ലഹരിവിൽപന; ഖത്തറില്‍ നാലുപേർ പിടിയിൽ

ദോഹ: ഖത്തറില്‍ ലഹരിവില്‍പനയുമായി ബന്ധപ്പെട്ട് നാലു പേർ പിടിയിൽ. ഡ്രഗ് എന്‍ഫോഴ്സ്മെന്റ് വിഭാഗമാണ് ഖത്തറിന്റെ വിവിധ മേഖലകളിൽ ലഹരിവിൽപനയും കൈമാറ്റവും ഉൾപ്പെടെ നടപടികളുടെ ഭാഗമായി നാല് ​ഏഷ്യൻവംശജരെ പിടികൂടിയത്. ഇവരുടെ താമസസ്ഥലങ്ങളില്‍ നടത്തിയ പരിശോധനയില്‍ 421 ഗ്രാം ഹഷീഷും 800​ ഗ്രാം ഹെറോയിനും അടക്കമുള്ള ലഹരിവസ്തുക്കള്‍ കണ്ടെടുത്തു. ബാഗുകളിലും ചെറു പാക്കറ്റുകളിലും ഗുളികരൂപത്തിലുമാണ് ലഹരിവസ്തുക്കൾ സംഘം വിൽപന നടത്തിയത്.

രാജ്യത്തിന്റെ വിവിധ ഭാഗങ്ങളിൽ ഇവര്‍ ലഹരിവില്‍പന നടത്തിയതായി ഡ്രഗ് എൻഫോഴ്സ്മെന്റ് വിഭാഗം അറിയിച്ചു.