വ്യാ​ജ ട്രേ​ഡി​ങ്​ പ്ലാ​റ്റ്​​ഫോം വ​ഴി ത​ട്ടി​പ്പ്; 42,000 ദി​ർ​ഹം ന​ഷ്ട​മാ​യി

ദു​ബൈ: വ്യാ​ജ ട്രേ​ഡി​ങ്​ പ്ലാ​റ്റ്​​ഫോ​മി​ന്‍റെ ത​ട്ടി​പ്പി​ൽ അ​ക​പ്പെ​ട്ട്​ ഒ​രാ​ൾ​ക്ക്​ 42,000 ദി​ർ​ഹം ന​ഷ്ട​മാ​യി. യു.​എ.​ഇ ആ​ഭ്യ​ന്ത​ര​മ​ന്ത്രാ​ല​യം ബോ​ധ​വ​ത്ക​ര​ണ കാ​മ്പ​യി​നി​ന്‍റെ ഭാ​ഗ​മാ​യാ​ണ്​ ത​ട്ടി​പ്പ്​ സം​ബ​ന്ധി​ച്ച വി​വ​രം പു​റ​ത്തു​വി​ട്ട​ത്. വ​രു​മാ​നം വ​ർ​ധി​പ്പി​ക്കാ​ൻ എ​ളു​പ്പ​വ​ഴി എ​ന്ന പേ​രി​ൽ സ​മൂ​ഹ​മാ​ധ്യ​മം വ​ഴി​യാ​ണ്​ ഇ​ര​യാ​യ വ്യ​ക്തി​ക്ക്​ ആ​ദ്യ​മാ​യി സ​ന്ദേ​ശം ല​ഭി​ക്കു​ന്ന​ത്. മു​ഴു​സ​മ​യ ജോ​ലി ഉ​പേ​ക്ഷി​ക്കാ​തെ​ത​ന്നെ പ​ണം സ​മ്പാ​ദി​ക്കാ​നു​ള്ള വ​ഴി​യാ​ണി​തെ​ന്ന്​ ഇ​വ​ർ വി​ശ്വ​സി​പ്പി​ക്കു​ക​യാ​യി​രു​ന്നു. സു​ര​ക്ഷി​ത​മാ​യ ട്രേ​ഡി​ങ്​ പ്ലാ​റ്റ്​​ഫോ​മാ​ണെ​ന്നാ​ണ്​ അ​വ​കാ​ശ​പ്പെ​ട്ടി​രു​ന്ന​ത്.

ഓ​രോ ദി​വ​സ​വും 100 ദി​ർ​ഹം മു​ത​ൽ 325 ദി​ർ​ഹം വ​രെ സ​മ്പാ​ദി​ക്കാ​നു​ള്ള അ​വ​സ​ര​മു​ണ്ടെ​ന്നും വി​ശ്വ​സി​പ്പി​ച്ചു. തു​ട​ക്ക​ത്തി​ൽ ചെ​റി​യ തു​ക നി​ക്ഷേ​പി​ച്ച്​ ചെ​റി​യ ലാ​ഭം കി​ട്ടി​ത്തു​ട​ങ്ങി. തു​ട​ർ​ന്ന്​ ഈ ​തു​ക വ​ർ​ധി​പ്പി​ച്ച്​ 42,000 ദി​ർ​ഹം വെ​ർ​ച്വ​ൽ ബാ​ല​ൻ​സ്​ ല​ഭി​ക്കു​ന്ന സാ​ഹ​ച​ര്യ​മു​ണ്ടാ​യി. എ​ന്നാ​ൽ, ഇ​ത്​ പി​ൻ​വ​ലി​ക്കാ​ൻ ശ്ര​മി​ച്ച​പ്പോ​ൾ സാ​​ങ്കേ​തി​ക പ്ര​ശ്ന​മു​ണ്ടെ​ന്നും അ​ക്കൗ​ണ്ട്​ തി​രി​ച്ചു​കി​ട്ടാ​ൻ വീ​ണ്ടും പ​ണ​മ​ട​ക്ക​ണ​മെ​ന്നും ആ​വ​ശ്യ​പ്പെ​ടു​ക​യാ​യി​രു​ന്നു. ഇ​തി​നെ​തു​ട​ർ​ന്ന്​ ക​മ്പ​നി​യു​ടെ പ്ര​ദേ​ശി​ക ഓ​ഫി​സു​മാ​യും വാ​ട്​​സ്​​ആ​പ്​ വ​ഴി​യും ബ​ന്ധ​പ്പെ​ടാ​നു​ള്ള ശ്ര​മം പ​രാ​ജ​യ​പ്പെ​ടു​ക​യാ​യി​രു​ന്നു. തു​ട​ർ​ന്ന്​ മ​ന്ത്രാ​ല​യ​ത്തി​ന്‍റെ സ്മാ​ർ​ട്ട് ആ​പ്പ്​ വ​ഴി ഇ​യാ​ൾ പ​രാ​തി​പ്പെ​ടു​ക​യാ​യി​രു​ന്നു.

സം​ഭ​വ​ത്തി​ന്‍റെ പ​ശ്ചാ​ത്ത​ല​ത്തി​ൽ എ​ളു​പ്പ​ത്തി​ലു​ള്ള ലാ​ഭ​വും അ​ധി​ക വ​രു​മാ​ന​വും വാ​ഗ്ദാ​നം ചെ​യ്ത് ത​ട്ടി​പ്പ്​ ന​ട​ത്തു​ന്ന ട്രേ​ഡി​ങ്​ പ്ലാ​റ്റ്‌​ഫോ​മു​ക​ൾ​ക്കെ​തി​രെ ജാ​ഗ്ര​ത പാ​ലി​ക്ക​ണ​മെ​ന്ന്​ ആ​ഭ്യ​ന്ത​ര മ​ന്ത്രാ​ല​യം ക​ർ​ശ​ന മു​ന്ന​റി​യി​പ്പ് ന​ൽ​കി. ട്രേ​ഡി​ങ്​ അ​ട​ക്ക​മു​ള്ള പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന​തി​ന് മു​മ്പ് സെ​ക്യൂ​രി​റ്റീ​സ് ആ​ൻ​ഡ് ക​മ്മോ​ഡി​റ്റീ​സ് അ​തോ​റി​റ്റി​യു​ടെ ഔ​ദ്യോ​ഗി​ക വെ​ബ്‌​സൈ​റ്റ് വ​ഴി പ്ലാ​റ്റ്‌​ഫോ​മു​ക​ളു​ടെ ആ​ധി​കാ​രി​ക​ത​യും ലൈ​സ​ൻ​സി​ങ്ങും പ​രി​ശോ​ധി​ക്ക​ണ​മെ​ന്ന്​ പൊ​തു​ജ​ന​ങ്ങ​ളോ​ട് അ​ഭ്യ​ർ​ഥി​ച്ചു.

ഓ​ൺ​ലൈ​ൻ ത​ട്ടി​പ്പി​ന്റെ അ​പ​ക​ട​ങ്ങ​ളെ​ക്കു​റി​ച്ച് പൊ​തു​ജ​ന​ങ്ങ​ളെ ബോ​ധ​വ​ത്ക​രി​ക്കു​ക എ​ന്ന ല​ക്ഷ്യ​ത്തോ​ടെ, ഫെ​ഡ​റ​ൽ ക്രി​മി​ന​ൽ പൊ​ലീ​സു​മാ​യി സ​ഹ​ക​രി​ച്ച് ജൂ​ൺ പ​കു​തി​യോ​ടെ ‘അ​തി​ൽ വീ​ഴ​രു​ത്’ എ​ന്ന ത​ല​ക്കെ​ട്ടി​ൽ രാ​ജ്യ​വ്യാ​പ​ക​മാ​യി ബോ​ധ​വ​ത്ക​ര​ണ കാ​മ്പ​യി​ൻ ആ​ഭ്യ​ന്ത​ര മ​ന്ത്രാ​ല​യ​ത്തി​ലെ സു​ര​ക്ഷാ മാ​ധ്യ​മ​വ​കു​പ്പ് ആ​രം​ഭി​ച്ചി​ട്ടു​ണ്ട്. സം​ശ​യാ​സ്പ​ദ​മാ​യ സ​ന്ദേ​ശ​ങ്ങ​ളോ ത​ട്ടി​പ്പ് ശ്ര​മ​ങ്ങ​ളോ ശ്ര​ദ്ധ​യി​ൽ​പെ​ട്ടാ​ൽ ‘എം.​ഒ.​ഐ.​യു.​എ.​ഇ’ ആ​പ്പി​ൽ ല​ഭ്യ​മാ​യ സൈ​ബ​ർ കു​റ്റ​കൃ​ത്യ റി​പ്പോ​ർ​ട്ടി​ങ്​ പ്ലാ​റ്റ്‌​ഫോം വ​ഴി റി​പ്പോ​ർ​ട്ട് ചെ​യ്യ​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടു.