ഫ്രീ​ലാ​ൻ​സ് പ്ര​ഫ​ഷ​ന​ൽ​സ് ലൈ​സ​ൻ​സ്​: 11 വാ​ണി​ജ്യ പ്ര​വ​ർ​ത്ത​ന​ങ്ങ​ൾ​ കൂടി ഉ​ൾ​പ്പെ​ടു​ത്തി

അ​ബൂ​ദ​ബി: പൗ​ര​ന്മാ​ർ‌​ക്കും താ​മ​സ​ക്കാ​ർ​ക്കും അ​ല്ലാ​ത്ത​വ​ർ​ക്കും ലോ​ക​ത്തി​െൻറ ഏ​തു​ഭാ​​ഗ​ത്തി​രു​ന്നും അ​ബൂ​ദ​ബി​യി​ൽ വാ​ണി​ജ്യ പ്ര​വ​ർ​ത്ത​ന​ങ്ങ​ൾ ന​ട​ത്തു​ന്ന​തി​ന് അ​നു​വാ​ദം ന​ൽ​കു​ന്ന ഫ്രീ​ലാ​ൻ​സ് പ്ര​ഫ​ഷ​ന​ൽ ലൈ​സ​ൻ​സി​ൽ പു​തി​യ 11 വാ​ണി​ജ്യ പ്ര​വ​ർ​ത്ത​ന​ങ്ങ​ൾ​ക്കൂ​ടി സാ​മ്പ​ത്തി​ക വി​ക​സ​ന മ​ന്ത്രാ​ല​യം കൂ​ട്ടി​ച്ചേ​ർ​ത്തു. ഏ​കാം​​ഗ ഉ​ട​മ​ത്വ ക​മ്പ​നി​ക​ൾ​ക്കാ​ണ് ഈ ​അ​നു​മ​തി ല​ഭി​ക്കു​ക. അ​ക്കൗ​ണ്ടി​ങ്, ഓ​ഡി​റ്റി​ങ്, അ​ന​ലൈ​സി​ങ്, റി​വ്യൂ​വി​ങ്, അ​ക്കൗ​ണ്ടി​ങ് ആ​ൻ​ഡ്​​ ഓ​ഡി​റ്റി​ങ് സി​സ്​​റ്റം​സ് തു​ട​ങ്ങി​യ​വ​യു​മാ​യി ബ​ന്ധ​പ്പെ​ട്ട പ്ര​വ​ർ​ത്ത​ന​ങ്ങ​ൾ, ഇ​സ്​​ലാ​മി​ക് ധ​ന​കാ​ര്യ സ്ഥാ​പ​ന​ങ്ങ​ൾ​ക്കു​വേ​ണ്ടി​യു​ള്ള ശ​രീ​അ​ത്ത് റി​വ്യൂ ക​ൺ​സ​ൾ​ട്ട​ൻ​സി​ക​ൾ, ടാ​ക്​​സു​മാ​യി ബ​ന്ധ​പ്പെ​ട്ട ക​ൺ​സ​ൾ​ട്ട​ൻ​സി​ക​ൾ, ഇ​ല​ക്ട്രോ​ണി​ക്​​സ്​ നെ​റ്റ് വ​ർ​ക്​​സ്, ഇ​ല​ക്ട്രോ​ണി​ക് സെ​ക്യൂ​രി​റ്റി, ഇ​ന്നോ​വേ​ഷ​ൻ, ആ​ർ​ട്ടി​ഫി​ഷ്യ​ൽ ഇ​ൻ​റ​ലി​ജ​ൻ​സ്, വി​വ​ര സാ​ങ്കേ​തി​ക ശൃം​ഖ​ല സേ​വ​ന​ങ്ങ​ൾ, ഇ​ല​ക്ട്രോ​ണി​ക് ചി​പ്പു​ക​ളു​ടെ രൂ​പ​ക​ൽ​പ​ന​യും പ്രോ​​ഗ്രാ​മി​ങ്ങും, ഡാ​റ്റാ​ബേ​സ് സം​വി​ധാ​ന​ങ്ങ​ളു​ടെ രൂ​പ​ക​ൽ​പ​ന, ഇ​ല​ക്ട്രോ​ണി​ക് റി​സ്​​ക്​ മാ​നേ​ജ്മെൻറ്​ സേ​വ​ന​ങ്ങ​ൾ മു​ത​ല​യാ​വ​യാ​ണ് ഫ്രീ​ലാ​ൻ​സ് ഫ്ര​ഫ​ഷ​ന​ൽ ലൈ​സ​ൻ​സി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

പു​തി​യ ന​ട​പ​ടി​യി​ലൂ​ടെ സാ​ങ്കേ​തി​ക തൊ​ഴി​ൽ അ​വ​സ​ര​ങ്ങ​ൾ വ​ർ​ധി​ക്കു​ക​യും ഇ​തി​ലൂ​ടെ അ​ബൂ​ദ​ബി​യി​ൽ ബി​സി​ന​സ് സാ​ഹ​ച​ര്യ​ങ്ങ​ളെ ശ​ക്തി​പ്പെ​ടു​ത്താ​ൻ ക​ഴി​യു​മെ​ന്നും വ​കു​പ്പ് അ​ണ്ട​ർ സെ​ക്ര​ട്ട​റി റാ​ശി​ദ് അ​ബ്​​ദു​ൽ​ക​രീം അ​ൽ ബ​ലൂ​ഷി അ​റി​യി​ച്ചു. ഫ്രീ​ലാ​ൻ​സ് പ്ര​ഫ​ഷ​ന​ൽ ലൈ​സ​ൻ​സ് പ്ര​ഖ്യാ​പി​ച്ച​ത്​ മു​ത​ൽ ഇ​തു​വ​രെ 1784 ലൈ​സ​ൻ​സു​ക​ൾ ന​ൽ​കി​യ​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു. പു​തി​യ ഫ്രീ​ലാ​ൻ​സ് ലൈ​സ​ൻ​സ് അ​ബൂ​ദ​ബി സാ​മ്പ​ത്തി​ക​വ്യ​സ്ഥ​യെ അ​നു​കൂ​ല​മാ​യി സ്വാ​ധീ​നി​ക്കു​ന്ന​തി​നു​പു​റ​മെ വി​ദൂ​ര​ത്തി​രു​ന്നും വ​രു​മാ​ന​മു​ണ്ടാ​ക്കാ​ൻ വ്യ​ക്തി​ക​ൾ​ക്ക് അ​വ​സ​രം ല​ഭി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

നി​ർ​ദി​ഷ്​​ട മേ​ഖ​ല​യി​ൽ കു​റ​ഞ്ഞ​ത് മൂ​ന്നു​വ​ർ​ഷം അ​നു​ഭ​വ​പ​രി​ച​യ​മു​ള്ള​വ​ർ​ക്കോ അ​ക്കാ​ദ​മി​ക്, പ്ര​ഫ​ഷ​ന​ൽ നേ​ട്ട​മോ കൈ​വ​രി​ച്ച​വ​ർ​ക്കാ​ണ് ഫ്രീ​ലാ​ൻ​സ് ലൈ​സ​ൻ​സി​ന് അ​പേ​ക്ഷി​ക്കാ​ൻ ക​ഴി​യു​ക. ലൈ​സ​ൻ​സ് ല​ഭി​ക്കു​ന്ന​വ​ർ​ക്കും കു​ടും​ബ​ത്തി​നും റെ​സി​ഡ​ൻ​റ്​ വി​സ​യും ല​ഭി​ക്കും. www.adbc.gov.ae എ​ന്ന വെ​ബ്സൈ​റ്റ് സ​ന്ദ​ർ​ശി​ച്ചാ​ൽ കൂ​ടു​ത​ൽ വി​വ​ര​ങ്ങ​ൾ ല​ഭ്യ​മാ​ണ്.