നാലര പതിറ്റാണ്ടി​െൻറ പ്രവാസം; ഗുരുകുലം വിജയ​െൻറ സേവനം ഇനി നാട്ടിൽ

ദുബൈ: നാലര പതിറ്റാണ്ട്​ മുമ്പ്​​ പ്രവാസ ജീവിതത്തിലേക്ക്​ കാലെടുത്തുവെച്ച നാൾ മുതൽ സേവനരംഗത്ത്​ സജീവമായ ഗുരുകുലം വിജയൻ നാട്ടിലേക്ക്​ മടങ്ങുന്നു. 1975ൽ തുടങ്ങിയ പ്രവാസ ജീവിതത്തിന്​ വിരാമമിട്ടാണ്​ തിരുവനന്തപുരം ഉള്ളൂരിലേക്ക്​ മടങ്ങുന്നത്​.

ദുബൈ പെട്രോളിയം കമ്പനിയിൽ പ്രിൻറിങ്​ ഡിപ്പാർട്മെൻറ് തലവനായി 25 വർഷം സേവനം അനുഷ്​ഠിച്ചു. തുടർന്ന് അൽ അബ്ബാസ് ഗ്രൂപ്പിൽ 'കോപ്പി മി'യുടെ ഓപറേഷൻസ്‌ മാനേജരായി പത്തുവർഷം ജോലി ചെയ്​തു.

പിന്നീട് ഗുരുകുൽ അ ഡ്വർടൈസിങ് ആൻഡ് ഗിഫ്​റ്റ്​ സപ്ലൈ എന്ന സ്വന്തം സ്ഥാപനം തുടങ്ങി. നിലവിൽ ഷാർജയിലെ മോണോ ഇലക്ട്രിക്കൽ കമ്പനിയുടെ മാനേജിങ് ഡയറക്ടർ ആണ്. 46 വർഷമായി വിവിധ സംഘടനകളിലൂടെ സാമൂഹിക സേവനരംഗത്ത്​ സജീവമാണ്​.

ദുബൈ ഷോപ്പിങ് ഫെസ്​റ്റിവലി​െൻറയും ഇന്ത്യൻ കോൺസുലേറ്റി​െൻറയും സ്​റ്റേജ് കോഒാഡിനേറ്റർ ആയിരുന്നു. കൊല്ലത്തുനിന്ന്​ പ്രിൻറിങ്​ ടെക്നോളജി പാസായി സ്വന്തം പ്രിൻറിങ്​ യൂനിറ്റ് നടത്തിയ സമയത്താണ് ദുബൈയിലെത്തുന്നത്​. 1973ൽ നിലവിൽ വന്ന ദുബൈയിലെ ആദ്യ മലയാളി സംഘടനയായ ഇന്ത്യൻ റിലീഫ് കമ്മിറ്റിയുടെ ജനറൽ സെക്രട്ടറിയാണ്.

യുനൈറ്റഡ്‌ മലയാളി അസോസിയേഷൻ, ദുബൈ പ്രിയദർശിനി, വർക്കല നോൺ റെസിഡൻറ്‌സ് അസോസിയേഷൻ, ടെക്​സാസ്​, ഒ.ഐ.സി.സി, വിദ്യ ഇൻറർനാഷനൽ ചാരിറ്റബിൾ ട്രസ്​റ്റ്, സേവനം (സ്ഥാപക അംഗം), ഓർമ, സംസ്കാര, ശാന്തിഗിരി സാംസ്‌കാരിക കേന്ദ്രം തുടങ്ങിയവയുടെ ഭാഗമായി പ്രവർത്തിച്ചിരുന്നു.

സ്വാതന്ത്ര്യസമര സേനാനിയും ഉപ്പുസത്യഗ്രഹത്തിൽ പങ്കെടുത്ത ഗാന്ധിയനുമായ പരേതനായ ഗോവിന്ദ​െൻറ മകനാണ്​. അമ്മ കുഞ്ഞുലക്ഷ്മി. ഭാര്യ: ശോഭ. മക്കൾ: നിത്യ, ധ്രുവ്​. മരുമകൻ: അജിത്, മകൻ ധ്രുവ്.