങ്ങൾക്കകം അപേക്ഷയിൽ തീരുമാനമെടുക്കും. അംഗീകാരത്തിന്​ അനുമതിയായാൽ അഞ്ച്​ പ്രവൃത്തിദിനങ്ങൾക്കകമോ നിശ്ചിത ഫീസ്​ സ്വീകരിച്ച ശേഷം അതോറിറ്റി തീരുമാനിക്കുന്ന മറ്റേതെങ്കിലും തീയതിയിലോ അപേക്ഷ രജിസ്​റ്റർ ചെയ്യും. 
രജിസ്​ട്രേഷൻ നിബന്ധനകൾ പാലിക്കുന്നതിൽ വീഴ്​ച വരുത്തുകയോ യു.എ.ഇ നികുതി സംവിധാനത്തി​​​െൻറ സമ്പൂർണതയിൽ വിട്ടുവീഴ്​ച ചെയ്യുകയോ ചെയ്​താൽ അതോറിറ്റി അപേക്ഷ റദ്ദാക്കും.

എഫ്​.ടി.എ അംഗീകാരത്തിനുള്ള യോഗ്യതകൾ
അബൂദബി: നികുതി ഏജൻറുമാരായി അംഗീകരിക്കാൻ ഏഴ്​ നിർബന്ധ യോഗ്യതകളാണ്​ എഫ്​.ടി.എ മുന്നോട്ട്​ വെക്കുന്നത്​.
1. അംഗീകൃത വിദ്യാഭ്യാസ സ്​ഥാപനത്തിൽനിന്ന്​ നികുതി, അക്കൗണ്ടിങ്​, നിയമം എന്നിവയിലേതിലെങ്കിലും ബിരുദമോ ബിരുദാനന്തര ബിരുദമോ. അല്ലെങ്കിൽ മറ്റേതെങ്കിലും വിഷയത്തിൽ ബിരുദവും നികുതിയിൽ സ്​പെഷലൈസ്​ ചെയ്​ത അന്താരാഷ്​ട്ര അസോസിയേഷനിൽനിന്നുള്ള അംഗീകൃത സർട്ടിഫിക്കറ്റും.
2. നികുതി വ്യവസ്​ഥ, അക്കൗണ്ടിങ്​, നിയമം എന്നിവയിലേതിലെങ്കിലും കുറഞ്ഞത്​ മൂന്ന്​ വർഷത്തെ പ്രവൃത്തിപരിചയം.
3. അറബി, ഇംഗ്ലീഷ്​ ഭാഷകളിൽ പ്രാഗൽഭ്യം
4. തൊഴിൽജാമ്യ ഇൻഷുറൻസ്​
5 ജോലി ചെയ്യാനുള്ള ശാരീരികക്ഷമത
6. അംഗീകൃത അതോറിറ്റിയുടെ ലൈസൻസുള്ള ലീഗൽ പേഴ്​സനിൽനിന്നുള്ള പരിശീലനം
7. മികച്ച സ്വഭാവം. ഏതെങ്കിലും ക്രിമിനൽ കേസുകളിലോ ദുര്‍നടപടികളിലോ ശിക്ഷിക്കപ്പെട്ടവരാകരുത്​.