ഷാ​ർ​ജ മ്യൂ​സി​യ​ങ്ങ​ളി​ൽ ഇ​ന്ന്​ പ്ര​വേ​ശ​നം സൗ​ജ​ന്യം

ഷാ​ർ​ജ: അ​ന്താ​രാ​ഷ്ട്ര മ്യൂ​സി​യം ദി​ന​ത്തോ​ട​നു​ബ​ന്ധി​ച്ച് മേ​യ് 18 ഞാ​യ​റാ​ഴ്ച ഷാ​ർ​ജ മ്യൂ​സി​യം​സ് അ​തോ​റി​റ്റി​യു​ടെ കീ​ഴി​ലെ എ​ല്ലാ മ്യൂ​സി​യ​ങ്ങ​ളി​ലേ​ക്കും സൗ​ജ​ന്യ പ്ര​വേ​ശ​നം പ്ര​ഖ്യാ​പി​ച്ചു. മെ​യ് 15 മു​ത​ൽ 22 വ​രെ ന​ട​ക്കു​ന്ന വി​വി​ധ പ​രി​പാ​ടി​ക​ളും അ​തോ​റി​റ്റി ദി​നാ​ച​ര​ണ​ത്തി​ന്‍റെ ഭാ​ഗ​മാ​യി സം​ഘ​ടി​പ്പി​ക്കു​ന്നു​ണ്ട്.

‘വേ​ഗ​ത്തി​ൽ മാ​റി​ക്കൊ​ണ്ടി​രി​ക്കു​ന്ന സ​മൂ​ഹ​ങ്ങ​ളി​ലെ മ്യൂ​സി​യ​ങ്ങ​ളു​ടെ ഭാ​വി’ എ​ന്ന പ്ര​മേ​യ​ത്തി​ലാ​ണ് ഈ ​വ​ർ​ഷ​ത്തെ അ​ന്താ​രാ​ഷ്ട്ര മ്യൂ​സി​യം ദി​നം ആ​ച​രി​ക്കു​ന്ന​ത്. ഭാ​വി​ത​ല​മു​റ​യു​ടെ പ്ര​തീ​ക്ഷ​ക​ൾ നി​റ​വേ​റ്റു​ന്ന​തി​നും നി​ല​വി​ലു​ള്ള ഡി​ജി​റ്റ​ൽ, സാ​മൂ​ഹി​ക മാ​റ്റ​ങ്ങ​ൾ​ക്ക് വ​ഴി​യൊ​രു​ക്കു​ന്ന​തി​നും മ്യൂ​സി​യ​ങ്ങ​ളെ സ​ജ്ജ​മാ​ക്കേ​ണ്ട​തി​ന്റെ പ്രാ​ധാ​ന്യ​മാ​ണ്​ ഈ ​പ്ര​മേ​യ​ത്തി​ലൂ​ടെ പ​ങ്കു​​വെ​ക്കു​ന്ന​ത്. സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ൾ​ക്കും അ​റി​വ്, സ്വ​ത്വം, സാം​സ്കാ​രി​ക അ​വ​ബോ​ധം എ​ന്നി​വ പ​ക​ർ​ന്നു​ന​ൽ​കു​ന്ന സു​പ്ര​ധാ​ന കേ​ന്ദ്ര​ങ്ങ​ളാ​യി മ്യൂ​സി​യ​ങ്ങ​ളെ വീ​ക്ഷി​ക്കു​ന്ന സു​പ്രീം കൗ​ൺ​സി​ൽ അം​ഗ​വും ഷാ​ർ​ജ ഭ​ര​ണാ​ധി​കാ​രി​യു​മാ​യ ശൈ​ഖ്​ ഡോ. ​സു​ൽ​ത്താ​ൻ ബി​ൻ മു​ഹ​മ്മ​ദ് അ​ൽ ഖാ​സി​മി​യു​ടെ കാ​ഴ്ച​പ്പാ​ടു​മാ​യി യോ​ജി​ക്കു​ന്ന​താ​ണ്​ പ്ര​മേ​യം.

അ​ന്താ​രാ​ഷ്ട്ര മ്യൂ​സി​യം ദി​നാ​ഘോ​ഷ​ത്തി​ന്റെ ഭാ​ഗ​മാ​യി, ഷാ​ർ​ജ മ്യൂ​സി​യം​സ് അ​തോ​റി​റ്റി ഞാ​യ​റാ​ഴ്ച മു​ത​ൽ മേ​യ്​ 20 വ​രെ തു​ട​ർ​ച്ച​യാ​യി മൂ​ന്ന് രാ​ത്രി​ക​ളി​ൽ അ​തി​ന്റെ ലാ​ൻ​ഡ്‌​മാ​ർ​ക്ക് കെ​ട്ടി​ട​ങ്ങ​ളു​ടെ ചി​ല ഭാ​ഗ​ങ്ങ​ൾ അ​ല​ങ്ക​രി​ക്കും. എ​സ്‌.​എം‌.​എ​യു​ടെ ആ​സ്ഥാ​നം, ഷാ​ർ​ജ പു​രാ​വ​സ്തു മ്യൂ​സി​യം, ഷാ​ർ​ജ ഫോ​ർ​ട്ട്, ഷാ​ർ​ജ ആ​ർ​ട്ട് മ്യൂ​സി​യം, റെ​സി​സ്റ്റ​ൻ​സ് സ്മാ​ര​കം എ​ന്നി​വ ഇ​തി​ൽ ഉ​ൾ​പ്പെ​ടും.