പെരുന്നാൾ ആഘോഷ നാളിൽ സൗജന്യ  പാർക്കിങ്​; ​മെട്രോയും ബസും കൂടുതൽ നേരം 

ദുബൈ: ബലി പെരുന്നാൾ ആഘോഷവേളയിൽ സൗജന്യ പാർക്കിങും കൂടുതൽ നേരം മെട്രോ^ബസ്​ സൗകര്യങ്ങളുമൊരുക്കി റോഡ്​ ഗതാഗത അതോറിറ്റി. ബഹുനില പാർക്കിങ്​ ലോട്ടുകൾ ഒഴികെയുള്ള പാർക്കിങ്​ മേഖലകളിലെല്ലാം ആഗസ്​റ്റ്​ 31(വ്യാഴാഴ്​ച),  സെപ്​റ്റംബർ ഒന്ന്​, രണ്ട്​്​, മൂന്ന്​ തീയതികളിൽ വാഹനങ്ങൾ സൗജന്യമായി നിർത്തിയിടാം. സെപ്​റ്റംബർ നാല്​ (തിങ്കളാഴ്​ച) മുതൽ പാർക്കിങ്​ ഫീസ്​ നൽകേണ്ടി വരും. ഉപഭോക്​തൃ കേന്ദ്രങ്ങൾ  ആഗസ്​റ്റ്​ 31 മുതൽ സെപ്​റ്റംബർ മൂന്നു വരെ അവധിയായിരിക്കും. നാലാം തീയതി മുതൽ പ്രവർത്തനങ്ങൾ പുനരാരംഭിക്കുമെന്ന്​ ആർ.ടി.എ സി.ഇ.ഒ യൂസുഫ്​ അൽ റിദ വ്യക്​തമാക്കി. 
വാഹന ടെസ്​റ്റിങ്​, റജിസ്​ട്രേഷൻ സേവനങ്ങൾക്ക്​ ആഗസ്​റ്റ്​ 31 മുതൽ അവധിയായിരിക്കും. സെപ്​റ്റംബർ നാലു മുതൽ സർവീസ്​ പുനരാരംഭിക്കും.  
​െ​മട്രോ സേവനം കൂടുതൽ നേരം
ആഗസ്​റ്റ്​ 31ന്​ പുലർച്ചെ 5.30നാരംഭിക്കുന്ന മെട്രോ ഒന്നാം തീയതി പുലർച്ചെ രണ്ടു മണിവരെ ഒാടും. പെരുന്നാൾ ദിനം വെള്ളിയാഴ്​ചയാകയാൽ രാവിലെ 10 മണിക്കാണ്​ മെട്രോ ഒാടിത്തുടങ്ങുക. പിറ്റേന്ന്​ പുലർച്ചെ രണ്ടു മണി വരെയാണ്​ സർവീസ്​. സെപ്​റ്റംബർ രണ്ട്​, മൂന്ന്​ തീയതികളിലും പുലർച്ചെ അഞ്ചര മുതൽ പിറ്റേ ദിവസം പുലർച്ചെ രണ്ടുവരെ സർവീസ്​ തുടരും. ​ഗ്രീൻ ലൈനിലെ മെട്രോ ട്രെയിനുകൾ പുലർച്ചെ 5.50നാണ്​ ഒാടിത്തുടങ്ങുക. 
റാശിദീയ, മാൾ ഒഫ്​ എമിറേറ്റ്​സ്​, ഇബ്​നു ബത്തൂത്ത, ബുർജ്​ ഖലീഫ, അബൂഹൈൽ, ഇത്തിസലാത്ത്​ സ്​റ്റേഷനുകൾക്ക്​ സമീപത്തെ ഫീഡർ ബസുകളും പുലർച്ചെ അഞ്ചു മുതൽ പിറ്റേനാൾ 2.10 വരെ ഒാടും.  
ദുബൈ ട്രാമും കൂടുതൽ നേരം
ആഗസ്​റ്റ്​ 31ന്​ പുലർച്ചെ 6.30നാരംഭിക്കുന്ന ട്രാം സർവീസ്​  ഒന്നാം തീയതി പുലർച്ചെ ഒരു മണിവരെ തുടരും. പെരുന്നാൾ ദിനം വെള്ളിയാഴ്​ചയാകയാൽ രാവിലെ ഒമ്പതു മണിക്കാണ്​ മെട്രോ ഒാടിത്തുടങ്ങുക. പിറ്റേന്ന്​ പുലർച്ചെ ഒരു മണി വരെയാണ്​ സർവീസ്​. സെപ്​റ്റംബർ രണ്ട്​, മൂന്ന്​ തീയതികളിലും പുലർച്ചെ ആറര മുതൽ പിറ്റേ ദിവസം പുലർച്ചെ ഒരു മണി വരെ സർവീസ്​ തുടരും. 
ബസ്​ സർവീസ്​ ഇങ്ങിനെ: 
ഗോൾഡ്​ സൂഖ്​, ഗുബൈബ, ഖിസൈസ്​, ജബൽ അലി എന്നീ  ബസ്​ സ്​റ്റേഷനുകൾ പുലർച്ചെ അഞ്ചു മുതൽ രാത്രി 12 മണിവരെ പ്രവർത്തിക്കും.  സത്​വ സ്​റ്റേഷൻ പുലർച്ചെ അഞ്ച​ു മുതൽ രാത്രി 11.45 വരെ പ്രവർത്തിക്കും. 
 ഗുബൈബ പോലുള്ള പ്രധാന സ്​റ്റേഷനുകളിൽ നിന്ന്​ ഷാർജയിലേക്ക്​ 24 മണിക്കൂർ ബസ്​ സർവീസ്​ ഉണ്ടാവും. അബൂദബിയിലേക്ക്​ പുലർച്ചെ നാലര മുതൽ രാത്രി 12മണിവരെയാണ്​ ബസ്​ സർവീസ്​. യൂനിയൻ സ്​റ്റേഷനിൽ നിന്ന്​ പുലർച്ചെ നാലര മുതൽ പിറ്റേ നാൾ 1.25 വരെയാണ്​ സർവീസ്​. സബ്​ക്കയിൽ നിന്ന്​ പുലർച്ചെ ആറേ കാൽ മുതൽ പുലർച്ചെ ഒന്നര വരെയും ദേര സിറ്റി സ​​െൻറർ സ്​റ്റേഷനിൽ നിന്ന്​  5:35 മുതൽ രാത്രി 11:30 വരെയും കറാമയിൽ നിന്ന്​ രാവിലെ 6.10 മുതൽ രാത്രി 10.20 വരെയും അൽ അഹ്​ലി ക്ലബ്​ സ്​റ്റേഷനിൽ നിന്ന്​ പുലർച്ചെ 5.55 മുതൽ രാത്രി 10.15 വരെയുമാണ്​ സർവീസ്​. 
ഷാർജ അൽ താവൂൻ റൂട്ടിൽ പുലർച്ചെ അഞ്ചര മുതൽ രാത്രി പത്തു വരെ, അജ്​മാൻ റൂട്ടിൽ പുലർച്ചെ 4.27 മുതൽ രാത്രി 11വരെ, ഫുജൈറ, ഹത്ത  റൂട്ടുകളിൽ പുലർച്ചെ അഞ്ചര മുതൽ രാത്രി ഒമ്പതര വരെയും ബസ്​ ഒാടും.  
ജല ഗതാഗത സമയക്രമം ഇങ്ങിനെ
മറീന സ്​റ്റേഷനിൽ നിന്ന്​ വാട്ടർ ബസ്​ ഉച്ചക്ക്​ 12മുതൽ അർധ രാത്രി 12 വരെയും വാട്ടർ ടാക്​സി രാവിലെ ഒമ്പതു മുതൽ രാത്രി 10 വരെയും സർവീസ്​ നടത്തും.
ഗുബൈബ, മറീന സ്​റ്റേഷനുകളിൽ നിന്ന്​ ദുബൈ ഫെറി ദിവസേന അഞ്ച്​ സർവീസ്​ നടത്തും. രാവിലെ 11, ഉച്ച 1.00, 3.00, 5.00,6.30 എന്നീ സമയങ്ങളിലാണ്​ സർവീസ്​. അൽ ജദ്ദാഫിൽ നിന്ന്​ ദുബൈ കനാൽ സ്​റ്റേഷനിലേക്ക്​ ദിവസേന മൂന്ന്​ സർവീസ്​ വീതമുണ്ടാവും. രാവിലെ പത്തു മണി, ഉച്ചക്ക്​ 12, വൈകീട്ട്​ അഞ്ചര എന്നിങ്ങനെയാണ്​ സമയം. 
ദുബൈ കനാലിൽ നിന്ന്​ ജദ്ദാഫിലേക്ക്​ ഉച്ചക്ക്​ 12.05, 2.05, രാത്രി 7.35 എന്നിങ്ങനെ മൂന്ന്​ സർവീസ്​. ശൈഖ്​ സായിദ്​ സ്​റ്റേഷനിൽ നിന്ന്​ രാവിലെ ആറു മുതൽ അർധ രാത്രി 12 വരെ ട്രിപ്പുകളുണ്ടാവും. 
 വൈദ്യുത അബ്രകൾ ബുർജ്​ ഖലീഫയിൽ രാവിലെ ആറു മുതൽ രാത്രി 11.30 വരെയും, ജദ്ദാഫിലും ബനിയാസിലും വൈകീട്ട്​ നാലു മുതൽ 11.00 വരെ, മംസാറിൽ ഉച്ചക്ക്​ രണ്ട്​ മുതൽ രാത്രി 12വരെ, എ.സി അബ്രകൾ ജദ്ദാഫിലും ഫെസ്​റ്റിവൽ സിറ്റിയിലും നിന്ന്​ രാവിലെ ഏഴു മുതൽ അർധരാത്രി 12 വരെ സർവീസ്​ നടത്തും. 
 പരമ്പരാഗത അബ്രകൾ ദുബൈ ക്രീക്കിൽ (ബനിയാസ്​, ഒാൾഡ്​ സൂഖ്​) നിന്ന്​ സെപ്​റ്റംബർഒന്നിന്​ അർധരാത്രി 12 മുതൽ പിറ്റേന്ന്​ രാത്രി 12 വരെ സർവീസ്​ നടത്തും. ശൈഖ്​ സായിദ്​ റോഡ്​ സ്​റ്റേഷനിൽ നിന്ന്​ വൈകീട്ട്​ നാലു മുതൽ രാത്രി 11.30 വരെയാണ്​ സർവീസ്​.