ഫൗണ്ടേഴ്​സ്​ മെമോറിയൽ തുറന്നു: ശൈഖ്​ സായിദി​െൻറ ഒാർമകളിലൂടെ സഞ്ചരിച്ച്​ സന്ദർശകർ

അബൂദബി: ആറ്​ വർഷത്തെ നിർമാണ^രൂപകൽപന പ്രവൃത്തികൾക്ക്​ ശേഷം ഫൗണ്ടേഴ്​സ്​ മെമോറിയൽ പൊതുജനങ്ങൾക്കായി തുറന്നുകൊടുത്തു. അബൂദബി ​േകാർണിഷിൽ 3.3 ഹെക്​ടറിൽ സ്​ഥിതി ചെയ്യുന്ന മെമോറിയലിലെ ഖാഫ്​, സിദ്​ർ മരച്ചോട്ടിലൂടെ ശൈഖ്​ സായിദി​​​െൻറ വ്യക്​തിത്വത്തെയും പൈതൃകത്തെയും പരിചയപ്പെട്ടുകൊണ്ട്​ നിരവധി പേർ സഞ്ചരിച്ചു. 1327 ജ്യാമിതീയ രൂപങ്ങൾ 30 മീറ്റർ ഉയരമുള്ള ക്യൂബിൽനിന്ന്​ തൂക്കിയിട്ട ‘കോൺസ്​റ്റ​േലഷൻ’ രാത്രിയിൽ നക്ഷത്രങ്ങളെ അനുസ്​മരിപ്പിച്ചു. 

എല്ലാ ദിവസവും രാവിലെ ഒമ്പത്​ മുതൽ രാത്രി പത്ത്​ വരെയാണ്​ സ്​മാരകത്തി​​​െൻറ പ്രവർത്തന സമയം. പ്രവേശനം സൗജന്യമാണ്​. ശൈഖ്​ സായിദി​​​െൻറ അപൂർവ വീഡിയോ, ഒാഡിയോ, ചിത്രങ്ങൾ എന്നിവയിലൂടെ അദ്ദേഹത്തി​​​െൻറ ജീവിതമൂല്യങ്ങളും സന്ദേശങ്ങളും പകർന്നുനൽകുന്നതിൽ ഫൗണ്ടേഴ്​സ്​ മെമോറിയലിന്​ വലിയ പങ്ക്​ വഹിക്കാൻ സാധിക്കും. ഫെബ്രുവരി 26നാണ്​ സ്​മാരകം ഒൗദ്യോഗികമായി ഉദ്​ഘാടനം ചെയ്​തത്​.

ശൈഖ്​ സായിദിന്​ ആദരമായി നിർമിച്ച സ്​മാരകത്തിലേക്ക്​ പൊതു ജനങ്ങളെ സ്വാഗതം ചെയ്യുന്നതിൽ ഏറെ സന്തോഷമുണ്ടെന്ന്​ ഫൗണ്ടേഴ്​സ്​ മെമോറിയൽ ജനറൽ മാനേജർ യൂസുഫ്​ ആൽ ഉബൈദി പറഞ്ഞു. ശൈഖ്​ സായിദി​​​െൻറ ജീവിതത്തെ കുറിച്ച്​ കലകളിലൂടെയും ലാൻഡ്​സ്​കേപിലൂടെയും വാക്കുകളിലൂടെയും കഥകളിലൂടെയും അറിയുന്നത്​ സന്ദർശകരെ ആവേശഭരിതരാക്കുന്ന അനുഭവമായിരിക്കുമെന്നും അദ്ദേഹം അഭിപ്രായപ്പെട്ടു.