ഫൗണ്ടേഴ്​സ്​ മെമോറിയൽ കാഴ്​ചകൾ ഇന്ന്​ മുതൽ

അബൂദബി: രാഷ്​ട്രപിതാവ്​ ശൈഖ്​ സായിദിനുള്ള ആദരമായി അബൂദബി കോർണിഷിൽ സ്​ഥാപിച്ച സ്​ഥിരം സ്​മാരകം ‘ഫൗണ്ടേഴ്​സ്​ മെമോറിയൽ’ ഞായറാഴ്​ച പൊതുജനങ്ങൾക്കായി കവാടം തുറക്കും. സൗജന്യമായി സ്​മാരകത്തിൽ പ്രവേശിക്കാം. എല്ലാ ദിവസവും രാവിലെ ഒമ്പത്​ മുതൽ രാത്രി പത്ത്​ വരെയാണ്​ സ്​മാരകം പ്രവർത്തിക്കുക. രാഷ്​ട്രപിതാവി​​​െൻറ ജീവിത സന്ദേശവും പൈതൃകവും ജനങ്ങളിലേക്കെത്തിക്കാൻ സാധിക്കുന്ന വിധത്തിലാണ്​ സ്​മാരകം രൂപകൽപന ചെയ്​തിട്ടുള്ളത്​. അബൂദബി കോർണിഷിൽ 3.3 ഹെക്​ടറിൽ സ്​ഥിതി​ചെയ്യുന്ന സ്​മാരകത്തിൽ പബ്ലിക്​ ആർട്ടിസ്​റ്റ്​ റാൽഫ്​ ഹെൽമിക്​ ഡിസൈൻ ചെയ്​ത ശൈഖ്​ സായിദി​​​െൻറ ത്രിമാന പോർട്രെയ്​റ്റോടെയുള്ള കോൺസ്​റ്റലേഷൻ പ്രധാന ആകർഷണമാണ്​.

ശൈഖ്​ സായിദി​​​െൻറ ജീവിതം, പൈതൃകം, മൂല്യങ്ങൾ തുടങ്ങിയവ അപൂർവ വീഡിയോകളിലൂടെയും ഒാഡിയോകളിലൂടെയും അറിയാൻ സാധിക്കും. അഭിമുഖങ്ങളുടെയും മറ്റും ഒാഡിയോ ക്ലിപ്പികളിലൂടെ ശൈഖ്​ സായിദി​​​െൻറ ശബ്​ദം കേൾക്കാനും കഴിയും. ഇംഗ്ലീഷിലും അറബിയിലുമുള്ള ടൂർ ഗൈഡുകൾ കേന്ദ്രത്തിൽ സന്ദർശകർക്ക്​ ലഭിക്കും. യു.എ.ഇയിലെയും അറേബ്യൻ ഉപദ്വീപിലെയും അപൂർവ സസ്യങ്ങളും ചെടികളും സ്​മാരകത്തെ പച്ചയണിയിച്ചിട്ടുണ്ട്​. ഖാഫ്​ മരത്തോപ്പുകളും സിദ്​ർ മരങ്ങളും തണൽ വിരിച്ചിക്കുന്നു.

ഇൗത്തപ്പനകളും അക്കേഷ്യകളും സമർ മരങ്ങളും തലയുയർത്തി നിൽക്കുന്നുണ്ട്​. പബ്ലിക്​ പ്ലാസ എന്ന പേരിൽ ഒരുക്കിയ സ്​ഥലത്ത്​ ജനങ്ങൾക്ക്​ കലാസൃഷ്​ടികളും ഉദ്യാനവും ആസ്വദിക്കാനും വിശ്രമിക്കാനും സാധിക്കും. ജനങ്ങൾക്ക്​ ഒത്തുകൂടാനും ഇവിടെ സൗകര്യമൊരുക്കിയിട്ടുണ്ട്​. ഫെബ്രുവരി 26നാണ്​ സ്​മാരകം ഒൗദ്യോഗികമായി ഉദ്​ഘാടനം ചെയ്​തത്​.