യു.എ.ഇയിൽ 479 പേർക്ക്​ കൂടി കോവിഡ്​; നാല്​ മരണം

ദുബൈ: യു.എ.ഇയിൽ 479 പേർക്ക്​ കൂടി കോവിഡ്​ സ്​ഥിരീകരിച്ചതായി ആരോഗ്യ, രോഗ പ്രതിരോധ മന്ത്രാലയം അറിയിച്ചു. നിലവി ൽ 6781 പേരാണ്​ രാജ്യത്ത്​ ചികിത്സയിലുള്ളത്​. നാല്​ പേരുടെ മരണം കൂടി സ്​ഥിരീകരിച്ചതോടെ മരണ സംഖ്യ 41 ആയി.

ഏഷ്യൻ രാജ്യങ്ങളിൽ നിന്നുള്ള മൂന്ന്​ പേരും ഒരു ഗൾഫ് പൗരനുമാണ് മരിച്ചത്. 98 പേർക്ക് ഇന്ന് പൂർണമായും രോഗം ഭേദപ്പെട്ടു. രോഗവിമുക്തി നേടിയവരുടെ എണ്ണം 1286 ലെത്തി. പുതുതായി രോഗം സ്ഥിരീകരിച്ചവരുടെ ആരോഗ്യസ്ഥിതി ഗുരുതരമല്ല.