സന്തോഷ ദിനത്തിൽ 100 വിനോദസഞ്ചാരികൾക്ക്​ സൗജന്യ ടാക്​സി യാത്ര

ദുബൈ: അന്താരാഷ്​ട്ര സന്തോഷദിനം ആചരിക്കുന്ന മാർച്ച്​ 20ന്​ ദുബൈ വിമാനത്താവളത്തിലെത്തുന്ന വിനോദസഞ്ചാരികളായ 100 ഭാഗ്യശാലികൾക്ക്​ റോഡ്​^ഗതാഗത അതോറിറ്റി (ആർ.ടി.എ) സൗജന്യ ടാക്​സി യാത്ര ലഭ്യമാക്കും. കൂടാതെ ഹപ്പിനസ്​ ബസുകളിൽ സൗജന്യ ടൂറും ആസ്വദിക്കാം. പൊതു ഗതാഗത സംവിധാനങ്ങളിലെ യാത്രക്കാർ, ജീവനക്കാർ, ബസ്​ ഡ്രൈവർമാർ, പരിശോധകർ എന്നിവർക്ക്​ സമ്മാനവും ആർ.ടി.എ നൽകും. വിവിധ മത്സരങ്ങളും സംഘടിപ്പിക്കും. ജനങ്ങളിലേക്ക്​ സന്തോഷമെത്തിക്കുന്നതിന്​ ആർ.ടിഎ പ്രതിജ്ഞാബദ്ധമാണെന്ന്​ ഡയറക്​ടർ ജനറലും എക്​സിക്യൂട്ടീവ്​ ഡയറക്​ടർ ബോർഡ്​ ചെയർമാനുമായ മതാർ ആൽ തായർ പറഞ്ഞു.

ഹത്ത ഡാമിൽ സൗജന്യ ജലയാത്ര, ​േഗ്ലാബൽ വില്ലേജ്​, ലാമെർ, ദുബൈ പാർകസ്​^റിസോർട്ടസ്​ തുടങ്ങിയ പ്രധാന വിനോദസഞ്ചാര കേന്ദ്രങ്ങളിലേക്ക്​ ഹാപ്പിനസ്​ ബസുകളിൽ സൗജന്യ യാത്ര എന്നിവ ഇതി​​​െൻറ ഭാഗമായി ഒരുക്കും. സ്​മാർട്ട്​ ദുബൈ ഒാഫിസുമായി ചേർന്ന്​ നിശ്ചിത സൗജന്യ നോൽ കാർഡുകൾ മെട്രോ, ട്രാം, ബസ്​, വിമാനത്താവളത്തിലെ ടാക്​സി എന്നിവയിൽ വിതരണം ചെയ്യുമെന്ന്​ കോർപറേറ്റ്​ അഡ്​മിനിസ്​ട്രേറ്റീവ്​ സപ്പോർട്ട്​ സർവിസ്​ സെക്​ടർ സി.ഇ.ഒ യൂസുഫ്​ ആൽ റിദ വ്യക്​തമാക്കി. ബസുകളും ടാക്​സികളും സന്തോഷദിന ലോഗോ പതിച്ച്​ അലങ്കരിക്കുമെന്നും അദ്ദേഹം കൂട്ടിച്ചേർത്തു.