ഷാർജയിലും അൽ ബതയയിലും നാലു പള്ളികൾ തുറന്നു

ഷാര്‍ജ: ഷാർജ ഇസ്​ലാമിക് അഫയേഴ്‌സ് ഡിപ്പാർട്ട്‌മെൻറ് (ഡി.ഐ.എ) ഷാർജയിലെയും അൽ ബതയയിലെയും നാല് പള്ളികൾ ഉദ്ഘാടനം ചെയ്തു. നാല് പള്ളികളിലും ആരാധകർക്ക് ആവശ്യമായ എല്ലാ സൗകര്യങ്ങളും ഒരുക്കിയിട്ടുണ്ട്.

ഓരോ പള്ളിയിലും 2550 പുരുഷൻമാർക്കും സ്​ത്രീകൾക്കും നമസ്​കരിക്കാൻ സൗകര്യമുണ്ട്​. ഇമാറാത്തിയും ആധുനിക വാസ്തുവിദ്യകളും സംയോജിപ്പിച്ചാണ് ഇവയുടെ നിര്‍മാണം പൂര്‍ത്തിയാക്കിയത്. പ്രദേശവാസികളുടെ അഭ്യര്‍ഥന മാനിച്ച് വേഗത്തില്‍തന്നെ ഇവയുടെ നിര്‍മാണം പൂർത്തിയാക്കാൻ കഴിഞ്ഞതായി ഡി.ഐ.എ മേധാവി അബ്​ദുല്ല ഖലീഫ യറൂഫ് അൽ സെബൂസി പറഞ്ഞു.