ലൈംഗിക ശക്​തി മരുന്നു തട്ടിപ്പിനെതിരെ മുന്നറിയിപ്പുമായി ആരോഗ്യ മ​ന്ത്രാലയം

അബൂദബി: ലൈംഗിക ശക്​തി വർധനക്കുള്ള അത്​ഭുത മരുന്നുകൾ എന്ന പേരിൽ വിൽക്കപ്പെടുന്ന തട്ടിപ്പ്​ ഉൽപന്നങ്ങൾക്കെതിരെ മുന്നറിയിപ്പുമായി ആരോഗ്യ-രോഗപ്രതിരോധ മന്ത്രാലയം. ചേരുവകൾ എന്തെന്ന്​ വ്യക്​തമാക്കാതെ വിൽക്കുന്ന ഇൗ വ്യാജ മരുന്നുകൾ ഹ​ൃ​േ​ദ്രാഗം, പ്രമേഹം തുടങ്ങിയ അസുഖങ്ങളുള്ള ആളുകൾക്ക്​ ഗുരുതര പ്രത്യാഘാതങ്ങളുണ്ടാക്കുമെന്ന്​ മന്ത്രാലയത്തിനു കീഴിലെ പൊതുജനാരോഗ്യ നയ^ലൈസൻസിംഗ്​ വിഭാഗം അസി. അണ്ടർ സെക്രട്ടറി ഡോ. അമീൻ ഹുസൈൻ അൽ അമീറി വ്യക്​തമാക്കി.

വ്യാജ വാഗ്​ദാനങ്ങൾ നൽകി ലാഭം കൊയ്യാൻ ശ്രമിക്കുന്ന കമ്പനികൾക്കും തട്ടിപ്പുകാർക്കുമെതിരെ നടപടി കൈക്കൊളളും. ഇത്തരം തട്ടിപ്പ്​ ഉൽപന്നങ്ങൾ ജീവിതം തന്നെ അപകടത്തിലാക്കും. മന്ത്രാലയത്തി​​​െൻറ മരുന്ന്​ വിഭാഗത്തിൽ രജിസ്​റ്റർ ചെയ്യാത്ത മരുന്നുകൾ ഇറക്കുമതി ചെയ്യാനോ വിപണിയിൽ പ്രചരിപ്പിക്കാനോ അനുവദനീയമല്ല. 

ഇത്തരം മരുന്നുകൾ ഇറക്കുമതി ചെയ്യുകയോ സൂക്ഷിക്കുകയോ വിൽക്കുകയോ ചെയ്യുന്നതായി വിവരം ലഭിച്ചാൽ ഇക്കാര്യം അധികൃതരെ അറിയിക്കണം. 
അതിനിടെ ലൈംഗിക ശേഷി വർധിപ്പിക്കുമെന്ന വ്യാജവാഗ്​ദാനത്തോടെ മാൻ ഒഫ്​ സ്​റ്റീൽ, സൂപ്പർപാന്തർ, മാച്ചോ മാൻഏ ലൗ സെൻ,മോൺസ്​റ്റർ, ട്രിപ്പിൾ ​​ പ്രീമിയം , ഒാൺ ദ നൈറ്റ്​ തുടങ്ങിയ പേരുകളിൽ വിൽക്കപ്പെടുന്ന ഉൽപന്നങ്ങളിൽ കടുത്ത പാർശ്വഫലങ്ങളുള്ള തദലാഫിലും സിൽഡനാഫിലും  അടങ്ങിയിട്ടു​ണ്ടെന്ന്​ യു.എസ്​ ഭക്ഷ്യ^ഒൗഷധ അഡ്​മിനിസ്​ട്രേഷൻ (എഫ്​.ഡി.എ) മുന്നറിയിപ്പു നൽകി.   

മരുന്നുകൾ സംബന്ധിച്ച്​ പരാതികളും പാർശ്വഫലങ്ങൾ സംബന്ധിച്ച വിവരങ്ങളും www.cpd-pharma.ae എന്ന വെബ്​സൈറ്റ്​ മുഖേന അറിയിക്കണം. ടോൾ ഫ്രീ നമ്പറായ 80011111എന്ന ടോൾഫ്രീ നമ്പറിലോ 02-3201448 എന്ന ഒഫീസ്​ നമ്പറിലോ  pv@moh.gov.ae  എന്ന ഇ മെയിൽ മുഖേനയോ മന്ത്രാലയത്തിൽ വിവരങ്ങൾ നൽകാം.